Aina Levi 16:4 - Amazwi Yakwe Leza 2013

⁴ Lyene Yawe apeela malamulo yaa. Lino Aaloni atali aingile mu Ncende Yamuzilo kuluta, alinzile kufulala umwili onsi nu kuzwala vyakuzwala vyamuzilo, mwingila, kaputula, na tulibani.

Aina Levi 16:4 交叉參考

Kufuma 30:20

Lyonsi lino yingila mwi Taalu lya Ukongano, yene yalinzile kufulala pakuti yatafwa. Vivyo kwene pakuya ku kavuwa ku kuomba imilimo yao ya kutumikila pa kutwala amawila akocela Yawe,

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.

Aina Levi 6:10

Lyene simapepo azwale mwingila wakwe bafuta, alino na kaputula wakwe bafuta. Alino atoole itwi lya nyama ya wila wakoca, aitile mu mbali ya kavuwa kako kwene.

Ayebulai 10:22

Caleka lekini tupalamile kuli Leza nu mwenzo uwa cumi nu utailo uwa mpomvu. Lekini tusunge myenzo itu iye iswepe, ni myelenganyizizye itu nayo iye ya untungwa kufuma ku viipe, ni mili itu ifulwe na manzi aswepe.

Ayebulai 2:14

Twazana ukuti yano akwamwa ana, antu akwata munyefu nu wazi. Acino Yesu umwisikulu wizile akolana nayo ku mwili wa untu. Wene wacisile cii kuti mu mfwa yakwe amuno aonone Ciwa, wino uwakwata maka pa mfwa.

Filipi 2:7

Lelo waicefizye, nu mukuitemelwa wasile vyonsi vino wakweti, atoola mwata wa muzya. Wene wizile aya umuntu nu kuloleka wa muntu.

Luka 1:35

Mungeli amwaasuka ati, “Mupasi Wamuzilo uliza panuli, na maka yakwe Leza uwa papelapela yalakuvimba. Pamulandu uu, umwana wamuzilo alaamwa u Mwana wakwe Leza.

Ezaya 53:2

Ala Yawe umweneco aliwe walanzile ukuti umuomvi wakwe akulile pa cinso cakwe wa muti uwalemwa apume ndi, pano imisisi ikulepola umusili apakutamba pansi. Atalolekanga umucindame nanti umuyembe, cakuti swemo tumwikeko amano. Atakweti usuma uwakuti swemo twalondelela kweneko.

Aina Levi 16:24

Alinzile kufulala umwili onsi lino acili mu Ncende Yamuzilo, alino azwale insalu zyakwe. Pacisila cakwe cico, alinzile kufumila panzi alino apeele impolelwa ya wila wakoca, ya lutambi lwa kufuta amaifyo yakwe na maifyo ya antu.

Kufuma 40:12

“Pacisila cakwe vii wize na Aaloni pamwi na ana yakwe kwene aonsi pa mulyango wi Taalu lya Ukongano, nga uyaswefye.

Kufuma 29:4

“Wize na Aaloni ku mulyango wi Taalu lya Ukongano pamwi na ana yakwe aonsi,

Kufuma 28:2

Uleke yasumile munyonko Aaloni vyakuzwala vyamuzilo, ivya kumucindamika nu kumuyemvya.

Aina Levi 16:23

Lyene Aaloni alinzile kwingila mwi Taalu lya Ukongano, azule vyakuzwala vya usimapepo, vivi vino waliwazwala lino atali aingile mu Ncende Yamuzilo kuluta, avisye mumu kwene.

Aina Levi 16:32

Simapepo Mukulu wino watekwa pa cilimba ca usimapepo, wino wapaatulwa kuti angapyana isi awino angacita ulutambi lwa kufuta amaifyo. Alinzile kuzwala vyakuzwala vya usimapepo,

Ezekelo 9:2

Awe mukwai papo kwene aonsi mutanda yafuma nu ku mpongolo ya panzi, ino yayela lwaku katutu ku mpongolo ya Ng'anda ikulu yakwe Leza, cila wenga ala ali ni canzo. Pali penepo nu monsi wenga uwazwite insalu zisuma izitelepelele, wene ala akweti ni vyakulembelako. Awe yonsi yiza yimilila lusansa lwaku kavuwa ka kutuulilapo aka mukuwa.

Ezekelo 44:19

Pakufumila pa antu yano yali mu musolo wa mwi linga lyakunzi, yali nu kutala yazula ivyakuzwala vino yali yakuombelamo umulimo mu Ng'anda yane ikulu nu kuvisya mu mupute wamuzilo. Yali nu kuzwala insalu zyuze, ali pakukana letelela antu angakumya ku nsalu zizyo zyamuzilo.

Aina Levi 6:3

nanti pa kumutumpoka ati caponga, alapa ukuti ataciweni.