2 Petulo 3:9 - Amazwi Yakwe Leza 2013

⁹ Leza atazingota pa kucita cino walaya, ndi vino yamwi yakaelenganya. Lelo Wene akateeka mwenzo kunomuli, pamulandu wakuti wene asyalonda kuti muntu umwi akononwe. Wene akalonda kuti antu yonsi yazenzuke.

2 Petulo 3:9 交叉參考

1 Timoti 2:4

wino akalonda umuntu wensi kuti atuulwe nu kumanya cumi.

Loma 2:4

Nanti uzye ukasula kuvula kwa luse lwakwe Leza na vino akatutekela mwenzo? Uzye utamanyile vino Leza ali nu luse kunuli kuti akutungulule ku kuzenzuka?

Habakuku 2:3

Uumbwilo uu uli nu kufikiliziwa apa nsita yakweo ilingine, ino ili nu kufika ukwaula kuzimba. Nupya ulacitika ukwaula kutwisika. Lelo ndi mwalola ukuti wene wazimba, nemo nkuti muulolele mutazukuwa. Wene ulafikiliziwa ukwaula kucelwa nanti ukulezyalezya.

Masamu 86:15

Nga lelo pano we Mwene wakwatisya uluse, nupya wewe Leza wakutemwa wino asisoka zuwa, lyonsi waya nu kutemwa ukwa muntaputuka, nupya wewe wakutailwa lyonsi.

Ezaya 30:18

Nanti cingaya vivyo, lelo kwene nemo ne Yawe namamulolelanga pakuti namukwatila uluse. Nkalondesya ukumukwatila uluse, pano nemo lyonsi nkacita ivilondoloke. Ala asyuke ayayo yano yataila muli Yawe.

Umbwilo 2:21

Namupeela kasita kuti azenzuke, lelo wene asyalonda kufuma ku ulongozyo wakwe.

2 Petulo 3:15

Mutailila ukuti Leza wateka mwenzo pano wene akalonda kuti antu yatuulwe. Cikwene acino Paulo, cuza witu mukundwe wavwanzile lino wamulembile kulingana na mano yano Leza wamupile.

1 Timoti 1:16

Lelo Leza wali na mizu kunondi pakuti Klistu Yesu alange kuteeka mwenzo kunondi ne kaifya uwaluta onsi, nupya ciye icilangililo kuli yao onsi, yano alataila munoli nu kupokelela umi wape.

Ayebulai 10:37

Pano, cili ndi vino calembwa mu malembelo cati, “Kwasyala kasita kanono sile, na wino akwiza wasya aiize, wene atalalengela.

Kufuma 34:6

Apita ku nkolelo yakwe Mose nga apunda ati, “Nene Yawe, Yawe, Leza wa luse na mizu, asisoka zuwa, uwazula nu kutemwa kwa manda pe, uwatailwa na antu yakwe.

Loma 9:22

Na Leza kwene avino waya. Akalonda kuti alange ukali wakwe nu kulanga maka yakwe kuli yao angaloviwa. Lelo mu cifulo cakwe cii Leza akayatekela mwenzo.

Ezaya 46:13

Ala mwandini uwanda wakucimvya natimbupalamika. Pasikulengela foo. Nemo nsikusumba akasita foo, Apakupususya antu yane. Nemo nasya mpususye Yelusalemu, incindamike na ina Izlaeli aya mwenemo.”

Kufuma 18:23

Wemo ndi wacita vyonsi vii wakwe vino Leza watapela ilamulo, usiitonta nupya antu yonsi yaa yamaswilila kumwao ala imilandu yatisila.”

1 Petulo 3:20

Ii yali mipasi yakwe yao atayelanga Leza mu manda yano Nowa wapanganga cange. Lelo Leza waitekelile. Antu yanono sile kulingana na cinani, yano ali mu cange, alio yatuuzilwe ku manzi.

Kufuma 32:32

Lelo ndakai napapata uyelele iifyo lyao. Napapata ndi wakana ukuyelela, lyene ufute izina lyane mu lupapulo luno walembamo mazina ya antu yako.”

Kufuma 33:11

Avino Yawe wavwanganga na Mose manso na manso wakwe vino umuntu wensi akavwanga na cuza wakwe. Lyene pacisila cakwe vii Mose aswilila ku nsakwe kuno walafumile. Lelo mulumendo umwi, zina lyakwe Yoswa umwana umonsi wakwe Nuni, wino wali kaazwa wakwe Mose asyala mwi Taalu.

Masamu 77:8

Uzye lyene wata ukutemwa? Uzye lyene ulayo wakwe utaciomba?

Kasambilizya 8:11

Uzye pacani cino antu yakatalila imilandu uku mufulo? Aeci yakapingula ya milandu yasipingula zuwa.

Ezekelo 33:11

Yanene ukuti kasili nalapa ne Yawe umumi, ala nemo cisinzanzya apakulola kuno umuntu umwipe akufwa. Nemo natemwa ukulola kuno umuntu mwipe wazenzuka, apakuti aikala uwa umi. Caleka mwemo mwe ina Izlaeli tiini imisango inu iipe, muitelele. Kuno icani cino mungalondela ukufwa?

Danieli 4:29

Papisile sile imyezi ikumi na iili, nga lino umwene akulyatokela apipaala li sano lyakwe mu Babiloni,

Loma 13:11

Mulinzile kucita cii, pano mwati mumanya vino kasita kati kafika kakuti muzyuke mu tulo. Pano uwanda lino tulatuulwa wati upalama kuluta lino twatandike kutaila.

Loma 13:12

Usiku uli pipi nu kusila, nu wanda uli pipi nu kuca. Caleka tute kucita milimo yamu mfinzi, tuzwale vya kulwila mu luswepo.

2 Petulo 1:4

Mu musango uu, wene watupeela upolelelo ukulu cuze uwamutengo ukome, uno walavile. Wene wacisile cii pakuti mutuulwe ku mbunu zyamu nsi zino zikaonona, nga lyene mukumeko ku mwata wakwe Leza.