2 Samueli 22:10 - Amazwi Yakwe Leza 2013

¹⁰ Wene alepula iyulu pakasi nga aika pansi, ni kumbi ilitifi ale lili pa ngazo zyakwe.

2 Samueli 22:10 交叉參考

1 Yamwene 8:12

Solomoni pali pakutandika ukupepa ati, “Uwi we Yawe! Awewe wika ilanzi mu lwelele. Lelo wasolola ukwikala umwi kumbi lifite fititi.

Masamu 97:2

Amakumbi ni mfinzi vyamulilizya. Icumi nu ulungi ivikatungililila icilimba cakwe.

Masamu 144:5

Tembeleka amakumbi yako, we Yawe, nga uwikile. Kumya imyamba, apakuti nayo ifumye icunsi.

Kufuma 20:21

Lelo antu yatwalilila kwimilila kutali. Suka sile Mose aliwe apalama kwi kumbi linyome litifi, kuno Leza wali.

Mateo 27:45

Lino ilanzi lyafika umutwe papela (12 koloko), impanga yonsi inyepwa ni mfinzi kufika na pano ilanzi lyatemba (3 koloko).

Naumi 1:3

Yawe asisoka zuwa, lelo uwamaka wakwe cimwi nupya asipanya umuntu uwa mulandu. Pano Yawe akupita, pakakatuka nkungulupya ni cipunga icikome. Amakumbi ali lukungu luno ingazo zyakwe zikakatusya.

Masamu 104:3

Napa manzi ya mwiyulu ali pano wakuula Ng'anda yako. Amakumbi ali yano wacita iceleta lyako. Umu muza ali muno wemo ukapitila.

Malango 4:11

“Muce mwanena ana inu vino mwaile imwimilila umwisika lya mwamba uno wavimbilikiziwe na makumbi ya cunsi icafisizye na fititi. Alino ni cimbilimbili ca moto icalunkumanga ukufika nu mwiyulu.

Kufuma 19:16

Katondo pa wanda uwalenga yatatu kwali kupangalansya nu kumyansya, nga ni kumbi linyome pa mwamba. Kulila kukulu cuze kwa ntandala kuvwika. Antu yonsi pa nsakwe yazakaza ku ntete.

Ezaya 63:19

Lelo wemo ukutucita sile wanyawanya, kwati asi wewe watuteeka. Kwati tutatala twaamwa antu yako.