2 Samueli 21:7 - Amazwi Yakwe Leza 2013

⁷ Lelo pamulandu wa ulayo uno wene yalaine na Yonatani, pa manso yakwe Yawe, wene atakomile Mefibosyeti umwana wakwe Yonatani, nupya umwizikulu wakwe Saulo.

2 Samueli 21:7 交叉參考

2 Samueli 4:4

Uwamu mupanda wakwe Saulo namuze wali a Mefibosyeti umwana umonsi wakwe Yonatani, uwali ni myaka isano iyakuvyalwa pa nsita ino Saulo na Yonatani yakomilwe. Lino impwelo yapa mfwa yao yuvwika ukufuma umu Yezileele, umulezi wakwe amutola nga autuka. Lelo umu kupamviwa kwakwe asuka amuponya nu kulenga ukumulemalika amakulu.

1 Samueli 23:18

Yoili kwene iyacita icipangano pa manso yakwe Yawe ica kwandana ucuza. Alino Davidi asyala ku Holesyi, nga Yonatani aswilila ukwakwe.

1 Samueli 20:15

uce uye nu luse ululi lumwi ku akazi kane amanda pe, nu mu nsita kwene ino Yawe waca wamala ukulovya anisi yakwe Davidi yonsi pano nsi.”

1 Samueli 18:3

Yonatani nawe pali pakupangana na Davidi pamulandu wakuti wamutemilwe wakwe vino waitemwa umwisikulu.

2 Samueli 9:10

Wewe apali pamwi na ana yako aonsi nga na aomvi yako mulinzile mwamulimila impanga nu kukoozya ivyakulya, pakuti umwizikulu wa musambazi wako asungwa ningo. Lelo Mefibosyeti, umwizikulu wa musambazi wako, amaimulwanga api tebulo lyane lyonsi kwene.” (Ziba wakweti ana aonsi ikumi na yasano.)

1 Samueli 20:8

Acili cino fwandi yame, unganguvwilako uluse, ne muomvi wako pakuzana ukuti twapangana nawe upangano pa manso yakwe Yawe. Ndi cakuti indi nu mulandu, lyene cazipa sile wewe kwene unkome! Uzye pacani cino ungantwalila kuli so?”

1 Samueli 20:42

Lyene Yonatani anena Davidi ati, “Leza aye nawe, pano twandana ucuza nu mulapo umwi zina lyakwe Yawe, tula tukuti, ‘Yawe ali kambone pakasi kakwe wewe nani, na pakasi ka amu mupanda wako na amu mupanda wane amanda pe.’ ” Lyene Davidi afumapo, nga Yonatani nawe aswilila ku musumba.

1 Samueli 20:17

Nupya kwene Yonatani alenga Davidi ukulaya nu mulapo kuti amamutemwanga, pamulandu wakuti Yonatani watemilwe Davidi wakwe vino waitemilwe umwisikulu.

2 Samueli 19:25

Lino Mefibosyeti wafisile ukufuma ku Yelusalemu ku kwizakomenkanya umwene, umwene wamunenyile ati, “We Mefibosyeti, uzye pacani cino utandondile?”

2 Samueli 16:4

Umwene anena Ziba ati, “Ivintu vyonsi ivyali vyakwe Mefibosyeti ivyakwako.” Ziba nawe aasuka ati, “Nene muomvi wako. Musambazi, leka nakuzanzya lyonsi kwene!”

2 Samueli 9:7

Davidi nawe amunena ati, “Utuvwa intete, pano namakucitila uluse pamulandu wakwe so Yonatani. Namakuwezezya impanga yonsi iyali yakwe sokulu Saulo, nupya ulaimulwa api tebulo lyane lyonsi kwene.”

1 Samueli 20:12

Lyene Yonatani anena Davidi ati, “Ti Yawe Leza wa ina Izlaeli aye kambone witu! Mutondo pa nsita kwene wakwe ii, nanti pa wanda ulalondelapo, induzya tata iila lyakwe citatu. Ndi naca nazana ukuti akukwelenganyizizya ivisuma, ale lyene ndatuma akwiza kumanyisya.

2 Samueli 9:1

Uwanda umwi Davidi auzya ati, “Uzye kuli umwi asile uwamu luko lwakwe Saulo? Nkasi kuti imucitile uluse pamulandu wakwe Yonatani.”

Kasambilizya 8:2

We muntu ulinzile kuyela amalamulo yakwe kateeka pamulandu wa ulayo wako kuli Leza.

1 Samueli 24:22

Davidi nawe alaya ukuti ali nu kucita vivyo kwene. Lyene Saulo aswilila ukwakwe nga Davidi na antu yakwe iyaswilila ku ncende ino yafisimemo.

2 Samueli 9:6

Lino Mefibosyeti umwana umonsi wakwe Yonatani, nupya umwizikulu wakwe Saulo wafika, akontama pansi inkolelo yakwe Davidi kuti alange umucinzi. Davidi amwama ati, “We Mefibosyeti!” Nawe aasuka ati, “Musambazi, apanondi ne muomvi wako.”