Aina Levi 13:4 - Amazwi Yakwe Leza 2013

⁴ Lelo ndi cakuti cilonda cikuloleka citiswe nupya cisi icizike ukuluta inkanda izingulwike icilonda, nga ni pipi litasangwike litiswe, lyene simapepo wiyo alinzile kusunga mulwale wiyo aikala wenga pa manda cinimbali.

Aina Levi 13:4 交叉參考

Mpendwa 12:15

Caleka yayalila Milyamu kunzi ya nsakwe pa manda cinimbali. Na antu yatatazile yatenuke ulwendo, suka sile nalino yamuwezizye.

1 Timoti 5:24

Maifyo ya antu yamwi yakaloleka paswe, nupya maifyo yao yakakolela lino kupingulwa kwao kutali kufike. Lelo maifyo yakwe yamwi yene yakaloleka pacisila.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

Ezekelo 44:10

Aina Levi amfutatile pamwi na ina Izlaeli yauze yamwi, nupya apepanga utuluwi, nayo kwene ukufulwilwa kumwi.

Malango 13:14

Ndi muvwa impwelo iya musango uu, mulinzile kulondelezya ningo. Ndi cakuti icacumi umuntu wiyo wacita icamusango uu,

Aina Levi 13:3

Simapepo alolekesye nu kuceceta icilonda. Ndi cakuti ipipi lyamu cilonda ilisanguka ukuya litiswe, nupya icilonda cikuloleka icizike ukuluta inkanda izingulwike icilonda, ale wene ulwale wa nkanda uwipe. Lyene simapepo alinzile ukunena umuntu wiyo ukuti waya uwamifitalila.

Aina Levi 13:5

Simapepo alinzile kulola mulwale nu kumuceceta nupya pa wanda uwalenga cinimbali, ndi cakuti mu kwelenganya kwakwe walola ukuti icilonda cikuloleka icili conga, citaombwike, simapepo alinzile kusuga mulwale aikale wenga nupya pa manda nayauze cinimbali.

Aina Levi 13:11

icilonda cico indwala ikome yakwe tembwe. Simapepo alinzile kumunena ukuti uwamifitalila, nupya citakulondekwa kumuyalila wenga pano caticimanyika mpiti ukuti uwamifitalila cuze.

Aina Levi 13:31

Ndi cakuti lino simapepo waceceta mulwale, wazana ukuti icilonda cici icizike ukuluta inkanda izingulwike icilonda, nomba pasi ipipi litifi pa cilonda, simapepo alinzile kumusunga aikale wenga pa manda cinimbali.

Aina Levi 13:25

simapepo alinzile kuceceta umuntu wiyo. Ndi cakuti ipipi mu ciyazi lyatilisanguka litiswe, nupya ciyazi cikuloleka icizike ukuluta inkanda izingulwike ciyazi, ale indwala yakwe atembwe alino ikutandika mu ciyazi cino umuntu wapiile nu moto. Simapepo alinzile ukunena umuntu wiyo ukuti wene uwamifitalila.

Aina Levi 13:26

Lelo ndi cakuti ipipi mu ciyazi litasangwike litiswe, nupya ciyazi citakuloleka icizike ukuluta inkanda izingulwike ciyazi, lelo iswepulukile, simapepo alinzile kusunga umuntu wiyo aikale wenga pa manda cinimbali.

Aina Levi 13:50

Simapepo alinzile kuciceceta nu kucisunga conga pa manda cinimbali.

Aina Levi 14:38

simapepo alinzile ukusya wayala ing'anda iyo pa manda cinimbali.

Mpendwa 12:14

Nawe Yawe aasuka Mose ati, “Ndi cali aisi uwamuswila amati pa manso, uzye atangazewane amanda cinimbali? Cisuma, fwandi mutolini nu kumuyalila kunzi ya nsakwe amanda cinimbali, alino muce mumuwezye.”