2 Samueli 9:1 - Amazwi Yakwe Leza 2013

¹ Uwanda umwi Davidi auzya ati, “Uzye kuli umwi asile uwamu luko lwakwe Saulo? Nkasi kuti imucitile uluse pamulandu wakwe Yonatani.”

2 Samueli 9:1 交叉參考

1 Samueli 20:42

Lyene Yonatani anena Davidi ati, “Leza aye nawe, pano twandana ucuza nu mulapo umwi zina lyakwe Yawe, tula tukuti, ‘Yawe ali kambone pakasi kakwe wewe nani, na pakasi ka amu mupanda wako na amu mupanda wane amanda pe.’ ” Lyene Davidi afumapo, nga Yonatani nawe aswilila ku musumba.

Mateo 25:40

Alino Mwene alaasuka ati, ‘Cumi namunena, vino consi cino mwacitile wenga munono uwamu ina yane, vivyo kwene mwacitile nene!’

1 Petulo 3:8

Mukumalila, mwensi kwene mulinzile kuya a mwenzo onga nu kuvwilana ulanda kuli kumwi. Mwatemwana wa ina ataila, mwauvwilana luse nu kufukilana.

Mako 9:41

Cumi namunena vino wino wensi akumupeela ulwako lwa manzi pano mwemwe yakwe Klistu, Leza atalaposiwa kumulambula.”

1 Yamwene 2:7

Lelo ana yakwe Balizilai uwaku Gileadi uce uyayele uluse nu kuleka yalya icakulya pamwi nawe pamulandu wakuti yene yanjelile uluse lino yankomenkinye pa nsita ino nutwike umunyonko Abusalomu.”

2 Samueli 1:26

Nakulosya, we mwinane Yonatani. Silola vino nakutemilwe wakwe cimwi. Icitemwiko cako kunondi cali icakuzunguka. Calusile icitemwiko ca anaci.

Mapinda 27:10

Utatazyela cuza wako nanti cuza wakwe so, utaezya nu kuya uku ng'anda ya mwinako, ndi cakuti waponelwa ni ntazi.

Mateo 10:42

Na wino wensi alapeela lwako lwa manzi azuke kuli wenga uwamu alondezi yane, pamulandu wakuti wene mulondezi wane, cumi namunena vino Leza atalaposiwa kumulambula.”

2 Samueli 9:7

Davidi nawe amunena ati, “Utuvwa intete, pano namakucitila uluse pamulandu wakwe so Yonatani. Namakuwezezya impanga yonsi iyali yakwe sokulu Saulo, nupya ulaimulwa api tebulo lyane lyonsi kwene.”

2 Samueli 21:7

Lelo pamulandu wa ulayo uno wene yalaine na Yonatani, pa manso yakwe Yawe, wene atakomile Mefibosyeti umwana wakwe Yonatani, nupya umwizikulu wakwe Saulo.