2 Samueli 8:2 - Amazwi Yakwe Leza 2013

² Lyene acimvya na ina Moabu. Anena anyepwe kuti yalambalale pansi nga akoma yaili muli cila umba lya asilika yatatu. Acino aina Moabu iyateekwa na aliwe nga iyamupeela ni misonko.

2 Samueli 8:2 交叉參考

Mpendwa 24:17

Inkumulola, nga lelo asi pa nsita ikwene. Nkumulolekesya, nga lelo asi apipi. Umwene, akoline wa lutanda, alafuma mu luko lulu. Intuwa ya wene yakatuka yafuma mwakwe Izlaeli. Wene wapola Moabu mu nzekete yi kutwi Na ana yakwe Seti yonsi aonsi ku lupanga.

Masamu 60:8

Moabu wene alaya wakwe muyeza wa kufulalilamo. Edomu nawe alaya wa lusapato lwane, icimanyililo cakuti uwakwane. Lyene aina Filisti yangatumba inkansi uli, nu kuyuvwa kunondi apa mpanga zino nacimvya?”

2 Samueli 8:6

Lyene Davidi akuula insakwe zya nkondo mu Damasiko nu kulasika asilika akwikala mwenemo nu kumuteekela impanga ilya iya Asilya. Aina Asilya iyatandika ukuteekwa na Davidi nga iyalipa ni misonko kunoli. Yawe alenga kuti Davidi acimvye konsi konsi.

1 Samueli 10:27

Lelo intalanganyi zimwi zivwanga iziti, “Uzye umuntu kwene wii angatutuula uli?” Yene yasuuzile Saulo nupya yatamuletile nanti uwila umwi. Lelo wene wasuuzile sile.

Ezaya 36:16

Ala mwandi mutacuvwa kuli Hezekiya. Umwene mukalamba wa ina Asilya akuti, ‘Mungala muifumile sile mwenga mu musumba, mwize mucimbe kunondi. Lyene ale mumaililanga sile mwenga amatingi inu na masamvu inu nu kuimwela sile amanzi mu vifula vinu.

Masamu 108:9

Moabu wene alaya wa musambilo wane. Edomu nawe alaya wa lusapato lwane, wa cimanyililo cakuti uwakwane. Lyene aina Filisti yangatumba inkansi uli, nu kuyuvwa kunondi apa mpanga zino nacimvya?”

2 Milandu 26:8

Aina Amoni yasonkanga imisonko kuli Uziya, nga nu lulumbi lwakwe ilusalangana konsi mpaka nu ku mupaka waku Eguputo, pamulandu wakuti wene wali uwamaka wakwe cimwi.

1 Milandu 18:2

Davidi acimvya na ina Moabu kwene, nga yamutumikila nu kusonka imisonko kunoli.

2 Yamwene 17:3

Lino Syalimaneseli, umwene waku Asilya, wizile amulwisya, umwene Hosyea wene wizile acimba kunoli, amupeela nu musonko cila mwaka.

2 Yamwene 1:1

Pacisila ca mfwa ya mwene Aabu, aina Moabu yasangukila aina Izlaeli.

2 Samueli 12:31

Asenda kumwi na antu yano yali mu musumba ulya, aya ayapeela incito iyakulepula imbao, ni yakulepula amawe na yapiki. Ukulunda penepo ni ncito iyakuomvya impasa alino nu kutama injelwa. Avili vino wene wacisile na kuli yonsi ali mu misumba ya ina Amoni. Lyene Davidi ni vita vyakwe vyonsi iyaswilila ku Yelusalemu.

1 Samueli 14:47

Lino Saulo walasikwe pa cilimba ca wene wa ina Izlaeli, wene walwisizye anisi yakwe konsi konsi, aina Moabu, aina Amoni, aina Edomu, yamwene aku Zoba, na ina Filisti. Fwandi konsi sile kuno wayanga, wene wayacimvyanga.

Masamu 83:6

Aina Edomu na ina Isumeli, aina Moabu na ina Hagili,

1 Samueli 22:3

Lino Davidi wafuma kuku pali pakuya ku Mizipa umu mpanga ya ina Moabu. Alino anena umwene wa ina Moabu ati, “Napapata leka yamayo na yatata yikale kuno kwene mpaka intale imanye vino Yawe akalonda ukuncitila.”

1 Samueli 22:4

Acino Davidi pali pakuyasya ku mwene wa ina Moabu. Nayo yikala insita yonsi ino Davidi watenzi ukwi cele.

1 Yamwene 4:21

Uwene wakwe Solomoni watandikile ku Luzi lwa Yufulate mpaka nu ku mpanga ya ina Filisti, ukufika nu ku mupaka wa Eguputo. Antu amu mpanga zii yasonkanga imisonko kuli Solomoni nu kumutumikila amanda yonsi ya umi wakwe.

Masamu 18:45

Awe lyene ainamasi yatiyatovoka, yakuzakaza sile apa kufuma umu misumba yao ya malinga.

Masamu 60:10

Uzye kwene umolimo Leza watututazyela? Uzye kwene usikwiza uye naswe ni vita vitu?