Aina Levi 12:3 - Amazwi Yakwe Leza 2013

³ Pa wanda uwalenga cinani umwana wiyo alinzile kusilamulwa.

Aina Levi 12:3 交叉參考

Luka 2:21

Pa wanda uwalenga cinani, lino nsita yafisile iyakuti mwana asilamulwe, yamutemela izina lyakuti Yesu, izina lino mungeli wamutemile ala nyina atali asende indilwa.

Luka 1:59

Pa wanda uwalenga cinani izile ku kusilamula umwana, nga yakasi yamutemele izina lyakwe isi, ilya kuti Zakaliya.

Kolose 2:11

Muli aliwe mwaya kwati mwasilamulwa kusi kusilamulwa, kwa untu, lelo kuzula mikalile iipe kuli kusilamulwa kuno Klistu akacita.

Filipi 3:5

Nemo nasilamwilwe lino nali na manda cinani (8) akuvyalwa, nupya nafuma mu luko lwa Izlaeli mu mutundu wakwe Benjamini. Mukuvyalwa, nene Muyebulai. Wa Mufaliseo, nemo nayelanga Masunde yakwe Mose ndi vino yaya. Lom 11:1

Galatiya 5:3

Nupya kwene nkusoka umuntu wensi ukuti ndi wazumilizya kuti asilamulwe, ale lyene alinzile kuyela Masunde yonsi.

Galatiya 3:17

Cino nkusenula cakuti Leza wacisile upangano na Abulaamu nga alaya kufikilizya. Masunde yatangasenula upangano uwo nanti konona ulayo wakwe Leza uno wacisile kulingana pa myaka myanda ini na makumi yatatu lino Masunde yakwe Mose yatali kuti yapelwe.

Loma 3:19

Lelo swemo twamanya ukuti vyonsi ivyaya mu Masunde vyakuma antu kwene yao apilwe Masunde, pakuti kutaya umuntu nanti wenga uwakuipela insambu, nga na pakuti amu nsi yamanye vino Leza alayapingula.

Malango 30:6

Nga alino Yawe Leza winu alapeela kunomuli nu ku amu mupanda winu imyenzo iyacuvwilo, pakuti mwamutemwa ni myenzo inu yonsi nu umi winu onsi. Lyene mulikalilila mu mpanga iya manda pe.

Milimo 15:1

Antu yamwi afumile ku Yudeya iiza ku Antioki, yasambilizya ataile yati, “Mutalatuulwa ndi mutasilamwilwe kulingana nu lutambi luno Mose watusilile.”

Kufuma 22:30

Mwampeela mayeli ya ng'ombe ni mfwele ni mbuzi zinu. Mwaleka iyeli lyaviko na nyina amanda cinimbali, na pa wanda uwalenga cinani mulipeela kunondi.

Aina Levi 12:4

Lyene umwanaci wiyo alinzile ukwikala amanda yauze amakumi yatatu, alino angaswefiwa ukufuma ku wazi wakwe uwa pakulela mu nsita iyo. Atalinzile kukumya icintu icili consi camuzilo, nanti kwingila mwi Taalu lya Ukongano lyamuzilo, mpaka kufika nalino insita ya kuswefiwa kwakwe ilasila.”

Aina Levi 15:3

Nanti mafila yacili yakufuma nanti yatiyata, yakambatile sile ku wonsi, umuntu wiyo uwamifitalila.