2 Samueli 8:4 - Amazwi Yakwe Leza 2013

⁴ Davidi amupokolola ni vita vyakwe ivyali izimbi lyonga ni myanda cinimbali, yao alwanga inkondo ale yali pa mfwalasi. Alino asilika ya pa ngazo yano wene wapokolwile yali amazimbi amakumi yaili. Lyene alemalika imfwalasi zyonsi asya sile imfwalasi umwanda onga zyakuti zyatinta amaceleta.

2 Samueli 8:4 交叉參考

Yoswa 11:9

Yoswa wayacitile wakwe vino Yawe wamupeezile ilamulo. Atembola imfwalasi zyao nu koca amaceleta yao.

Yoswa 11:6

Yawe anena Yoswa ati, “Utayoopa, pamulandu wakuti mutondo pa nsita ndi ikwene indayapeela yonsi pyu mu makasa ya ina Izlaeli, ala afwe. Ulinzile kutembola imfwalasi zyao nu koca amaceleta yao.”

Masamu 20:7

Yamwi yene yataila umu maceleta na yamwi umu mfwalasi yao. Lelo swemo twataila mwi zina lyakwe Yawe Leza witu!

1 Milandu 18:4

Davidi apoka amaceleta izimbi lyonga yakwe Hadadezeli, na yakapisya yamaceleta nayo amazimbi cinimbali nga na asilika yapa ngazo amazimbi amakumi yaili. Alino alemalika imfwalasi zyonsi pyu, lelo asya sile umwanda onga.

1 Yamwene 10:26

Acino Solomoni akwata amaceleta ni mfwalasi. Amaceleta yayo yali izimbi lyonga ni myanda ini (1,400), nga imfwalasi nazyo yali amazimbi ikumi na yaili (12,000). Vyonsi vii wavisile uku Yelusalemu nga nu mu misumba yuze ipusanepusane.

Malango 17:16

Umwene atalinzile ukukwata imfwalasi zivule wakwe cimwi, nanti ukuleka antu yaswilile ku Eguputo ukuya kala imfwalasi nazyuze, pamulandu wakuti Yawe walanda ukuti antu yakwe yataca yezye ukuswilila ku Eguputo nupya.

Utandiko 49:6

Nemo ntangalemana nayo mu kulanzyanya kwao kwa mu nkama. Nupya ntangatola imbali nanti imwi mu maukongano yao. Pamulandu wakuti yakomile antu mu ukali, nupya yalemalike yamasaye ku mufulo sile.