Aina Levi 10:11 - Amazwi Yakwe Leza 2013

¹¹ Ulinzile kusambilizya aina Izlaeli amasunde yonsi yano napeela kunomuli kupitila muli Mose.”

Aina Levi 10:11 交叉參考

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Malaki 2:7

“ ‘Yasimapepo yapeelwa umulimo wakusambilizya icumi capali Leza. Antu yalinzile ukuya kunoyali ku kusambilila ivintu vino nkalonda kuti yacita, pamulandu wakuti yasimapepo ali nkombe zyakwe Yawe Wamaka yonsi.

Neemiya 8:8

Aina Levi yayo yawelengela nu kulondolwela antu Lupapulo lwa Masunde yakwe Leza, apakuti yanguvwa muno lwalola.

Neemiya 8:2

Acino Ezila nawe ali pakuleta ulupapulo lwa masunde kuno iuvi lyakongine. Kwali kweneko aonsi, anaci kumwi na ance ali na mano akuuvwa. Cali apa wanda wakutandika umu mwezi wakwe cinimbali.

Yelemiya 18:18

Lyene antu yavwanga yati, “Izini mwe, muleke tuvwane ivyakufulula Yelemiya! Pano lyonsi kwene kumayanga yasimapepo akutusambilizya, na antu yamano akutupandako amano, nga na yakasema akusema ilandwe lyakwe Leza. Izini mwe, muleke tumupele imilandu, tute nu kuuvwa kuli vyonsi vino akulanda.”

Malango 24:8

“Umwi ndi walwala tembwe muce mwasakamala ukucita vino yasimapepo aina Levi yalamunena. Muce mwalondela vyonsi vino nayatungulula ukuti avino yacita.

1 Tesalonika 4:2

Pano mumanyile utunguluzi uno twamupile ku maka ya Mwene Yesu.

Milimo 20:27

Pano ntamufisanga cimwi lelo namunena vyonsi vino Leza akalonda kuti mucite.

Malango 33:10

Yene yakasambilizya antu yako ukuyela amalamulo yako. Yene yalapeela amawila yakoca yonsi pa kavuwa kako.

Yelemiya 2:8

Yasimapepo nayo yakanyile ukuuzya yati, ‘Uzye Yawe ali kwi?’ Yakapingula nayo yatamanyile nene, intunguluzi nazyo zyansangukile. Yakasema nayo yasemile mwi zina lyakwe Baali. Nga yalondela utuluwi utwasilesile.

2 Milandu 30:22

Hezekiya nawe wataizye sana aina Levi pali ufundi wao uwa kutungulula umulimo wa kupepa Yawe. Pa manda cinimbali lino yalile vipande vyao nu kupeela amawila ya utandano nga nu kulumbanya Yawe, Leza wa vikolwe vyao. Pacisila ca manda cinimbali yano yapeelanga amawila kuli Yawe Leza wa vikolwe vyao,

2 Milandu 17:9

Yasenzile nu lupapulo lwa masunde yakwe Yawe nu kupitana monsi umu misumba yamu Yuda ale yakusunda antu.

Malango 17:10

Yene yalapingula umulandu, nga namwe mule mukulondela vyonsi vino yakumunena, pa ncende iya kwene iya kupepela penepo

Malango 17:11

Muce mwazumila vino yakupingula nu kulondela vino yamutungulula ukucita.

2 Milandu 15:3

Apa nsita ntali aina Izlaeli yatenzi ukwaula ukutontela Yawe Leza wa cumi. Yatakweti nanti asimapepo wakuti angayasunda. Fwandi yatenzi ukwaula masunde.