Aina Levi 13:23 - Amazwi Yakwe Leza 2013

²³ Lelo ndi cakuti icilonda cili wakwe vino cali pakutandika, nupya citaombwike, ale iciyazi sile pano pali cipute. Simapepo alinzile ukunena mulwale wiyo ukuti muswepe.

Aina Levi 13:23 交叉參考

Galatiya 6:1

Inane, ndi umwi waponela mu kucita ciipe, yao a munomuli akatungululwa na Mupasi Wamuzilo, yalinzile kumuwezya nu kumutungulula umu nzila yololoke. Lelo mulinzile kucita cii nu mutembo. Nupya muisunge mweisikulu pakuti namwe kwene mutaponela mu mezyo.

2 Kolinto 2:7

Lelo nanti angala muntu wifya, mulinzile kumwelela nga nu kumukomelezya, kuti mutaleka auvwe ulanda nga nu kunenuka.

Mateo 26:75

Lyene Petulo aiusya vino Yesu wamunenyile ati, “Lino mukolwe atacili alamule, wemo umankana maila yatatu ale ukuvwanga vino utamanyile.” Alino Petulo afumila panzi nga alila minsozi nu ulanda ukulu cuze.

Mapinda 28:13

Wiyo akafisa amaifyo yakwe atalaya nu longo foo. Lelo wiyo akailongwela amaifyo nu kuzenzuka, akaelelwa uluse.

2 Samueli 12:13

Davidi pali pakuvwanga ati, “Naifya kunuli we Yawe.” Natani nawe aasuka ati, “Yawe wakwelela. Utakufwa.

Utandiko 38:26

Yuda avimanya ati, “Manguvyala watalungika. Cacumi nene naluvyanya, pano cali cakuti mupeele ku mwanane Syela apyane.” Yuda atatazile aswilile kuli nyinavyala.

Aina Levi 13:22

Cilonda ndi cakuti caomboka, simapepo alinzile ukunena mulwale ukuti wene uwamifitalila, akweti indwala.

Aina Levi 13:24

Muntu ndi cakuti ali ni ciyazi cino wapiile nu moto, lyene ciyazi casanguka citiswe nanti ciyenzulukile, nanti ciswepulukile,

Aina Levi 13:26

Lelo ndi cakuti ipipi mu ciyazi litasangwike litiswe, nupya ciyazi citakuloleka icizike ukuluta inkanda izingulwike ciyazi, lelo iswepulukile, simapepo alinzile kusunga umuntu wiyo aikale wenga pa manda cinimbali.