2 Samueli 5:13 - Amazwi Yakwe Leza 2013

¹³ Pacisila lino Davidi wafuma mu Hebuloni, wene asenda aci nayauze kumwi na aci yampiti umu Yelusalemu, nga yamuvyalile ana nayauze aonsi na anaci kwene.

2 Samueli 5:13 交叉參考

1 Milandu 3:9

Yaa yonsi yali ana yakwe Davidi, ukwika penepo na ana aonsi amu aci yakwe yauze, nga nu mwana umwanaci wino izina lyakwe a Tamala.

Malango 17:17

Umwene atalinzile kukwata aci avule, pamulandu wakuti cii cingalenga ukuti amfutatile. Nupya atalinzile ukuitulikila icuma icivule wakwe cimwi, icili wakwe siluva na zaabu.

2 Milandu 13:21

Cila nsita Abiya wakomelanga kweneko. Watwite anaci ikumi na yani. Wakweti ana aonsi amakumi yaili na yaili, na ana anaci ikumi na wenga.

2 Samueli 5:12

Davidi pali pakwiluka ndi vino umu cumi Yawe aliwe watamuzumilizya ukuya umwene wa Izlaeli nga nu kucindamika uwene wakwe pamulandu wa antu yakwe aina Izlaeli.

1 Yamwene 11:3

Solomoni watwite ya mama ana ya ene ukufika ku mpendwa ya myanda cinimbali. Alino kulunda penepo na aci yauze nayo imyanda itatu. Yene yamulenzile kuti avulungane.

1 Samueli 25:43

Davidi watwite na Ainoamu kwene uwaku Yezileele, nga yoili kwene yali aci yakwe.

2 Samueli 12:2

Umukama wakweti imfwele ni ng'ombe izingi wakwe cimwi.

1 Milandu 3:1

Yaa ali ana aonsi yakwe Davidi yano yavilwe kunoli lino wali mu Hebuloni. Mu kuvyalwa yalondenkine ndi vii: Iyeli wali a Amunoni umwana umonsi wakwe Ainoamu uwaku Yezileele. Nga a Danieli wino nyina wali a Abigelo uwaku Kalimeli.