2 Samueli 2:18 - Amazwi Yakwe Leza 2013

¹⁸ Ana yatatu aonsi yakwe Zeluya yaa akuno yali: Yoabu, Abisyai, na Asaeli. Asaeli uwakweti ulwilo wakwe mpombo

2 Samueli 2:18 交叉參考

1 Milandu 12:8

Asilika yamwi alumbuke ukufuma mu mutundu wakwe Gadi yuminkana ni vita vyakwe Davidi, lino wene wali kwi cele lyakwe uku lwanga. Vyali ivita vimwi ivyamanyile ukulwa inkondo umu kuomvya amasumo ni visyangu. Yali akalale sana mu milolekele ngati a yacisama. Alino yali acincile wakwe yampombo amu myamba.

Habakuku 3:19

Yawe Simwandalali aliwe akampeela amaka. Wene akakomya amakulu yane kuti naimilila wakwe mpombo, pakuti ningakwela na papela ya mwamba. Yakasaula ya nyimbo, si yale yimbile na mazeze.

Lwimbo lwakwe Solomoni 8:14

Pitisya ndanga we mukundwe wane, na pakwiza watampoka wakwe mpombo, nanti wakwe taala pa myamba apakamela vyamununko usuma.

Lwimbo lwakwe Solomoni 2:17

Welulukila kunondi, we mukundwe wane, lino umuza wapa macaca utali ukatuke, lino ni mfinzi itali iyanduluke. Pakwiza utampoke wakwe mpombo nanti wakwe taala apa myamba pano pakamela maluwa ya mununko usuma.

Masamu 18:33

Akapepusya ingazo zyane, izyangupala ungati izya nswela iyakaci. Akanteeka apasanzuke, pakuti ntapona.

Amosi 2:14

Uwa lwilo atalapuuka awe, nu waulamba atalaya na maka. Ni cita citalaituula awe.

Kasambilizya 9:11

Naweni icintu nacuze. Icintu cico icakuti antu yano yakwatisya ulwilo yasicimvya mu kucimvyanya, na antu aposye yasicimvya mu nkondo. Antu yamano asi lyonsi lino yakwata ivyakulya. Antu acenjele asi lyonsi lino yakaya akama. Antu asambilile asi lyonsi lino yakasyukila incito ya papela, pano isyamo likaponela umuntu ali wensi.

1 Milandu 11:26

Yaa ali antu yakalawane nayauze. Amazina yao a Asaeli umwina wakwe Yoabu, Elianani umwana umonsi wakwe Dodo, uwaku Betelemu.

2 Samueli 1:23

“Saulo na Yonatani, yene aakuzunguka nupya akundwe. Yene yatapalukine umu mfwa numu wikazi wao kwene. Yakweti ulwilo ukuluta yalyang'anda, ni vimaka ukuluta yacisama.

1 Samueli 26:6

Davidi ali pakuuzya Aimeleki umwina Hiti na Abisyai umwana wakwe Zeluya uwali umwina wakwe Yoabu, ati, “Uzye aweni amaya pamwi nani kuli Saulo umu nkambi?” Abisyai aasuka ati, “Anene namapita nawe.”

2 Samueli 2:19

atandika kucocovya Abineli. Amulondela pacisila ukwaula kupumba inzila.

2 Samueli 22:34

Wene akampa ulwilo wakwe mpombo. Akansunga ningo umu myamba.

2 Samueli 23:24

Asaeli umwina wakwe Yoabu wali awenga uwamu vita vivi amakumi yatatu: Elianani umwana umonsi wakwe Dodo, uwaku Betelemu.

1 Yamwene 2:5

“Akuno cili icintu nacuze kwene icisi cakwilila. Wiusye vino Yoabu umwana wakwe Zeluya wacisile kunondi, pakukoma yamusika akalamba ya vita vya ina Izlaeli, Abineli umwana umonsi wakwe Neli na Amasa umwana umonsi wakwe Yeteli. Wene wayakomile umu nsita ino kwali umutende apakucita icilanduzi pa mfwa zino yene yalenzile kuti zicitike mu nsita ino kwali inkondo. Wene wakomile antu yano yataali nu mulandu, nga nani nazwala umulandu pali vino wacisile nupya nkuculila mwenemo.

2 Samueli 14:1

Yoabu umwana wakwe Zeluya wamanyile ukuti umwene Davidi akuluuka sana Abusalomu.

1 Milandu 12:9

Ezeli wali intunguluzi yao. Nu wamulondelile wali a Obadiya. Alino wakwe citatu a Eliabu,

1 Milandu 27:7

Asaeli umwina wakwe Yoabu, uwali intunguluzi mu mwezi wakwe cini, nga Zebadiya umwana wakwe umonsi uwamupyanyile. Mu mpuka yakwe mwali ivita ukulingana 24,000.