2 Samueli 13:12 - Amazwi Yakwe Leza 2013

¹² Tamala nawe akana ati, “Awe nakana, utezya umpatikizye kuti tucite icintu icamuzewanya ndi cico, icisicitika mu Izlaeli! Cene cikaleta umuzewanya!

2 Samueli 13:12 交叉參考

Yakapingula 20:6

Nane ali vino natoozile umuci wane namuze, imuputola mu vipimfya nga intuma cila cipimfya ku mutundu pa mitundu yonsi iya ina Izlaeli, pamulandu wakuti yene yacita icintu cii icawinyi nupya icamuzewanya mu mpanga ya ina Izlaeli.

Yakapingula 19:23

Umwine wa ng'anda afuma panzi nga ayanena ati, “Awe mukwai, mwe yacuza mutaezya ukucita icintu icawinyi wakwe cico. Pasi pano umuntu wii umwenyi wane. Namupapata mutaezya icintu ci icamuzewanya.

Aina Levi 20:17

“Monsi ndi watola kaci wakwe, umwana umwanaci wakwe isi nanti umwana umwanaci wakwe nyina, wamucita ukuya umuci wakwe, nupya yamanyana nu kumanyana, icintu cino antu oili yao yacita camuzewanya. Antu yaa oili yalinzile kusukulwa mu antu yao. Monsi wiyo wazewanya kaci wakwe, nupya alinzile ukulipa.

Utandiko 34:7

Nkumankuma ana yakwe Yakobo aonsi yawela ukufuma mu mpanga. Lino yuvwile ivyacitikile kaci wao ciyapezya amano yavulungana nu ukali pali cino Syekemu watacita ku mwana wakwe Yakobo ica muzewanya mu Izlaeli.

Aina Levi 18:11

Utalongozya na mwana so wino so wavyala mu ng'anda yuze, pano nawe kwene akaci wako.

Aina Levi 18:9

Utalongozya na kaci wako, nanti kaci wako wamuli yanyoko yano so wapalika nanti wino so wazana, nanti wino mutakulile mu ng'anda ili yonga nawe.

Mapinda 7:7

nga muli yayo atali yakule, ndola umulumendo uwaula amano,

Malango 22:29

wene alinzile alipile impango kuli isi wa mukazyana, kulingana ni mpiya zyakwe siluva amakumi yasano. Alino lyene amutole aye umuci wakwe, pamulandu wakuti wene wamupatikizye ukucita icansonyi nawe. Wene atangamuta lino acili nu umi.

Utandiko 34:2

Lino Syekemu umwana wakwe Hamoli mwina Hivi, umukalamba uwamu muputule wa mpanga ilya wamulola, amulema ku maka nu kulongozya nawe.

Malango 22:21

lyene yalinzile kumuleta ku mulyango wa ng'anda yakwe isi, kuno aonsi amu musumba uwo yalinzile kumutama na mawe mpaka afwe. Wene watacita icansonyi mu Izlaeli apakucita uzelele lino acili mu ng'anda yakwe isi, ala atacili atwalwe. Mu musango uu amuno mulasisya inkota pakasi kinu.

Yelemiya 29:23

Fwandi vivyo iviliizila yakacita ya muzewanya mu Izlaeli, yano yakacita ulenzyo na yamuka eneco, yano yakalandila mwi zina lyane nanti ntayatumile. Lelo namanya ukuti nene kambone kuli cico.” Ivyalanda Yawe.