2 Samueli 18:9 - Amazwi Yakwe Leza 2013

⁹ Umu kupumikizya, Abusalomu akomenkanya antu yakwe Davidi yamwi. Wene wakwezile pa nyumbu, nga lino nyumbu ikupita umwisika ya misambo ya muti umuoko ukulu, umutwe wakwe Abusalomu iufyantama umu misambo ya muti ulya. Nyumbu itwalilila ukupita, lelo Abusalomu asyala akunyinyinda ku muti.

2 Samueli 18:9 交叉參考

2 Samueli 14:26

Lyonsi lino wapeelanga inyele zyakwe, ndi vino wacitanga cila mwaka, wene wazipelanga apakuzana ukuti zyanyoma. Nga ndi wazipima, azana ukuti zinyomile ukuluta pa makilogalamu yaili ukulingana ni cipimilo caku wene.

Mapinda 30:17

Umuntu ali wensi wino akaseka isi nu kuzyuluka nyina umukote, ilinso lyakwe yamwankole ya kuluzi yalalitonkola, naya lyang'anda yakalilye.

Yobo 31:3

Uzye fwandi uononesi wene usiponela antu aukakasi, nga nu uzanzo nao uponela yakaifya?

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

Mako 7:10

Pano Mose wakonkomizye ati, ‘Cindika so na nyoko. Wino wensi uwatuka isi nanti nyina, alinzile ukufwa.’

Yelemiya 48:44

Wiyo wensi amapuuka pamulandu ni ntete, alaponela mu ucinga. Na wino alafuma mu ucinga alalemwa mu viteyo. Pano vikwene ali vino ndavunukilako Moabu umu nsita yakononwa kwakwe, ivyalanda ne Yawe.

Mapinda 20:20

Wino uwatipwila isi nanti nyina, ulukozyo lwakwe lulazima pakafite nafititi.

2 Samueli 18:14

Yoabu avwanga ati, “Ntakutala insumbe insita nayuze pamwi nawe.” Acino atoola amasumo yatatu nga aya atota yonsi mu cisao cakwe Abusalomu lino acili nu umi, akunyinyinda ku muti umu oki.

2 Samueli 17:23

Lino Aitofeli walola ukuti umpandamano wakwe utalondilwe, akwela pali punda wakwe nga aswilila ku musumba kumwao. Alino pacisila cakupeela amazwi ya utunguluzi ku ang'anda yakwe, Aitofeli aikulika. Acino afwa nga iyamuzika mwi lindi lya aluko lwakwe.

Malango 27:20

“ ‘Katipwe kuli Leza wiyo wensi alalala na nyina wino isi watwala, pano kuko ukuzewanya so.’ “Lyene antu yonsi yalalanda yati, ‘Ee mukwai! Kaciye vivyo kwene!’

Malango 27:16

“ ‘Katipwe kuli Leza wiyo wensi uwasuula isi nanti nyina.’ “Lyene antu yonsi yalande yati, ‘Ee mukwai! Kaciye vivyo kwene!’

Malango 21:23

ale lyene mutalinzile kusya umwili uwo pa cimuti. Mulinzile kuzika umwili, pamulandu wakuti umwili uno iyatana pa cimuti ukaleta citipu cakwe Leza pa mpanga. Muziike umwili uwo, pakuti mutakowezya impanga ino Leza akupeela kunomuli.”

Mateo 27:5

Caleka Yuda asya wasumbila impiya zyakwe siluva mu Ng'anda ikulu yakwe Leza. Alino apita aya aikulika.

2 Samueli 13:29

Acino aomvi yakwe Abusalomu iyakoma Amunoni wakwe muno Abusalomu wayanenyile. Alino ana ya mwene yonsi pyu yauze aonsi iyakatuka, nga iyakwela pa nyumbu zyao, yapuuka.

2 Samueli 18:8

Ulwi iulunduluka monsi kwene ukunzi ya musumba, nga antu aingi iyafwa mu mutengo ukuluta yano akomilwe mu ulwi.

2 Samueli 18:10

Lino umuntu wenga pali yaya walola cii, aya anena Yoabu ati, “Nalinalola Abusalomu watalemya ku muti akunyinyinda.”