Aina Levi 10:19 - Amazwi Yakwe Leza 2013

¹⁹ Aaloni aasuka ati, “Ilelo ndi ndya uwila wa kwelela amaifyo uzye ngani cali cazanzya Yawe? Ilelo antu yaliyapeela pa manso yakwe Yawe amawila yao akwelela amaifyo nga na mawila yao akoca, lelo na ndakai kwene vintu vii viipisye vyativincitikila.”

Aina Levi 10:19 交叉參考

Aina Levi 9:12

Lyene afyula inyama ya wila wakoca. Ana yakwe yatoola uwazi yamupeela, alino ausansa kuzinguluka kavuwa.

Aina Levi 9:8

Acino Aaloni aya pipi na kavuwa, alino afyula ka cipambasi kano kali uwila wa kwelela amaifyo yakwe.

Malaki 2:13

Nacuze cino mukacita aici: Mukasambezya kavuwa kakwe Yawe na minsozi inu. Mukalila nu kulosya pamulandu wakuti ndakai wene asisakamala nanti kupokelela amawila inu ni nsansa ukufuma mu minwe inu.

Malaki 1:13

Yawe Wamaka yonsi wavwanga wati, Mwemo mukati, ‘Mwe, ala icintu cii icifuule!’ Nga imwaifyola. “Mwemo mukaleta amawila ya nyama zino mwiya nanti izilemale nanti zilwale. Uzye mukwelenganya ukuti ndazumila amawila yayo ukufuma kuno muli?

Malaki 1:10

“Si cangecizipe wenga uwamuno muli ayale ivisasa vya mu Ng'anda ikulu yakwe Leza, kuti muposiwe ukupemba umoto wasilesile apa kavuwa kane! Nemo ntakuzangila muno muli, nupya ntalapokelela uwila uli onsi ukufuma kuno muli.

Oseya 9:4

Kuku kwene antu yatalapelelako amawila yakwe waini kuli Yawe, nanti ukumuzanzya ni mpolelwa zyao. Impolelwa zizyo zilaya wa cakulya capa ndosya, wensi akalya cakulya cico alakowela. Cakulya cico cilaya cakulya sile pamulandu wa nzala, asi wakwe cico cakupeela ku Ng'anda ikulu yakwe Yawe.

Yelemiya 14:12

Pasi pano nanti yangata ukulya, nemo ntange nuvwe inkuuta zyao. Nupya nanti yangandetela amawila yakoca na mawila ya mbezu, nemo ntalazangila munoyali awe. Lelo ndayakomola ku lupanga, ku cipowe nu ku ndwala.”

Yelemiya 6:20

Uzye mwati nemo nkasakamala kweneko ubani ukufuma ku Syeba nanti ivisali ukufuma ku mpanga zya kutali? Ala nemo ntange mpokelele impolelwa inu yakoca nanti ivya mawila inu ali yonsi a viteekwa ntayakasi, foo.

Ezaya 1:15

Nanti mungakatusya amakasa umupela apakumpepa, nemo lyene ntakusumbanga kweneko amano. Nanti mumpepe uli nemo namapupuzyanga sile, pano iminwe inu ikowele ku uyi.

Ayebulai 9:8

Mu utantiko uu onsi amuno Mupasi Wamuzilo akusambilizya paswe ukuti inzila ya kwingila mu Ncende Yamuzilo Kuluta itange iyeko lino muputule wakwe conga uciimi.

Ayebulai 7:27

Wene atakolana na Simapepo Mukulu muze. Citakulondekwa kuti wene apeela impolelwa cila wanda, inkolelo zya pa maifyo yakwe nga ni zya pa maifyo ya antu asyala. Lino waipile lyonga umwisikulu, wene waipile kuya impolelwa yonga sile iya manda pe.

Filipi 4:4

Mwazanga mu Mwene. Nupya kwene nkuti mwazanga!

Ezaya 1:11

Yawe akuti, “Uzye mwemo mukwelenganya ukuti nkulonda impolelwa zinu zino mwala mwakoozya ukutuula kunondi. Ivimafwele vino mukungocela vyativimfuulila. Nanti sile amafuta ya nyama zinu izisuma nayo kwene yatiyamfuulila. Uwazi wakwe yacipambasi na wakwe yasuuku, na wakwe yasawe nao kwene watiumfuulila.

Malango 26:14

Nemo ntalile icikumi nanti acimwi lino nkulosya. Nemo ntafumya penepo icipande ica cikumi nanti acimwi nu kutwala apanzi lino ncili umukowele, nanti ukupeela ku afwe. Ala, we Yawe nemo nkakuyela nu kulondela amalamulo yonsi yano wapeela pa cikumi.

Malango 12:7

Papa kwene pa manso yakwe Yawe ali pano mulalya nu kusansamuka na ang'anda zinu pamulandu nu usuma wa vintu vino Yawe Leza winu wamupeela, vino mwaombile.

Aina Levi 10:20

Lino Mose uvwa cii, cimuzipila.