Aina Levi 12:2 - Amazwi Yakwe Leza 2013

² “Nena aina Izlaeli ukuti ndu mwanaci wavyala umwana umonsi, ale waya uwamifitalila pa manda cinimbali, wakwe vino akaaya pa nsita ino akaya ku mwezi.

Aina Levi 12:2 交叉參考

Luka 2:22

Lino nsita yafisile iyakuti Yosefu na Maliya yacite lutambi lwa kusangululwa kulingana ni vyalembwa mu mpapulo zyakwe Mose, yatwazile umwana ku Yelusalemu ku kumupeela ku Mwene.

Aina Levi 15:19

Mwanaci wensi ndi waya ku mwezi ala waya uwamifitalila pa manda cinimbali. Muntu wensi uwakumya umwanaci aali ku mwezi aye uwamifitalila kufika lino ilanzi lyawa.

Yobo 25:4

Uzye kwaya umuntu akacita vyaololoke pa manso yakwe Leza? Uzye umuntu uwavyalwa ku mwanaci angaya uli uwaula imifitalila?

Yobo 15:14

“Uzye kwene umuntu uwala wavyalwa uku mwanaci nawe waya umufumaluke? Uzye kungaya akacita vyaololoke lyonsi kuno ali?

Yobo 14:4

Aweni fwandi wino ungazana umuswepe apa antu akowele? Kusi nanti wenga!

Aina Levi 18:19

“Utalongozya nu mwanaci wino ali ku mwezi, pano wene uwamifitalila kulingana nu lutambi.

Masamu 51:5

Kwene nemo navyalilwe umu luyembu. Lino mayo wanyomelile indilwa yane, nali umwipe.

Utandiko 3:16

Alino Yawe Leza anena umwanaci ati, “Ndungilizya ucuzi wako pakusenda indilwa nu kuwaika kwa umbuza. Ulatwalilila kulondesya uwako, nga nawe alaya a kateeka wako.”

Utandiko 1:28

Nga Leza ayapolelela, ayanena ati, “Muvyalane muvule mulimbe insi yonsi nu kuyangalila. Namupeela uwangalizi pa nswi, ivyunyi ivikapapuka ni nyama zyonsi zyamu nsi.”

Aina Levi 12:1

Yawe apeela Mose malamulo yaa, ati,

2 Samueli 11:4

Davidi atuma inkombe iyakuya mutoola. Lino wiza kunoli, Davidi amulanzya nga amumanya. Nupya cali sile ala Betisyeba wacifuma ku mpepo. Lyene Betisyeba aswilila ukwakwe.

Aina Levi 5:3

Muntu umwi mukuntamanya ndi walema icintu cimwi cafuma ku mwili wa muntu, icamifitalila, camusango uli onsi, wene ali nu mulandu lilyo kwene lino wamanya cino watacita.

Aina Levi 12:5

Mwanaci ndi wavyala umwana umwanaci, amaya uwamifitalila pa manda ikumi na yani, wakwe vino akaaya pa nsita ino akaya ku mwezi. Lyene alinzile ukwikala amanda yauze amakumi mutanda na mutanda, alino angaswefiwa ukufuma ku wazi wakwe uwa pakulela mu nsita iyo.