2 Samueli 10:6 - Amazwi Yakwe Leza 2013

⁶ Aina Amoni iyiluka ukuti yatiyapanga uwanisi pakasi kao na Davidi. Pali pakutuma nu kulipila asilika kuti yize yayazwilizye. Asilika yapa ngazo aina Asilya ukufuma ku Beti Leobu nu ku Zoba yali amazimbi amakumi yaili, nayauze ukufuma ku Tobu yali amazimbi ikumi na yaili, nga ukwikapo nu mwene waku Maaka pamwi na antu yakwe izimbi lyonga.

2 Samueli 10:6 交叉參考

2 Samueli 8:5

Lino aina Asilya aku Damasiko yatuma ivita ivyakuti vikazwilizye Hadadezeli umwene waku Zoba, Davidi avizanza nu kukoma antu amazimbi amakumi yaili na yaili.

2 Samueli 8:3

Davidi acimvya nu mwene kwene uwa mpanga iya Asilya ino ikaamwa ukuti Zoba. Nga acimvya na Hadadezeli umwana umonsi wakwe Leobu lino wali pa ulendo kuti aswilile pa wene wa mpanga yonsi iyalondelela Luzi lwa Yufulate.

Utandiko 34:30

Yakobo anena Simeoni na Levi ati, “Yanamwe, vino mwandetelela ku ina Kenani, aina Pelizi nga nu muntu wensi mu mpanga ii amampata. Swemo aonsi tuli ncepelwa. Ndi antu yaa yalemana pamwi kuti yanzanze, lyene ang'anda itu yonsi yamalowa.”

1 Samueli 27:12

Akisyi wataile sana Davidi nga aelenganya ati, “Davidi wataisausya sile ku antu yakwe aina Izlaeli, cakuti wene amaya umuomvi wane amanda pe.”

Yakapingula 18:28

Kutali umwi uwa kuyatuula pamulandu wakuti yatenzi ukutali nu ku Sidoni nga yatakweti utandano nu muntu ali wensi. Umusumba ulya wali mu cifoloma pipi nu ku Beti Leobu. Amu mutundu wakwe Dani iyakuululula umusumba ulya nu kwikala mwenemo.

Yakapingula 11:5

nga lino ulwi wakatuka, intunguluzi zyamu Gileadi izipita ku kutoola Yefuta ku mpanga ya Tobu.

Yakapingula 11:3

Acino Yefuta autuka aina yaya aya aikala ku mpanga ya Tobu, kuno waile akusa iumba limwi lya viwelewele, ilyamulondela.

Mapinda 25:8

Cino watuilolela we mweneco na manso yako, utakalauka ukutwala uku cilye, pano cingize cikuletele insonyi ndu muzo wiza wakusinila.

2 Samueli 8:12

Edomu, Moabu, Amoni, Filisti na Amaleke, ukwikapo ni visampwe vino wapokolwile kuli Hadadezeli umwana umonsi wakwe Leobu, umwene waku Zoba.

1 Samueli 13:4

Aina Izlaeli yonsi iyanenwa ukuti Saulo watacimvya inkambi ya ina Filisti, nu kuti aina Izlaeli lyene iyapatikwa wakwe cimwi ku ina Filisti. Acino antu iyazumila ulwamo ulwakuya ku Giligali pamwi na Saulo.

Malango 3:14

Yaili, uwali uwamu mupanda wakwe Manase, nawe ali pakutoola impanga yonsi yaku Aligobu, kuli kuti, Basyani, aya apelela ku mupaka wa ina Gesyuli na ina Maaka. Ali pakutemela imisumba ya kweneko izina lyakwe, wakwe ndi muno ikaamilwa na pilelo ukuti imisumba yakwe Havoti Yaili.)

Kufuma 5:21

Nga yanena Mose na Aaloni yati, “Yawe watalola vino mwatimucita nupya alamuvunuka pakulenga Falao na yacilolo yakwe kuti yatupate. Vino mwatimucita cili wa kuyapeela lupanga mu minwe kuti yatukome.”

2 Samueli 10:5

Ala cali icansonyi kunozili cakuti iziposiwa ukuswilila kumwao. Lino Davidi uvwa ivyati vicitikila, atuma inkombe zyakuyanena inengu zizi kuti zikale umu Yeliko nu kuti zitakaweluluke suka sile ivilezu vimele nga vitalimpe.

2 Samueli 10:7

Davidi auvwa pali cii, nga atuma Yoabu ku kusenda ivita vyakwe vyonsi nu kuyayalwisya.

2 Samueli 23:34

Na Elifeleti umwana umonsi wakwe Aasibai umwina Maaka, na Elyamu umwana umonsi wakwe Aitofeli umwina Gilo.

2 Yamwene 7:6

Yawe umwisikulu uwalesile ukuti aina Asilya yuvwe icongo. Umu kuvwa kwao cuvwisile ungati icongo ca vita ivingi sana ivisenzile imfwalasi na maceleta. Aina Asilya ali pakuvwanga yati, “Uvwini icongo, umwene waku Izlaeli watalalika umwene wa ina Hiti nu waku Eguputo pamwi ni vita vyao apakuti yize yatulwisye!”

Masamu 48:4

Limwi yamwene yatazile iyakongana pamwi nu kwiza zanza umwamba Zioni.

Yelemiya 40:8

yiza kuli Gedaliya uku Mizipa. Isumeli umwana umonsi wakwe Netaniya, Yoanani na Yonatani ana yakwe Kaleya, Selaya mwana Taniumeti, ana yakwe Efai umwina Netofa, nga alino na Yaazaniya mwana umwina Maaka pamwi na antu yao.

Yelemiya 46:21

Asilika ivipondo yano yali nayo, yakoline wa ana ya ng'ombe aine. Yonsi pamwi yaseleuka nu ku lupuuka. Yaposiwa kuzyansya pano uwanda wa kuzanzwa wati uyazana, insita yao yakuvunukwa.

2 Samueli 16:21

Aitofeli nawe aasuka ati, “Lala na aci yauze yakwe so yano wene wasile kuti yasunga isano. Lyene aina Izlaeli yonsi yalamanya ukuti so akukulola wa mwanisi kunoli, nga na yao akukulondela yalakomeleka wakwe cimwi.”

1 Yamwene 11:24

Muntu kwene wii wakonganike antu yamwi, nga aya intunguluzi yi umba lyakwe yacisanguka. Ivintu vii vyacitike lino Davidi ononyile ivita vyaku Zoba. Lyene Lezoni na yacisanguka yauze ali pakuya ku Damasiko, nga yikala kweneko, alino antu yayo yamulasika uwene kuti ateeka impanga ilya iya Asilya.