2 Petulo 3:16 - Amazwi Yakwe Leza 2013

¹⁶ Vii avino akulanda mu makalata yakwe yonsi lino walemba pa vintu vii. Mu makalata yakwe mwaya vintu vimwi vitale kuvwa vino antu atutu nupya atatekela yakapililika. Vikwene avino yakapililika ni vyamu malembelo yauze.

2 Petulo 3:16 交叉參考

Mateo 15:6

Mu nzila ii mukalenga antu kusula masunde yakwe Leza pamulandu wa ntambi zinu.

Ayebulai 5:11

Tukweti vintu vingi ivya kulanda pamulandu uu. Lelo cili citale cuze kulondolola kunomuli pano musyauvwa zuwa.

2 Petulo 2:14

Yene yakaelenganya sile kulongozya. Imbunu yao yakwifya itakwata impela. Yene yakasomba antu mu citeyo cao. Myenzo yao yasambilila kuya nu lwiswa nupya yali ni citipu cakwe Leza.

Filipi 3:19

ukuti antu yaa yalasumbwa kuzimo! Yene yakapepa inda zyao nu kuitumika pa vintu vino yalinzile ukuuvwa insonyi. Yene yakaelenganya sile pa vintu vya muno nsi.

Yelemiya 23:36

Lelo mutakezye ukulanda nupya muti, ‘Icisendo cakwe Yawe,’ pamulandu wakuti ndi umwi alacita cico, ale lyene mucumi ndalenga ukuti ciye icisendo kunoli. Antu yavulunganya amazwi yakwe Leza waumi, Yawe Wamaka yonsi, Leza witu.

1 Petulo 2:8

Nupya cili ndi vino malembelo yauze yakati, “Lii, lili iwe ililalenga kuti antu yapumike nu kupona.” Yene yaipumileko pano yatataile mu mazwi ya Mwene. Cii cali ukulonda kwakwe Leza kunoyali.

Mateo 22:29

Yesu nawe aasuka ati, “Mwaponga, pano mutamanya malembelo, nanti maka yakwe Leza.

Habakuku 1:4

Caleka amasunde yatacikweti amaka, nu ulungami utakweti incito awe. Antu aipe yakafyenga antu asuma, caleka ulungami wavulunganyiziwa.

Masamu 56:5

Nemo yakancuzya sile muli vyonsi vino nkacita umusanya onsi. Cila nsita yakaelenganya sile apakumfyengelekezya?

Yuda 1:4

Pano antu yamwi yakaifya, yasokelela munotuli ukwaula kumanyika. Nupya yakasenula ilandwe lya pa cikuku cakwe Leza witu pakuti yaipele insambu pa miyele yao ya winyi. Yene yakana Yesu Klistu, Musambazi nupya Mwene witu wenga sile. Antu yaa yalavunukwa ndi vino calembwa mpiti mu malembelo.

2 Petulo 2:1

Ku mpiti kwalolike yakasema yaufi pakasi ka ina Izlaeli. Mu musango uli onga kwene yakasambilizya yaufi yalaloleka munomuli. Mu nkama yene yalaleta usambilizyo uwakonona nupya usi wa cumi. Yene yalakana musambazi wino wayakulwile. Acino yalailetelela kononwa mukupumikizya.

Mateo 15:3

Yesu aasuka ati, “Uzye pacani cino mwemo pakwemelela ku ntambi zinu musyayela masunde yakwe Leza?

1 Petulo 1:1

Kalata kufuma kuli ne Petulo mutumwa wakwe Klistu Yesu. Nkulembela antu asololwe yakwe Leza, yano asalangana wa mbutusi mu miputule yonsi yamu Ponto, Galatiya, Kapadokiya, Asiya, nga nu mu Bitiniya.

1 Yamwene 10:1

Lino namwene waku Syeba uvwa ululumbi lwakwe Solomoni pa kuya mu utandano na Yawe, aiza ku Yelusalemu ku kumwezya na mauzyo akome.

Malango 16:19

Yene yasi nu kuya nu lufyengo nanti akasoozi pa kupingula. Nupya yatalinzile ukutoola amafukakanwa, pano amafukakanwa yakapafuzya antu ya mano na acumi kwene, nu kuleka kuti yatapingula ningo.

Kufuma 23:6

“Ndi wenga uwamu antu yako mupina watala mulandu, mumupingwile mulandu kwaula kasoozi.

Kufuma 23:2

Utawila kuli cele wensi lino yakucita iviipe. Utazumilizyanya nayo lino yakuvwanga umboni waufi uno ukaonona ulungami pakuti uzanzye aingi.

Utandiko 49:4

Uli wa luzi lwa mukuku, lelo utalacindama ukuluta anyonko. Pamulandu wakuti walongwizye nu muci wane namuze nga nu kusaalula musanzi wakwe so.

2 Petulo 3:2

Nkulonda kuti mwiusye mazwi yano yakasema amuzilo yavwanzile ku mpiti, nga ni sunde kufuma ku Mwene nupya Katuula witu, lino atumwa yamupile.

2 Petulo 3:14

Acino, mwe yacuza, lino mucili mukulolela, mulinzile kusininkizya ukuti Mwene akamuzane akaele, aula maifyo, nu kwikala mutende pakasi kinu na Leza.