2 Samueli 6:5 - Amazwi Yakwe Leza 2013

⁵ Davidi nawe pali pamwi na ina Izlaeli yonsi ala yakuzevya apapezile amaka yao yonsi kuti yacindike Yawe. Ala yakulizya yababatoni, na yabanjo, nu tungoma, ni minsokwe, ni viwaya.

2 Samueli 6:5 交叉參考

1 Milandu 13:8

Davidi pamwi na ina Izlaeli yonsi ala yakuzevya wakwe cimwi na maka yao yonsi, ala yakwimba inyimbo muli yababatoni, na yabanjo, nu tung'oma, ni viwaya, ni ntandala.

Amosi 5:23

Mutanganola ni nyimbo zinu zya mapepo! Ntakasi nu kuvwa ku nyimbo zinu zya mazeze.

Amosi 6:5

Umulimo winu ukulizya sile amazeze kwati a Davidi, nu kusika inyimbo zya kwimbila ni vinyenye.

Danieli 3:15

Lyene, zuwazuwa lino muvwa ukulila kwa ntandala, imitolilo, ivisekese, amapango, ni viombelo vyuze vya kulizya nu kwimba, mulinzile ukufukama nu kupepa iciluwi cakwe zaabu. Ndi cakuti mwakana ukucita cico, lyene zuwazuwa yamamusumbila mwi lungu lya moto. Uzye mukwelenganya ukuti akunoli leza wino angamutuula?”

Danieli 3:10

Musambazi wemo watupeela ilamulo lyakuti zuwazuwa lino ukwimbila kwatandika, cila muntu alinzile kufukama nu kupepa iciluwi cakwe zaabu,

Danieli 3:7

Caleka lilyo kwene lino yuvwa ukulila kwa ntandala, nu kwa mitolilo, nu kwa visekese, nu kwa mapango nu tungoma nga ni vyakulizya vyonsi, antu anko zyonsi, ni ndimi pali pakufukama nu kupepa iciluwi cino umwene Nebukadineza wimike kuku.

Danieli 3:5

Zuwazuwa lino muvwa ukulila kwa ntandala, nga palondelela nu kulila kwa visekese, utungoma, amazeze, ni mitolilo ya misango yonsi, lyene mwensi kwene mulinzile kupona pansi nu kupepa iciluwi cakwe zaabu cino Nebukadineza wika.

Masamu 47:5

Awiyo Leza waya uku kwikala pa cilimba ca wene! Yakumumila utupundu, yakulizya ni ntandala!

2 Yamwene 3:15

Lelo usi mulandu, ndetelini kiimba wa nyimbo wenga.” Lino kiimba wa nyimbo akwiimba, alino umupasi wakwe Yawe iwikila pali Elisya, nga nawe atandika nu kusema.

1 Samueli 16:16

Musambazi sinena sile aomvi yako yafume yakulonda umwi uwamanya ukulizya gita. Ndi cakuti umupasi wankota wakwizila ukufuma kuli Yawe, wene alalizya ukusuka nawe uvwa ningo.”

1 Samueli 10:5

“Pacisila cakwe vivyo umaya ukaluleme nu kuya ku Gibeya, umwamba wakwe Leza kuko kuno kuli nkambi ya ina Filisti. Lino umaya ukapalame ku musumba, waya komenkanya akaliumba kakwe yakasema yano yakuweluluka ukufuma ku kavuwa pa mwamba. Lilyo ale yakulizya yabanjo, tungoma, imitolilo nga na yababatoni, alino nu kusema ale yakusema.

1 Milandu 15:28

Acino aina Izlaeli yonsi iyaleta Mbokosi ya Upangano yakwe Yawe yala yakupunda nu kulizya ivinyenye ni ntandala, ni viwaya, na yabanjo na yababatoni.

2 Milandu 20:28

Iumba lili lifika umu Yelusalemu ku Ng'anda ikulu yakwe Yawe, ala yakulizya iviwaya, yabanjo ni ntandala.