Aina Levi 13:25 - Amazwi Yakwe Leza 2013

²⁵ simapepo alinzile kuceceta umuntu wiyo. Ndi cakuti ipipi mu ciyazi lyatilisanguka litiswe, nupya ciyazi cikuloleka icizike ukuluta inkanda izingulwike ciyazi, ale indwala yakwe atembwe alino ikutandika mu ciyazi cino umuntu wapiile nu moto. Simapepo alinzile ukunena umuntu wiyo ukuti wene uwamifitalila.

Aina Levi 13:25 交叉參考

Aina Levi 13:4

Lelo ndi cakuti cilonda cikuloleka citiswe nupya cisi icizike ukuluta inkanda izingulwike icilonda, nga ni pipi litasangwike litiswe, lyene simapepo wiyo alinzile kusunga mulwale wiyo aikala wenga pa manda cinimbali.

Kufuma 4:6

Nupya Yawe anena Mose ati, “Ingizya ikasa lyako mu mwingila wako.” Mose ayela ilamulo, lelo lino wafumya ikasa lyakwe mu mwingila azunguka pa kulola ukuti ikasa lyakwe ilyali nu ulwale, liloleka litiswe mpee wa mula.

Aina Levi 13:24

Muntu ndi cakuti ali ni ciyazi cino wapiile nu moto, lyene ciyazi casanguka citiswe nanti ciyenzulukile, nanti ciswepulukile,

Aina Levi 13:26

Lelo ndi cakuti ipipi mu ciyazi litasangwike litiswe, nupya ciyazi citakuloleka icizike ukuluta inkanda izingulwike ciyazi, lelo iswepulukile, simapepo alinzile kusunga umuntu wiyo aikale wenga pa manda cinimbali.

Mpendwa 12:10

Lino sile ikumbi likusenka pi paala li Taalu, Milyamu alola ukuti wakwata tembwe, aswepuluka aya swe wa mula. Lino Aaloni wasenuka wamulola ukuti ali na tembwe,

2 Yamwene 5:27

Ali cino fwandi yame, tembwe wiya wino Naamani walwile amaiza kuli wewe nu ku amu mupanda wako kwene. Alalematila amu mupanda wako amanda yonsi ya umi wao!” Lino Geazi akufuma sile penepo, awe papo kwene alwala tembwe. Umwili wakwe iuwuutuluka na wuu kwati akungwi.