Aina Levi 16:13 - Amazwi Yakwe Leza 2013

¹³ Lyene mumu kwene pa manso yakwe Yawe Aaloni alinzile kwika ubani pa moto. Lyene icunsi ca ubani cimalenga kuti Aaloni atalola intupiko ya Mbokosi ya Upangano, pano angafwa.

Aina Levi 16:13 交叉參考

Kufuma 25:21

Ukike ntupiko papela ya Mbokosi ya Upangano, alino mu Mbokosi kwene iyo ya Upangano amuno ukike vipampa vya mawe ivya masunde vino ndakupeela.

Kufuma 30:1

“Lyene uleke yapange kavuwa ka kocelapo ubani. Upange kavuwa kaa ni mbao zya muti wa akasya.

Ayebulai 9:24

Pano Klistu atingile mu Ncende Yamuzilo ino iyapangwa nu muntu, nupya ino iyali ukukolanya kwakwe iyo ya cumi. Wene wingile mwiyulu kwene muno ndakai ali pamwi na Leza kuti atwazwa.

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

Mpendwa 16:46

Lyene Mose anena Aaloni ati, “Tola icifutikilo cako, uwikepo makala ya moto, nga usumbile ubani umwi penepo, nga ucincile uye ku antu nu kuyacitila ulutambi lwa kufuta amaifyo yao. Cincila! Ukali wakwe Yawe nga ni mpungo, vyativitandika mpiti.”

Mpendwa 16:18

Acino cila wenga atoola icifutikilo cakwe, aikapo makala ya moto nga nu ubani, nga aimilila pamwi na Mose na Aaloni pa mulyango wi Taalu lya Ukongano.

Mpendwa 16:7

nga mutondo katondo mwikepo umoto nu ubani pa manso yakwe Yawe. Lyene tulalola umuntu wino Yawe alasolola pakasi kitu. Ala amwemwe mwe ina Levi mwemuno cafula!”

Aina Levi 22:9

“‘Yasimapepo yonsi yalinzile kusunga malamulo yonsi yano napeela. Ndi yatacisile vivyo yali nu kupelwa mulandu. Nupya yangafwa pamulandu wa kuntayela malamulo yamuzilo. Nene indi Yawe, nene nkalenga kuti yaye amuzilo.

Kufuma 28:43

Aaloni na ana yakwe yazwala vikwene vii lyonsi lino yakwingila mwi Taalu lya Ukongano, nanti lino yapalamila ku kavuwa ku kuntumikila mu Ncende Yamuzilo, koopa kuti limwi angacita maifyo nu kufwa. Ilamulo kwene lii lyapeelwa kuli Aaloni nga nu ku amu mupanda wakwe amanda pe.”

Mpendwa 4:15

Lino Aaloni na ana yakwe yalamala kuvimbilikizya vintu vyamuzilo pamwi ni viombelo vyonsi, lyene ali lino ana yakwe Koati yali nu kwiza vikusya. Lelo yatalinzile kukumya ku vyamuzilo, pano ndi yacita vivyo yalafwa. Fwandi aluko lwakwe Koati yalinzile kusenda viya vya mwi Taalu lya Ukongano lyonsi lino yakulisezya.

Mpendwa 4:20

Lelo aluko lwakwe Koati yatakezye ukwingila mwenemo kuti yalolekesye pa vintu vyamuzilo nanti panono. Ndi yacita vivyo yalailetelela yafwe.”

Malango 33:10

Yene yakasambilizya antu yako ukuyela amalamulo yako. Yene yalapeela amawila yakoca yonsi pa kavuwa kako.