2 Kolinto 8:1 - Amazwi Yakwe Leza 2013

¹ Inane tukulonda kuti mumanye vino Leza walanga cikuku ku mauvi amu Makedoniya.

2 Kolinto 8:1 交叉參考

Kolose 1:29

Pakuti cii cicitwe nemo nkuomba nu kulwisya, ala nkuomvya maka yano Klistu akampeela, nupya yano yakuomba munondi.

1 Tesalonika 4:10

Endi, mwemo mwati mulanga mpiti kutemwa ku ina itu yonsi amu Makedoniya. Caleka, ina itu, tukumupapata kuti mucite cii nu kuluta.

1 Kolinto 15:10

Lelo ku cikuku cakwe, Leza wancita kuya vino ndi, ni cikuku cakwe citali caula milimo kunondi kuluta atumwa yauze, nanti angala asi anene naombanga, lelo maka yakwe Leza akankomelezya.

Milimo 16:9

Mu usiku kwene ulya Paulo waweni cilolwa muno waweni umwina Makedoniya ala aimi akumupapatila ati, “Lamba wize ku Makedoniya utwazwe.”

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

2 Kolinto 9:2

Manyile vino mukulondesya kupeela. Acino nemo namaitumika ku alondezi ya Mwene amu Makedoniya kuti mwe antu amu Akaya mwaiteinye kufuma mwacizo. Ndakai kulondesya kwinu kwa kupeela kwalenga kuti nao kwene yalondesye kupeela.

Loma 15:26

Pano mauvi aku Makedoniya nu ku Akaya mukuitemelwa yasola ukusangula uwila wakwazwa antu yakwe Leza, apina amu Yelusalemu.

Milimo 11:23

Lino wafisile nu kulola vino Leza wapolelile antu, aya nu luzango nga ayanena yonsi kuti mu myenzo yao yatwalilile mu utailo ni cumi ku Mwene.

2 Kolinto 11:9

Pa nsita ino nali pamwi namwe nemo ntamuletile masakamiko akungazwa lino nalondanga mpiya. Aina itu yano afumile ku Makedoniya yaletanga vyonsi vino nulilwanga. Ndi vino cali mpiti nga nu mu manda akwiza, nemo ntalatala nje wa cisendo kuno muli!

2 Kolinto 9:12

Pano kutumikila kwinu kuu kusyaazwa sile antu yakwe Leza, lelo kukalenga kuti antu aingi yataizye Leza.

2 Kolinto 9:4

Pano antu yamwi aku Makedoniya ndi yangiza pamwi nani, nu kuzana ukuti musi aiteyanye. Cii cingatulenga insonyi pano twamupile mulimo uu kuti muombe. Lelo mwemo cingamulenga insonyi kuluta.

Milimo 24:17

“Pacisila ca myaka ingi pano nafumile ku Yelusalemu, nupya naile kweneko kuti ntwalile antu amu luko lwane uwila uno yantumilizye nga na kuti nkapele impolelwa.

Mateo 25:22

“Alino muomvi wino waposile impiya mazimbi yaili nawe kwene aiiza ku mwene wakwe, amunena ati, ‘Mwene, wampile impiya mazimbi yaili. Lola vino nati nzanilapo nazyuze mazimbi yaili.’