2 Samueli 9:11 - Amazwi Yakwe Leza 2013

¹¹ Lyene Ziba anena umwene ati, “Ne muomvi wako namacitanga vyonsi vino we mwene wampeela ilamulo kuti ncite.” Acino Mefibosyeti walyanga api tebulo lya mwene Davidi wa mwana wenga pa ana ya mwene.

2 Samueli 9:11 交叉參考

2 Samueli 19:26

Nawe aasuka ati, “We musambazi umwene wane, umanyile ukuti nene cilema. Nanenyile umuomvi wane kuti anteyanyizizye punda nkwele nga mpite pamwi nawe mwene. Lelo wene ankanila.

2 Samueli 19:17

Wene wali pamwi na onsi izimbi lyonga aina Benjamini. Na Ziba umuomvi wa aluko lwakwe Saulo, nawe kwene wizile pamwi na ana yakwe ikumi lyonga na yasano nga na aomvi yakwe amakumi yaili. Nga iyafika ku Yodani lino umwene atacili afike kweneko.

2 Samueli 9:10

Wewe apali pamwi na ana yako aonsi nga na aomvi yako mulinzile mwamulimila impanga nu kukoozya ivyakulya, pakuti umwizikulu wa musambazi wako asungwa ningo. Lelo Mefibosyeti, umwizikulu wa musambazi wako, amaimulwanga api tebulo lyane lyonsi kwene.” (Ziba wakweti ana aonsi ikumi na yasano.)

2 Samueli 9:12

Mefibosyeti wakweti umwana umonsi wino watemile izina ati a Mika. Aluko lwakwe Ziba yonsi kwene yali aomvi yakwe Mefibosyeti.

2 Samueli 9:13

Avino Mefibosyeti watenzi umu Yelusalemu, ala akwimulwa lyonsi kwene api tebulo lya mwene.

2 Samueli 19:24

Lyene Mefibosyeti, umwizikulu wakwe Saulo, atentemuka ku kwizakomenkanya umwene. Wene atafulile ku ngazo nanti ukupela ivilezu nanti ukufula ivyakuzwala vyakwe ukufuma sile lino umwene wafumile umu Yelusalemu mpaka ukufika lino wawelulwike nu ucimvyo.

2 Samueli 15:15

Aomvi ya mwene nayo iyamuzumilizya yati, “Musambazi swe aomvi yako twatituiteyanya ukuomba icili consi cino umatunena.”