Aina Levi 16:18 - Amazwi Yakwe Leza 2013

¹⁸ Lyene alinzile kufumila kunzi nu kuya ku kavuwa kano kali pa manso yakwe Yawe, alino acite ulutambi lwa kukaswefya. Atole uwazi wakwe cipambasi nu wazi wa mbuzi, alino apake pa mpembe zya kavuwa akazingulusye.

Aina Levi 16:18 交叉參考

Aina Levi 4:7

Pacisila cakwe vii simapepo apake uwazi umwi pa mpembe zya kavuwa ka mwi Taalu lya Ukongano akakocelapo ubani wa cinunkilo cisuma pa manso yakwe Yawe. Uwazi uze uwasyala wakwe cipambasi wiyo awitile mwisika ya kavuwa ka kupelelapo uwila wakoca kano kali pa mulyango wi Taalu lya Ukongano.

Aina Levi 16:16

Vii, avino Aaloni ali nu kucita pa lutambi lwa kuswefya Ncende Yamuzilo kuluta ku mifitalila ya ina Izlaeli nu ku maifyo yao Alinzile kucitila ni Taalu lya Ukongano icili cimwi kwene pamulandu wakuti lyaya pa nsakwe ikowele.

Aina Levi 4:18

Pacisila cakwe vii, apake uwazi umwi pa mpembe zya kavuwa kano kali mwi Taalu lya Ukongano pa manso yakwe Yawe. Uwazi uze wasyala awitile mwisika ya kavuwa ka kupelelapo uwila wakoca, kano kali pa mulyango wi Taalu lya Ukongano.

Kufuma 30:10

Cila mwaka Aaloni akaacita lutambi lwa kufuta amaifyo pa mpembe zya kavuwa kako iila lyonga. Akaaswefya kavuwa iila lyonga pa mwaka nu wazi wa nyama zya mawila ya kufuta amaifyo. Vintu vii vikacitwa mu nkulo zikwiza zyonsi. Kavuwa kwene kaa kalaya kamuzilo cuze, nupya kene kapaatulwa kuli Yawe.”

Ayebulai 2:11

Wene akaswefya antu ku maifyo yao, nga aliwe pamwi na yao aswefiwa yonsi kwene Isi a wenga mpo. Uli mulandu uno Yesu asi ni nsonyi zya kuyama ukuti aina yakwe.

Yoane 17:19

Pamulandu wao nemo naitula kunuli kuya uwakwako, kuti nao kwene yaitule kunuli yaye akwako mu cumi.

Aina Levi 4:25

Pacisila cakwe vii, simapepo atimpike umunwe wakwe umu wazi umwi uwa wila wa kwelela amaifyo. Lyene apake uwazi pa mpembe zya kavuwa ka kupelelapo uwila wakoca. Uwazi uwo uno wasyala awitile mwisika ya kavuwa kako kwene.

Aina Levi 16:17

Mwi Taalu lya Ukongano mutalinzile ukuya nanti umuntu wenga ndi Aaloni wingila ku kucita ulutambi lwa kuswefya Ncende Yamuzilo kuluta. Mutaya umuntu mpaka kufika nalino wamala ukucita ulutambi lwa kufuta amaifyo yakwe na maifyo ya amu ng'anda yakwe, nga na maifyo yi uvi lya ina Izlaeli.

Mpendwa 28:22

Kuye kweneko na sawe wenga uwa wila wa kwelela amaifyo kuti yacite ulutambi lwa kufuta amaifyo inu.

Ezekelo 43:20

Ukatole uwazi wakako nu kupaka ku mpembe ziini zya kavuwa na pa matungi yani ancende yapakasi, nu mu nsingo yonsi. Fwandi ali vino ulasangulula kavuwa konsi nu kukapaatwila kunondi.

Ezekelo 43:22

Pa wanda walenga yaili ukatuule sawe, uwaula ulema, wa mpolelwa ya kwelela amaifyo. Ali vino ulasangulula kavuwa ndi vino wacisile apakutuula kacipambasi.

Ezekelo 45:19

Simapepo ace atoola uwazi umwi apa wazi wa nyama ino yatuulilwepo impolelwa yakwelela amaifyo, nu kuupaka uku maingwe ya Ng'anda yakwe Leza, nu ku matungi yonsi yani ayela papela ya kavuwa, nga nuku maingwe ya mpongolo yakuila mu musolo wa mwilinga lya mukasi.