Aina Levi 14:7 - Amazwi Yakwe Leza 2013

⁷ Simapepo alinzile kusansa uwazi maila cinimbali pa muntu wino akuswefiwa ku ndwala yakwe tembwe. Lyene alinzile kumunena ukuti wataswefiwa. Simapepo alinzile kuta icunyi cino yatakomile kuti cipapuke, kusalala mu vyalo.

Aina Levi 14:7 交叉參考

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Ezaya 52:15

Ali vino alalenga ukuti imitundu iingi izunguke, na yamwene kwene yatalalanda apakulola icata cakwe, apakulola cino citatazile cilandwapo, nanti ukulola cino citatazile cuvwike.”

2 Yamwene 5:14

Naamani ali pakuya uku luzi lwa Yodani, aitimpika mwenemo amaila cinimbali, wakwe muno Elisya walandile, nu kupola apola. Umwili wakwe Naamani iutelepa sile ningo, kwati akanya akacivyalwa, ali vino wene aswefiwa.

2 Yamwene 5:10

Alino Elisya atuma inkombe yakwe ku kuyanena Naamani iti, “Yanga ukowe amaila cinimbali mu luzi lwa Yodani, alino umapola, uswefiwe.”

1 Petulo 1:2

Mwemo Leza Tata wamusolwile kuti muye antu yakwe, nga nu Mupasi wakwe wamucita kuya amuzilo kuti mwayela Yesu Klistu na kuti mwaswefiwa nu wazi wakwe. Leza aye ni cikuku kunomuli, nupya amupeele mutende uvule cuze.

Ayebulai 9:19

Nkolelo Mose wanenyile antu masunde yonsi ndi vino Leza wamupile. Lyene atoola wazi wakwe yacipambasi ya ng'ombe nu wa mbuzi, atikanya na manzi, nga ausansa pa lupapulo lwa Masunde, na pa antu onsi, ala akuomvya kamuti kakwe isopu na mavumbu ya mfwele ayenzu.

Ayebulai 9:13

Wazi wa mbuzi na yacipambasi ya ng'ombe nga ni twi lya ndama vyonsi vikakanyiwa pa antu akowele kulingana ni mipepele ya Ciyuda. Mu musango uu amuno yakaswefiwa ku kukukowela kwa ku mwili.

1 Yoane 5:6

Wii ali wino wizile na manzi nu wazi, a Yesu Klistu kwene, nga atizile na manzi yatupu sile, lelo wizile na manzi nu wazi. Mupasi Wamuzilo umwisikulu akupeela umboni uwakuti cii icacumi, pano wene ali cumi.

Ayebulai 12:24

Mwati mwiza kuli Yesu wakukundanya antu na Leza mu upangano upya nga nu ku wazi wakwe wapongolwilwe nu kukanyiwa muno mwaya vintu visuma cuze vyalavilwe kuluta, ivyamu wazi wakwe Abeli.

Ayebulai 10:22

Caleka lekini tupalamile kuli Leza nu mwenzo uwa cumi nu utailo uwa mpomvu. Lekini tusunge myenzo itu iye iswepe, ni myelenganyizizye itu nayo iye ya untungwa kufuma ku viipe, ni mili itu ifulwe na manzi aswepe.

Ayebulai 9:26

pano acita vivyo wange acule maila aingi kufuma ku kuumbwa kwa vintu vyonsi. Lelo ndakai, lino mpelelekezyo ya nsita zya mikulo yonsi yapalama, wene waloleka lyonga nupya calimwi kuti atufumizye maifyo kupitila mu mpolelwa ino umwisikulu waipile.

Ayebulai 9:21

Mu musango uli onga Mose asansa wazi pi Taalu lya Upangano nga na pa vintu vyonsi vino vyaomviwanga mu upefi.

Yoane 19:34

Lelo wenga uwamu asilika amutota ni sumo mu mbazo, nga lilyo kwene mufuma wazi na manzi. (

Mika 7:19

Nupya kwene ulaya ni nkunkunsi kunotuli. Ulalyatola amaifyo itu, nu kuvwintila ukakasi witu mu maziya pali yemba.

Danieli 9:24

“Imyaka cinimbali amaila amakumi cinimbali ili nsita ino Leza wika iyakuleka antu yako kumwi nu musumba wamuzilo yaye antungwa ukufuma ku maifyo ni nkota. Amaifyo yalelelwa nu ulungi wa manda pe uye kweneko, apakuti cilolwa nu usemo vikafikiliziwe, nga ni Ng'anda ikulu yamuzilo yakwe Leza ikapelwe kuli Leza nupya.

Masamu 51:7

Umfule na manzi yako, inswepe, umfule nu mwenzo wane uswepe na mpee.

Masamu 51:2

Mfumizye impulupulu zyane zyonsi pyu.

Aina Levi 16:22

Imbuzi iyo isende maifyo yao yonsi mu mpanga mu mapoli muno mutikala antu. Lyene umuntu wiyo aisapulwile mu lwanga.

Aina Levi 16:19

Alinzile kutoola uwazi umwi nu munwe wakwe nu kusansa pa kavuwa maila cinimbali. Vii, avili vino alinzile ukucita pa kuswefya aina Izlaeli nu kulenga kuti kavuwa kaye akamuzilo.

Aina Levi 16:14

Alinzile kutoola uwazi umwi wakwe cipambasi nu munwe wakwe. Alino asanse ku nkolelo ya ntupiko ya Mbokosi ya Upangano. Lyene uwazi umwi asanse maila cinimbali ku nkolelo ya Mbokosi ya Upangano.

Aina Levi 14:51

Lyene simapepo alinzile ukutoola musambo wa cimuti ca mukelide, kamusambo kakwe isopu, kasalu kayenzu nga ni cunyi cino yatafyuzile. Vyonsi vivyo avitimpike mu wazi wa cunyi cino yatiyafyula nga nu mu manzi yaku kafukoka. Lyene alinzile kusansa ng'anda maila cinimbali na manzi yano muli wazi.

Aina Levi 13:17

Nupya kwene simapepo alinzile kumuceceta. Ndi cakuti icilonda icisanguka citiswe, ala umuntu wiyo muswepe. Simapepo alinzile kumunena ukuti muswepe.”

Aina Levi 13:13

simapepo alinzile kumuceceta nupya. Ndi cakuti simapepo wasininkizya ukuti indwala yatilimba umwili onsi, alinzile ukunena mulwale ukuti muswepe, asi uwamifitalila. Nkanda yakwe yonsi yatiya itiswe, nga asi na mifitalila.

Aina Levi 8:11

Alino atoola amafuta yamwi asansa maila cinimbali pa kavuwa na pa viombelo vyonsi vyakako. Asansa na pali muyeza uwakufulalila pamwi ni citende cakwe, kuti avipaatwile kuli Yawe.

Aina Levi 4:17

Papo kwene simapepo wiyo atimpike umunwe wakwe mu wazi, alino pa manso yakwe Yawe, asanse uwazi uwo maila cinimbali ku nsalu ino yacinga Ncende Yamuzilo.

Aina Levi 4:6

Alino atimpike umunwe wakwe mu wazi, nga pa manso yakwe Yawe asanse uwazi uwo maila cinimbali ku nkolelo ya nsalu ino yacinga Ncende Yamuzilo.

Mpendwa 19:12

Fwandi wene alinzile kuisangulula umwisikulu mu manzi pa wanda uwalenga yatatu nu walenga cinimbali. Ale lyene wasyala uwaula mulandu. Nga camukumba wakana ukuisangulula pa wanda uwalenga citatu na pa wakwe cinimbali, ale wene amasyala mukowele.