2 Petulo 1:10 - Amazwi Yakwe Leza 2013

¹⁰ Caleka, inane ezyini na maka kucita consi icingalanga ukuti Leza wamwama nupya wamusolola. Ndi mwatwalilila kucita cii, ale lyene mutalatala mupone mu utailo winu.

2 Petulo 1:10 交叉參考

2 Petulo 3:17

Lelo mwemo yacuza, mumanyile cii mpiti. Cenjelini, kuti kuluvyanya kwakwe yakaifya kutamutungulula kuti mupone mu utailo.

Ayebulai 6:11

Kulondesya kwitu kukulu ukwakuti cila muntu munomuli alinzile atwalilile kucita visuma kufika nu ku mpelelekezyo, kuti vino mukapaalila vikafikiliziwe.

Masamu 121:3

Atalaleka ulwazo lwako lusyetuke, wiyo aakakulinda atalatala asipule foo.

Mika 7:8

Mwe anisi yitu mutatuseka. Nanti angala twatitupona, lelo tumakatuka. Nanti angala twatitwikala mu mfinzi, Yawe ali luswepo lwitu.

Masamu 112:6

Umuntu musuma wene kusi icilamuponya pansi, nupya atalatala aililikwe foo.

2 Petulo 1:5

Pamulandu kwene uu, ezyini kucita consi na maka inu kuti mungilizye usuma ku utailo. Ku usuma winu ungilizyini kumanya.

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”

Masamu 62:2

Wenga sile, aliwe akampokolola, nupya ali cilwala wane nu ufyusi wane. Ali muno nkazina, fwandi nemo, ntalatala intelengane.

Umbwilo 22:14

Alongo ayao yano yakafula mingila yao nu kuiswefya, pakuti yaye ni nsambu ya kulya vizao kufuma ku muti uno ukapeela umi nga nu kwingila pa mpongolo zya musumba ukulu.

1 Petulo 1:5

Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.

1 Petulo 1:2

Mwemo Leza Tata wamusolwile kuti muye antu yakwe, nga nu Mupasi wakwe wamucita kuya amuzilo kuti mwayela Yesu Klistu na kuti mwaswefiwa nu wazi wakwe. Leza aye ni cikuku kunomuli, nupya amupeele mutende uvule cuze.

Ezaya 56:2

Nemo namapolelelanga antu yano yakacindika pee uwanda wi Sabata, ukwaula ukucita vyaindwa pa wanda uo. Namapolelelanga antu yano yasicita iviipe nanti vimwi.”

Masamu 62:6

Wenga mpo, ali ciliwe cane nu ufyusi wane. Ali muno nkazina, intalatala ntelengane.

Masamu 37:24

Ndi wapona asisyala alambalile, pano Yawe aliwe akamulemelela, akatuka.

Ayebulai 6:19

Twakwata upaalilo uu uno ukoline wa nanga pa kutungilila umi witu. Wene wasungwa ningo nupya uwa cumi, nupya ukapuzya mu nsalu yakucingilikizya mu Ng'anda ikulu yakwe Leza mwiyulu, wingila mukasi mu ncende yamuzilo.

Masamu 15:5

Wiyo asilonda ukukwilila umu mpiya zino wakongwesya. Wiyo asipokelela amafukakanwa pakuti yafyenge uwakaele. Muntu wino akacita ivintu vii, pasi icintu nanti conga icingamuponya.

Mateo 22:14

“Pano aamwa aingi lelo asololwa anono.”

Loma 11:29

Pano Leza asyasenuka pali wino wasolola nu kupolelela.

Yakobo 2:10

Wino wensi uwakana kuyela isunde lyonga wene ali nu mulandu uwa kuntayela masunde yonsi.

2 Petulo 1:3

Leza mu maka yakwe watupeela vyonsi vikalondekwa kuti mucumi twikale umi uwa kupepa. Cii cacitika apa kumanya kuno twamanya wiyo uwatwama kuti tukume ku lulumbi nga nu ku usuma wakwe.

2 Petulo 3:14

Acino, mwe yacuza, lino mucili mukulolela, mulinzile kusininkizya ukuti Mwene akamuzane akaele, aula maifyo, nu kwikala mutende pakasi kinu na Leza.

Yuda 1:24

Kuli Leza wiyo angamucingilila kukuponela mu maifyo, wene angamulenga kwimilila panoli mu lulumbi lwakwe aulwa umulandu nupya aluzango.

Yoswa 7:3

Lino yawela kuli Yoswa, iyamunena yati, “Nanti tutaile swensi kweneko cisi nu mulandu. Tuma sile antu amazimbi yaili nanti yatatu akuti yakapoke impanga ilya. Utatuma ivita vyonsi pasi pano aikazi amu Ai yatavula.”