2 Samueli 23:3 - Amazwi Yakwe Leza 2013

³ Leza wa ina Izlaeli avwanga, Ciliwe camu Izlaeli icinena citi, “Wino akaateka antu yakwe mu ulungami, wino akateeka umu coopo cakwe Leza,

2 Samueli 23:3 交叉參考

2 Samueli 22:32

Yawe wenga sile ali Leza. Leza wenga sile ali linga litu.

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

Kufuma 18:21

Lelo kulunda pali vii, ulinzile kusola aonsi yamwi ampomvu nu kuyasonta kuti yaye wa ntunguluzi zya antu. Mu musango uu, intunguluzi zya antu mazimbi, na yamwi antu imyanda, na yamwi antu amakumi yasano, na yamwi antu ikumi. Yalinzile ukuya antu akaopa Leza. Yalinzile ukuya atailwe nupya atangazumilizya mafukakanwa.

Ayebulai 1:8

Alino pa Mwana wakwe Leza wavwanzile ati, “We Leza, cilimba ca wene wako cilikalilila manda pe! Ulungami ili ntuwa ya wene wako.

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Masamu 72:2

Leka alungika lino akuteeka antu yako, nu kuvwangila alanda.

Masamu 42:9

Nkunena we Leza, we ciliwe cane, awewe nkunena nati, “Uzye pacani cino wantazyelela? Uzye pacani cino ningatwalilila ukupita umukutumale pamulandu sile ni zunya lya anisi yane?”

Utandiko 33:20

Akuula kavuwa, nga akatemela izina Eli Eloe Izlaeli, kuli kuti Leza wane, Leza wakwe Izlaeli.

Yelemiya 23:5

Yawe walanda wati, “Amanda yaliza lino ndasonta Umwene kacita wa vyaololoke, uwa mupanda wakwe Davidi. Aliwe alateeka wa Mwene wampomvu, uwamano nu kucita ivisuma ni vilungame mu mpanga.

Ezaya 32:1

Uwanda umwi kuliza umwene muze, wino alateeka nu wololoke, ni vilolo vyakwe vilateeka nu ulungami.

Mapinda 31:9

Uwalanda nu kupingula ivilungame. Uwapeela insambu ku apina na kuli yayo alinzile ukwazwiliziwa.

Masamu 110:2

Yawe alasandulula amaka yako a wene, ukufuma ku Zioni. Wene akuti, “Yaa umwene wakuteeka anisi yako!”

Neemiya 5:14

Nupya ukutandikila sile lino nasonsilwe ukuya umulasi wa mpanga yakwe Yuda, lilyo ale umwene Alitakisesi ali ni myaka amakumi yaili apa wene, suka wiza wakwata ni myaka amakumi yatatu na yaili nemo pamwi na inane, tutatazile tulye icilyo nanti cimwi ica ulasi.

Kufuma 20:2

“Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Kufuma 3:15

Leza anena Mose na mazwi kwene yaa ati, “Nena aina Izlaeli ukuti ne Yawe, Leza wa vikolwe vyao, Leza wakwe Abulaamu, Leza wakwe Isaki, na Leza wakwe Yakobo, natinkutuma kunoyali. Lii, ilili zina lyane amanda pe, nupya vii avino inkulo zyonsi zyaku nkolelo zilangama.

1 Yamwene 10:9

Alumbanyiwe Yawe Leza wako, wino wazangila munuli pa kukulasika apa wene mu Izlaeli. Pamulandu wakuti ukutemwa kwakwe ku ina Izlaeli ukwa manda pe, wene wakucita ukuya umwene wao pakuti wateeka mu ulungami nu wololoke.”

Yobo 34:17

Uzye umuntu uwapata ulungami, aliwe angateeka antu? Uzye kwene umweneco wa ulungami na Maka yonsi, ali wino ungapama nu kumupeela mulandu?

Masamu 72:1

We Leza, ungapela umwene witu amano akupingula wakwe wewe. Umwana wa mwene wi, leka akwata amano ya usuma wako.

2 Samueli 8:15

Davidi ateeka impanga yonsi iya Izlaeli ala akucitila antu yakwe ivya ulungami ukwaula ulufyengo.