2 Kolinto 10:1 - Amazwi Yakwe Leza 2013

¹ Ne Paulo, nkumupapata, ne muno antu yakati nene cantete lino ndi namwe, lelo mupame lino nsi namwe. Kupitila mu ufuke nga nu luse lwakwe Klistu nkumupapata

2 Kolinto 10:1 交叉參考

2 Kolinto 10:10

Yamwi muno muli yakuti, “Makalata yakwe Paulo yaya na mazwi akome nupya a maka. Lelo lino ali pamwi naswe, pa manso itu, wene umutonte, nupya mazwi yakwe yasyasenula cimwi.”

Mateo 11:29

Zwalini ikoli lyane, musambilile kunondi, pano nene wa mutembo, nupya nkaicefya mu mwenzo, nga mumazana upuzo mu myenzo inu.

Galatiya 5:2

Uvwini! Nene, ne Paulo, nkumunena ukuti ndi mwazumilizya kuti musilamulwe, ale cikusenula vino Klistu asi nu mulimo kunomuli.

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

2 Kolinto 11:30

Ndi ningaitumika, ndinzile kuitumika pa vintu vino vikalanga utonte wane.

1 Kolinto 2:3

Caleka lino nizile kunomuli, nali mutonte nu kuzakaza pamulandu wa ntete.

Umbwilo 1:9

Nene Yoane mwina winu, nupya mulondezi wakwe Yesu. Nkakuma pamwi namwe mu wene wakwe Leza nu kuposya mu macuzi. Nemo nasumvilwe pa cilila ca Patimosi pamulandu wa kukosola mazwi yakwe Leza nga ni cumi cino Yesu waumbwile.

1 Petulo 2:11

Mwe yacuza yane, mwemwe enyi nupya mbutusi muno nsi. Acino nkumupapata kuti mutalondela nsuna zya mili, zino lyonsi zikalwisyanya nu mupasi winu.

Filimoni 1:9

Lelo pamulandu wakuti nakutemwa, nkukulenga kuti ucite cino ulinzile kucita. Nemo nkucita cii nanti angala nene Paulo, inkombe yakwe Klistu, nga ndakai nene munyepwe pamulandu wa kutumikila Klistu Yesu.

2 Tesalonika 3:17

Ne Paulo, nalemba kalata wi ni kasa lyane uwa kumulamuka. Vii avino nkalemba lyonsi.

Efeso 4:1

Caleka nemo, ne munyepwe pamulandu wa kutumikila Umwene, nkumupapata kuti wikazi nu umi winu viye kulingana nu mwata wa lwamo luno mwamilwe.

Galatiya 4:13

Wakwe vino mumanyile lino natandike kukosola Ilandwe Lisuma kunomuli nali nene mulwale.

2 Kolinto 12:5

Namaitumika pamulandu wa muntu wiya, lelo pasi pamulandu wane nemwisikulu, suka sile pamulandu wa vintu vino vikalanga utonte wane.

2 Kolinto 11:21

Ndi ni nsonyi pa kuzumila kuti swemo twali atonte pa kucita vintu vivyo. Lelo ndi yangaitumika, ale nani kwene ningacita, lelo kucita cico kuli kutumpa kwene.

2 Kolinto 10:7

Elenganyini ningo pa vintu vikuloleka paswe. Uzye kuku kungaya umwi wino waitaila ukuti wene uwakwe Klistu? Ndi avino cili, lekini wene aelenganye nupya pali aliwe umwisikulu, pano sweswe yakwe Klistu wakwe vino nawe kwene ali.

2 Kolinto 10:2

kuti mutace mumpatikizye kuya na kasokonda kuno muli lino ndiza. Pano nati nsininkizya ukuti ningaya na kasokonda kuli yao akati swemo tukacita vintu mu mapange ndi muno amu nsi yakacitila.

2 Kolinto 7:4

Mwemo namutaila cuze. Lyonsi nkaya ni cilumba pamulandu winu, nga nupya nkakomeleka cuze. Mu ntazi zyane zyonsi nemo ncili nu luzango.

2 Kolinto 6:1

Mu kuomba pamwi na Leza, lyene tukumupapata kuti mwapokelela cikuku cakwe Leza, mutaleka cikuku ciye caula mulimo.

2 Kolinto 5:20

Twatumilwe kuya nkombe zyakwe Klistu, Leza umwisikulu akumupapata kuti mupange mutende pakasi kinu na aliwe.

2 Kolinto 3:12

Pamulandu wakuya nu upaalilo uu, twati tupama cuze.

1 Kolinto 4:10

Pamulandu wakwe Klistu antu yakutulola wa viwelewele. Lelo mwemwe yamano muli Klistu! Swemo sweswe atonte, lelo mwemo mwemwe yakomeleke! Swemo twasulwa, lelo mwemo mwacindikwa.

Loma 15:15

Lelo muli kalata wii napama pa kulemba pa milandu imwi ino nati imwiusya. Napama pamulandu wi syuko lino Leza wampela,

Loma 10:20

Nupya Ezaya wavwanzile nu kupama lino wavwanzile ukuti, Leza wavwanzile ati, “Nazanyilwe na antu yano atandonzile. Nalolike ku antu yano atamvulanga.”

Milimo 8:32

Iciputulwa ca malembelo pano wawelenganga cikati, “Wakoline wa mfwele iyasenzilwe ku kukomwa, wa kana ka mfwele akasiikavya lino yakukasenya amavumbu. Avino atamamwile mulomo.

Mateo 21:5

“Nenini antu amu musumba wa Zioni muti, ‘Lolini, Mwene winu akwiza kunomuli! Wene umufuke, nupya akwezile pali punda. Wene akwiza nupya akwezile pali mwana punda.’ ”

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Masamu 45:4

We mucindami, kalauka kacimvye, pano swemo tukulonda sile ulongo nu kulungika! Amaka yako yamaleka kuti ukacimvye!

1 Kolinto 4:21

Uzye icani cino mukulonda nkacite lino ndiza? Uzye mukulonda nkize nkamufulule nanti nkize nu mwenzo wa kutemwa nu ufuke?

Efeso 3:1

Caleka ne Paulo, munyepwe pamulandu wa kutumikila Klistu Yesu nkumupepela kuli Leza mwe Akulukuwa.

Filipi 4:5

Mwalanga kuteka mwenzo ku antu onsi. Mwene akwiza zuwa.

Kolose 1:23

Mulinzile kutwalilila kuya acumi nupya akomeleke cuze mu utailo winu. Mutalinzile kuta upaalilo uno mwapokelile lino muvwile Ilandwe Lisuma. Lyene lyakosozilwe ku antu yonsi pano nsi, nga nani nemwisikulu nene muomvi wi Ilandwe kwene lii.

Filimoni 1:19

Nene nalemba kwi kasa lyane nemwisikulu ukuti ne Paulo ndakulipa (lelo utailila ukuti umi wako inkongole kunondi).