Aina Levi 12:8 - Amazwi Yakwe Leza 2013

⁸ Mwanaci ndi cakuti atakweti imfwele, alinzile ukuleta ivipeele viili nanti ana ya nkunda yaili, conga ciye uwila wakoca ni cuze ciye uwila wa kwelela amaifyo. Mu musango kwene uu simapepo alinzile ukumucitila ulutambi lwa kufuta amaifyo, nga nawe alaswefiwa.

Aina Levi 12:8 交叉參考

Aina Levi 5:7

Lelo ndi cakuti umuntu atakweti umwana wa mfwele nanti wa mbuzi, lyene atoole ivipeele viili nanti utwana twa nkunda twili kuti viye ivyakupeela kuli Yawe, alipile pa maifyo yakwe. Conga ciye uwila wa kwelela amaifyo ni cuze ciye uwila wakoca.

Aina Levi 4:26

Lyene amafuta yonsi ayocele pa kavuwa, wakwe vino yakacita na mafuta ya wila wa utandano. Mu musango kwene uu amuno Simapepo ali nu kupeelelamo uwila wa kufuta amaifyo ya muntu wiyo, insita kwene iyo umuntu wiyo alelelwa.”

Aina Levi 14:22

Nupya alinzile ukuleta ivipeele viili nanti ana ya nkunda yaili, conga ciye uwila wa kwelela amaifyo ni cuze ciye uwila wakoca.

Aina Levi 1:14

“‘Muntu ndi cakuti akupeela kuli Yawe uwila wakoca uwa tunyi, uwila uwo ulinzile ukuya icipeele nanti inkunda.

2 Kolinto 8:9

Mwamanya cikuku ca Mwene witu Yesu Klistu. Nanti angala wali umukama, wene waicisile mupina kuti muye akama kupitila mu upina wakwe.

Aina Levi 15:29

Pa wanda uwalenga cinani, umwanaci wiyo alinzile kutoola ivipeele viili nanti utwana twa nkunda twili nga atwale kuli simapepo pa mulyango wi Taalu lya Ukongano pa manso yakwe Yawe.

Aina Levi 15:14

Pa wanda uwalenga cinani alinzile kutoola ivipeele viili nanti ana ya nkunda yaili nu kutwala pa mulyango wi Taalu lya Ukongano pa manso yakwe Yawe, avipeele kuli simapepo.

Mateo 21:12

Yesu aingila mu Ng'anda ikulu yakwe Leza, azinga aculuzi na akauzyanyanga vintu vyao. Lyene apenola vipango vyakwe yakakauzya ya mpiya ni vilimba vyakwe yano akazyanga inkunda.

Aina Levi 12:7

Simapepo apeele amawila yakwe nyina mututu kuli Yawe, alino amucitile ulutambi lwa kufuta amaifyo. Pacisila cakwe vii, nyina mututu ale waya muswepe. Yaa, ali malamulo yano umwanaci wensi alinzile ukulondela pacisila ca kuvyala.

Aina Levi 13:1

Yawe anena Mose na Aloni, ati,

Aina Levi 14:21

Muntu mulwale ndu mupina, atangapeela vii vyonsi, lyene alinzile ukuleta sile umwana wa mfwele wenga, suuku wenga wa wila wa cizumila mulandu uwakuswelula kuli Yawe pakufuta amaifyo yakwe. Alinzile ukuleta kilogalamu wenga wa usu utonyoleke kuti uye uwila wa cakulya, utikinkanye na mafuta ya miolivi.

Aina Levi 5:11

“Muntu ndi atakweti ivipeele viili nanti utwana twa nkunda twili, alete usu utonyoleke kulingana ni cipimo cakwe kilogalamu wenga. Usu uwo uye uwila wakwelela iifyo lino watacita. Atalinzile kuutikinkanya na mafuta nanti nu ubani, pamulandu wakuti uu uli wila wa kwelela amaifyo.

Aina Levi 15:15

Simapepo alinzile ukupeela icunyi conga ukuya uwila wa kwelela amaifyo. Lyene icunyi cuze ciye uwila wakoca. Vii, avili vino simapepo alinzile ukucita pa lutambi lwa kufuta amaifyo ya muntu wiyo pamulandu wakuti akufumya ufila ku wonsi wakwe.