2 Petulo 1:18 - Amazwi Yakwe Leza 2013

¹⁸ Sweisikulu tuvwile izwi lii kufuma mwiyulu, lino twali pamwi na aliwe pa mwamba wamuzilo.

2 Petulo 1:18 交叉參考

Mateo 17:6

Lino alondezi yuvwile izwi, yuvwa intete cuze cakuti yapona pansi yafupime.

Yoswa 5:15

Nga musika mukalamba uwa vita vyakwe Yawe amunena ati, “Zula ndyatu zyako, pamulandu wakuti cifulo cino uimililepo icamuzilo.” Yoswa nawe acita vivyo kwene.

Kufuma 3:5

Lyene Leza avwanga ati, “Utapalama pipi nupya zula ndyatu zyako, pamulandu wakuti cifulo cino uwimililepo icamuzilo.

Zakaliya 8:3

Yawe Wamaka yonsi wavwanga wati, “Ndawela ku Zioni nu kwikala mu Yelusalemu. Lyene umusumba wa Yelusalemu ulaamwa ukuti Umusumba wa Cumi, nga nu mwamba wane ne Yawe Wamaka yonsi ulaamwa ukuti Mwamba Wamuzilo.”

Ezaya 11:9

Apa Mwamba wamuzilo patalaya nupya ivya uluku uluku, nanti ivya ononyi, apamulandu wakuti impanga ilazuula mwenemo amano akumanya Yawe, ndi vino yemba wazula mwenemo amanzi.

Kufuma 3:1

Uwanda umwi lino Mose wacemanga imfwele ni mbuzi zyakwe Yetulo, sivyala wino wali a simapepo waku Midyani, azitungulula nu kusalala mu lwanga mpaka afika ku mwamba wakwe Leza, uwa Holebu.

Ezaya 56:7

Ala anene ne Yawe nkumunena nati ndamuleta ku mwamba wane wamuzilo, mwamba wa Zioni. Ndamusansamusya mu ng'anda yane, ndapokelela impolelwa zinu zyakoca nga nazyuze zino mulaatula pa kavuwa kane. Pano ng'anda yane ali ino ilaamwa ukuti ing'anda yakupepelamo antu amitundu yonsi pyu.