2 Samueli 10:12 - Amazwi Yakwe Leza 2013

¹² Wemo ule ukome sile nu kuposya! Leka tulwisizye antu itu na maka, tulwisizye ni misumba yakwe Leza witu. Ukulonda kwakwe Yawe kule kucitike!”

2 Samueli 10:12 交叉參考

1 Kolinto 16:13

Pempulini nu kukomeleka mu utailo, posyini, muye na maka.

Malango 31:6

Posyini nupya muzyansye. Mutezya ukuyoopa nanti ukuzakaza, pano Yawe Leza winu amaya namwe. Wene atalatala amusye nanti ukumutazyela.”

1 Samueli 3:18

Acino Samueli amunena vyonsi vino yaliyamunena, ukwaula ukufisa nanti konga. Lyene Eli pali pakuvwanga ati, “Wene ali Yawe. Fwandi kaacite vyonsi ivingamuzanzya.”

Ayebulai 13:6

Lyene lekini tuvwange nu kupama, tuti, “Mwene ali kazwa wane, ntaloopa cimwi. Uzye icani cino umuntu angancita?”

Neemiya 4:14

Apacisila cakulola ukuti yacili yakuvwa intete, inkatuka nu kunena asambazi ni ntunguluzi zyao pamwi na antu yauze inti, “Mutoopa anisi yaa. Mwiusye ndi vino Yawe umukulu nupya uwa koopa. Acino lwisizini antu inu, ana inu, aci inu nga na mang'anda inu.”

1 Samueli 4:9

Si mungala musipe, muposye iconsi. Pano ndi cisi vivyo Ayebulai yaa yamamutekanga uzya wakwe vino mwemo mwayateesile. Fwandi posyini iconsi, nu kulwa!”

Yakapingula 10:15

Lelo aina Izlaeli iyanena Yawe yati, “Twatitwifya. Ucite kunotuli icili consi icingakuzipila. Lelo twapapata ututuule ilelo kwene.”

1 Milandu 19:13

Posya sile nga ulwe iconsi, pamulandu wa antu itu ni misumba yakwe Leza witu. Yawe alacita icingamuzanzya.”

Yobo 1:21

Alino avwanga ati, “Owe Mwe! Navilwe ukwaula nanti cimwi, nga nupya indafwa ukwaula nanti cimwi. Yawe aliwe wampile, nupya Yawe aliwe wapoka. Si Yawe sile wenga awino acindikwe!”

1 Samueli 17:32

Davidi anena Saulo ati, “Mwene wakwisaci, utaleka umuntu nanti wenga aoope umwina Filisti wii. Namaya nkamulwisye.”

1 Samueli 14:12

Alino lyene iyapunda Yonatani nu musenda mpamba wakwe iyati, “Mwe, izini kuno twatitukwata ivyakumunena.” Yonatani nawe anena musenda mpamba wakwe ati, “Ndondela pacisila, Yawe watayaika mu makasa ya ina Izlaeli.”

1 Samueli 14:6

Yonatani anena umusenda mpamba wakwe ati, “Iza, tulambuke tuye ku nkambi iya viyantu vivi vino vitasilamulwa. Limwi Yawe angatwazwa. Pano kwene kutaya nanti cimwi icingalesya Yawe ukutupeela amaka ya kucimvya, ciye tuvule nanti tucepe.”

Yoswa 1:18

Wino wensi alatwisika amaka yako nanti kukanayela amazwi yako, cisi cimwi ilamulo lino ulayapeela, wene alakomwa. Wemo ule uposye nupya uzyansye.”

Yoswa 1:9

Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”

Mpendwa 13:20

Mulole impanga vino ikuloleka, ndi ya muvundo nanti foo, ndi ya miti nanti foo. Muombesye pa maka cakuti mukawele ni viseekwa vya mpanga ilya, vimwi vimwi.” (Insita kwene iya yali iya viseekwa vya nkolelo vya matingi.)

2 Milandu 32:7

Nu kuyakonkomezya ati, “Posyini nupya muzyansye. Mutuvwa intete nanti kutovoka apamulandu wa mwene waku Asilya pamwi ni umba lyonsi lino akweti. Wiyo wino waya naswe amanda yonsi umukome sana ukuluta wino ali nayo.

Ayebulai 11:33

Mu utailo amuno yene yalwisizye nu kucimvya impanga zyuze. Yene yacisile visuma nga yapokelela vino Leza wayalavile. Yene yayazile milomo yakwe yacisama,

2 Samueli 10:11

Yoabu anena Abisyai ati, “Ndi walola ukuti aina Asilya yancimvya, wize ungazwe. Nani ndi nalola ukuti aina Amoni yakucimvya, namaiza inkwazwe.

Malango 31:7

Lyene Mose aama Yoswa pa manso ya ina Izlaeli yonsi nga amunena ati, “Uposye nupya uzyansye. Wewe uli nu kutungulula antu yaa ku kupoka impanga ino Yawe walavile ukupeela ku vikolwe vyao, nupya ulinzile ukuyankanya wa caupyanyi cao.

2 Samueli 15:26

Lelo ndi wene atazangile munondi, lyene cili kunoli, ukuncitila consi icingamuzipila.”

Neemiya 4:8

Fwandi yonsi yumana kapi kuti yize yalwisye Yelusalemu nu kuleta icimvulunganya mwenemo.

Esita 4:16

“Yanga ukakonganike Ayuda yonsi amu musumba wakwe Susa, nga mumpepele kweneko. Mutaezya ukulya nanti ukumwa apa manda yatatu, usiku nanti umusanya kwene. Nani kwene kumwi na aomvi yane akazyana avino tumacita. Lino cii cacitika, lyene ndaya ku musambazi, nanti caindwa ukulingana ni sunde. Ndi cakuti indi nu kufwa, kankafwe.”