Aina Levi 10:2 - Amazwi Yakwe Leza 2013

² Mukupumikizya Yawe atuma umoto nu kuyoca mpaka yafwa papo kwene.

Aina Levi 10:2 交叉參考

Mpendwa 26:61

Lelo Nadabu na Abiu yafwile lino yatwazile impolelwa kumwi nu moto uno yayinda pa manso yakwe Yawe.

Mpendwa 16:35

Alino Yawe aponya umoto pa antu 250, yao apeelanga ubani, nga iuyoca mpaka iyasila.

Aina Levi 9:24

Mukupumikizya Yawe atuma umoto iwoca uwila wakoca ni viputulwa vya mafuta vino vyali pa kavuwa. Lino antu yalola cii, iyapunda pamwi yonsi, nga yafukama pansi yafupime.

2 Samueli 6:7

Lilyo kwene Yawe asokela Uza pamulandu wakuti wene atapiile umucinzi kunoli. Icaleka amukoma, nga Uza afwa papa kwene umu mbali ya Mbokosi ya Upangano yakwe Leza.

1 Kolinto 10:11

Vintu vii vyonsi vyacitikile vikolwe vitu kuti ciye ukusokwa, nupya vyalemvilwe kuti viye vyakutusambilizya swe muno tukulolela mpelelekezyo yakwe vyonsi.

Milimo 5:10

Lilyo kwene Safila apona pansi pipi ni ngazo zyakwe Petulo, afwa. Lino alumendo iingila yazana afwile mpiti. Caleka yamusenda, yaya yamuzika pipi niya.

Milimo 5:5

Lilyo kwene lino Ananiya uvwa mazwi yaa, apona pansi, afwa. Lyene antu yonsi auvwile cii, yuvwa intete cuze.

Ezaya 30:33

Ala ampiti sana lino yateyinye icilinkwa ca moto umwakocela umwene wa ina Asilya. Ciwina icizike nupya icikulu, muno inkwi zyazulamo tupu, Yawe umweneco aliwe amaiza auvwiile nu mupu wakwe nu moto wize utumuke kwati amaluti akupya.”

1 Milandu 24:2

Lelo Nadabu na Abiu yafwile ala isi acili nu umi, nga yatakweti ana aonsi awe. Acino Eleaza na Itamali yatumikilanga wakwe yasimapepo.

1 Milandu 15:13

Apamulandu wakuti apa kutandika mwemo mutazanyilwe kweneko kuti muwezye Mbokosi ilya, acili cino Yawe Leza witu watuponyezya ukali. Tutamuzizye ivyakucita apa kuiwezya.”

1 Milandu 13:10

Lilyo kwene ukali wakwe Yawe iuponela Uza, nga amukoma pamulandu wa kutambalika ikasa nu ku kumya Mbokosi ilya. Acino Uza afwa papa kwene pa manso yakwe Yawe.

2 Yamwene 1:12

Lelo Eliya aasuka ati, “Ndi cakuti nene muntu wakwe Leza, su moto upone ukufuma umwiyulu nga woce wewe pamwi na antu yako amakumi yasano!” Lyene umoto wakwe Leza iupona ukufuma umwiyulu nu koca aliwe pamwi na antu yakwe yaya amakumi yasano.

2 Yamwene 1:10

Eliya nawe aasuka musika mukulu ati, “Ndi cakuti nene muntu wakwe Yawe, umoto kawike likwene ukufuma kwiyulu wize ukoce, ufwe pamwi na antu yako ya amakumi yasano!” Lilyo kwene umoto ufuma kwiyulu nga iwoca umukalamba wa vita pamwi na antu yakwe yalya amakumi yasano.

1 Samueli 6:19

Yawe wakomile aonsi yamwi aina Beti Syemesyi amakumi cinimbali, pamulandu wakuti yene yasungamile mu Mbokosi ya Upangano yakwe Yawe. Fwandi antu pali pakulosya pamulandu wakuti Yawe wakomile antu aingi sana munoyali.

Mpendwa 16:49

Impendwa ya antu afwile yali 14,700, kufumyako yao afwile mu kutalama kwakwe Kola.

Aina Levi 16:1

Yawe wavwanzile kuli Mose pacisila ca mfwa ya ana yakwe Aaloni yaili aonsi, yano yakomilwe lino yapezile umoto uwamifitalila kuli Yawe.

Aina Levi 10:5

Caleka yiiza yalema ku nsalu zyazwite ivyala, nga yavitwala kunzi ya nsakwe, wakwe vino Mose wapeezile ilamulo.

Kufuma 24:1

Pacisila lino Yawe wamala ukupeela amasunde ku ina Izlaeli anena Mose ati, “Iza, kwela mwamba kunondi, wize na Aloni, Nadabu Abiu nga na aikolo ya ntunguluzi zya ina Izlaeli amakumi cinimbali. Lino mucili katalamukila, mufukame pansi mumpepe.

1 Yamwene 18:38

Lyene Yawe Leza ali pakulenga kuti umoto upone pa kavuwa, iwoca impolelwa, inkwi, amawe nu musili, nga iumika na manzi yaya ali mu kamufolo.

Yobo 1:16

Lino umuntu wilya atatala wamala ukulanda, inkombe nayuze ifika nga ivwanga iti, “Inkuwa yali yapona ukufuma ukwiyulu yiza yoca imfwele kumwi na aomvi kwene. Nene nenga sile nimpusuka apakuti nize nkunene vino cali cili.”

Masamu 50:3

Awiyo Leza witu akwiza, asikwiza cimyamya foo. Cimbilimbili ca moto caticimukolelela, alino cipunga ca muza icimulizizya.

Mpendwa 14:37

yaya kwene asalanginye impwelo yaufi iyakwifya impanga, impungo yayaponile iyafwila papo kwene pa manso yakwe Yawe.

1 Yamwene 13:28

Lyene apita, nga aya azana icala ca muntu wilya cilambalile mu museo, ala punda na cisama navyo ivimilila mu mbali yakweco. Cisama atalile icala nanti ukuzanzambila punda foo.