2 Samueli 16:5 - Amazwi Yakwe Leza 2013

⁵ Lino umwene Davidi akupalamila ku Baulimu, umuntu umwi ukufuma mu luko ululi lumwi nu lwa akazi kakwe Saulo aiza ukufuma kuku. Izina lyakwe wali a Syimei umwana umonsi wakwe Gela, ala akumutipwila lino akufuma.

2 Samueli 16:5 交叉參考

2 Samueli 3:16

Palitieli nawe alondela umuci nzila yonsi ukufika nu ku musumba wa Baulimu, ale akulila lino akuya. Lyene Abineli amunena ati, “Swilila ukwako!” Acino nawe aswilila.

1 Samueli 17:43

Alino auzya Davidi ati, “Uzye intuwa iyo iyacani? Uzye ukwelenganya ukuti nene simbwa uwakwizila ni ntuwa?” Nga umwina Filisti wilya pali pakwama tuleza twakwe nu kutipwila Davidi.

Kufuma 22:28

“Utakavwange mazwi ya misuli kuli Leza nupya utakatipwile intunguluzi ya antu inu.

2 Samueli 17:18

Lelo uwanda umwi umulumendo ayalola, nga anena Abusalomu. Acino iyafuma kuku zuwazuwa nga iyaya ku kufisama ku ng'anda yakwe Baulimu. Wene wakweti icifula umu musolo wakwe, nga nayo amuno yingila.

Ezaya 8:21

Antu yalalulumba sile umu nsi. Lelo ale yatiyasila. Ndi yuuvwa inzala, yalaya asoke wakwe cimwi. Yalatukola nu wayateka kwene ivitusi kumwi na Leza wao kwene. Yalati akula yalingamila mwiyulu,

Kasambilizya 10:20

Utalengulula kateeka, nanti umu mwenzo wako kwene. Nupya utalengulula umukama, nanti umu muputule kwene wa musanzi wako. Pano limwi akunyi nanti akazizi akakapapuka kangasenda amazwi yayo nu kuyanena antu yayo vino walukutaka.

Mapinda 26:2

Vino katiti kakapontomoka na kamimbi nako ikafuma ikapapuka, ali vino ni ntipu zino yakatipwila umuntu wakaele, zitalatala zimulematile.

Masamu 109:28

Nanti yangantimpwila wemo ukampolelela, lino yankatukila, leka insonyi ziyaleme! Umuomvi wako kalu kuzanga!

Masamu 69:26

Pano yene yapampanya sile ukucuzya antu yano wacuzya mpiti. Yakatononka sile ivilonda vya ya antu yano wacisa mpiti.

2 Samueli 16:14

Umwene na antu yakwe yonsi iyafika ku Yodani, nga iyapuza pano walanga yatiyatonta.

2 Samueli 16:4

Umwene anena Ziba ati, “Ivintu vyonsi ivyali vyakwe Mefibosyeti ivyakwako.” Ziba nawe aasuka ati, “Nene muomvi wako. Musambazi, leka nakuzanzya lyonsi kwene!”

2 Samueli 16:6

Syimei atandika ukutama Davidi na aomvi ya mwene yonsi amawe, nanti angala ivita vyonsi na yakalinda asololwe yali ku mbali zyonsi zyakwe Davidi.

Masamu 102:8

Anisi yane yakantukola umusanya onsi. Yayo antasyanga mpiti, Ali yano yatiyasenula izina lyane ulutusi.

Kufuma 22:27

pamulandu wakuti cili icakuvimbala sile cino mupina akweti ca kumucingilila ku mpepo usiku. Uzye nacuze icani cino angavimbala? Ndi wene walilila kunondi ukuti mwazwe, ndamwasuka pano nene wa mizu.

2 Samueli 23:31

Na Abi Aliboni umwina Alibati, na Azimaveti umwina Baliumi.

Esita 2:5

Umu musumba wa Susa mwatenzi mwenemo umuntu umwi Umuyuda. Izina lyakwe wali a Modekai, umwana umonsi wakwe Yaili, umwana umonsi wakwe Syimei, umwana umonsi wakwe Kisyi, uwamu luko lwakwe Benjamini.

Yobo 30:11

Nampo nga pamulandu wakuti yalola kuno Leza watovola ulapwa wane nu kumpezya wakwe vino cili, ali cino lyene yatiyankantukila ukali ukali.