2 Samueli 13:4 - Amazwi Yakwe Leza 2013

⁴ Yonadabu anena Amunoni ati, “Wewe mwana wa mwene, lelo cila wanda ukaloleka umukungumale. Uzye icani cikukucuzya?” Amunoni nawe amwaasuka ati, “Nemo nkukumbwa Tamala, kaci wa mwinane Abusalomu.”

2 Samueli 13:4 交叉參考

Luka 12:32

“Mutoopa, mwe ufyo unono wa mfwele, pano So camuzanzya kuti amupeele Uwene wakwe.

Mika 7:3

Yene a yafundi apakucita iviipe. Intunguluzi zikalenga amawila, na yakapingula nayo yakalonda amafukakanwa. Antu yamaka nayo yanena antu iviipe vino yakasi. Avili vino yene yakaumana akapi.

Yelemiya 8:12

Insonyi zilinzile kuyalema apa vicitwa vyao iviipe, ivya lupato. Lelo camupamba yene yasyauvwa insonyi, awe. Icaleka fwandi yalapona pamwi na ali nu kupona. Lelo ndiza njavunuke, yalasumbwa pansi.’ ” Ivyalanda ne Yawe.

Ezaya 3:9

Imilolekele apa manso yao, ikuyasinila sile. Yasifisama foo apa kwifya, yakucitila sile ivintu uku mufulo ndi vino aina Sodoma yacitanga. Iye mwee! Icumi yailetelela sile.

Aina Levi 20:17

“Monsi ndi watola kaci wakwe, umwana umwanaci wakwe isi nanti umwana umwanaci wakwe nyina, wamucita ukuya umuci wakwe, nupya yamanyana nu kumanyana, icintu cino antu oili yao yacita camuzewanya. Antu yaa oili yalinzile kusukulwa mu antu yao. Monsi wiyo wazewanya kaci wakwe, nupya alinzile ukulipa.

Aina Levi 18:9

Utalongozya na kaci wako, nanti kaci wako wamuli yanyoko yano so wapalika nanti wino so wazana, nanti wino mutakulile mu ng'anda ili yonga nawe.

1 Yamwene 21:7

Yezebele umuci wakwe pali pakumunena ati, “Uzye umwene uwamu Izlaeli asi awewe kwene? Katuka nu kukatuka, ndulye nu kusansamuka. Nemo namakupokela calo ca matingi cico kuli Naboti umwina Yezileele.”

2 Samueli 13:3

Lelo Amunoni wakweti cuza umwi umucenjele sana, izina lyakwe wali a Yonadabu, umwana wakwe Syimea umwina wakwe Davidi.

2 Samueli 13:5

Yonadabu nawe amunena ati, “Pitanga kalale pali bedi wako ukole kwati watulwala. Ndi cakuti yaso yiiza ku kukulola, wize uyanene uti, ‘Napapata munene Tamala awino aize andisya. Nkasi kuti anteyanyizizya icakulya mukwene ale nkumulola, nga lyene andisya.’ ”

1 Yamwene 21:5

Yezebele umuci wakwe aiza, nga amuuzya ati, “Uzye pacani wakutumalila vivyo? Icani cino wakanila ukulya?”