2 Samueli 5:4 - Amazwi Yakwe Leza 2013

⁴ Davidi wali ni myaka amakumi yatatu iyakuvyalwa lino watandike ukuteeka, nga wateesile imyaka amakumi yani.

2 Samueli 5:4 交叉參考

Luka 3:23

Yesu wali ni myaka makumi yatatu lino watandike kuomba incito yakwe. Antu yelenginye ukuti wene umwana umonsi wakwe Yosefu, wino wali mwana wakwe Heli,

1 Milandu 29:27

Wene wateesile umu Izlaeli imyaka amakumi yani. Umu Hebuloni wateesile imyaka cinimbali, nga mu Yelusalemu namo wateesile imyaka amakumi yatatu na itatu.

1 Milandu 26:31

Yeliyaa wali intunguluzi ya amu mupanda wakwe Hebuloni ukulingana ni vyalembwa vyakuvyalwa kwao. Mu mwaka walenga amakumi yani uwa kuteeka kwakwe Davidi kwali ukulondelezya mu vyalembwa, nga antu ampomvu amu mupanda wakwe Hebuloni yazanwa uku Yazeli ku Gileadi.

1 Yamwene 2:11

Wene wateesile mu Izlaeli imyaka amakumi yani. Umu Hebuloni wateesile imyaka cinimbali, nga mu Yelusalemu namo wateesile imyaka amakumi yatatu na itatu.

1 Milandu 3:4

Ana yao yonsi mutanda yavyalilwe ku Hebuloni umu myaka cinimbali na citika ino Davidi wateesile kweneko. Mu Yelusalemu Davidi wateesile pa wene imyaka amakumi yatatu na itatu,

Utandiko 41:46

Yosefu wali ni myaka yakuvyalwa amakumi yatatu lino watandike kutumikila Falao, umwene waku Eguputo. Ndi Yosefu wafuma umwi sano ala waya ku kutandala konsi mu Eguputo.

Mpendwa 4:3

Nu kupenda aonsi yonsi ali ni myaka amakumi yatatu ukufika pa myaka amakumi yasano. Ayanena kuti yalole angalinga kutumikila mwi Taalu lya Ukongano.