Aina Levi 17:14 - Amazwi Yakwe Leza 2013

¹⁴ Pano umi wa ciumbwa consi ca umi waya mu wazi. Uli mulandu uno Yawe watapeela ilamulo ku ina Izlaeli ukuti yatalinzile kulya inyama ino mucili uwazi. Nupya wensi uwacita icintu cico ali nu kusukulwa mu antu yakwe.

Aina Levi 17:14 交叉參考

Utandiko 9:4

Lelo mutakezye ukulya inyama muno mucili uwazi, pano uwazi uli umi wakweyo.

Malango 12:23

Lelo cisi cakwezya ukulya inyama lino icili nu wazi, pamulandu wakuti uwazi umwaya umi. Fwandi mutalinzile ukulya umi ni nyama kwene.

Milimo 15:20

Mu cifulo cakwe cico, tulinzile kuyalembela kalata wa kuyanena kuti yatalya ivyakulya vikowele pano vyapeelwa ku tuluwi. Yaisunge ku ulenzyo, nga nu kuntalya inyama zino yanyonga, nanti kulya uwazi.

Kufuma 30:33

Muntu ali wensi wino alapanga amafuta acinunu cisuma yauze akolane na yaa, nanti kupaka muntu ali wensi wino asi simapepo, wene alinzile kusukulwa mu antu yane.’ ”

Aina Levi 3:17

Kusi mwina Izlaeli angalya amafuta nanti uwazi. Ilamulo lii lilinzile kusungwa na ina Izlaeli yonsi amanda pe, konsi kuno yalikala.’”