2 Kolinto 1:4 - Amazwi Yakwe Leza 2013

⁴ Wene akatwazwa mu ntazi zitu zyonsi, pakuti naswe tungaya na maka akwazwa antu yauze yano akweti intazi zya misango yonsi, tula tukuomvya kutekeziwa kuli kumwi kuno twapokelela kufuma kuli Leza.

2 Kolinto 1:4 交叉參考

1 Tesalonika 5:11

Acino mwakomelezyanya nu kwazwana, wakwe vino ndakai mukucita.

Ezaya 51:12

Yawe nupya wavwanga wati, “Kapela wa maka kuno muli anene. Nga fwandi nupya ungaoopa uli umuntu umwina kufwa, wino waviilwe uku muntu? Wiyo alafoota sile nu kuuma wi sote?

Ezaya 40:1

“Tekezyini antu yane imyenzo. Si angala muyatekezye! Avino Yawe walanda.

Masamu 32:7

Awewe uli cele lyane, awewe ukancingilila umu ntazi. Nemo awewe nkaimbila inyimbo zya ufyusi, pano ukancingilila.

Ayebulai 12:12

Acino mukomye makasa inu atonte nupya mutaleka makokola inu yazakaza!

Yoane 14:18

“Ntalamusya mwenga wa ana asyale, lelo ndawela kunomuli.

Yoane 14:16

Nani ndapepa kuli Tata, nawe alamupeela kaazwa muze, kuti aikale namwe manda pe.

Ezaya 12:1

Mu wanda ulya antu yalimbila ulwimbo luu, yati, “Nakutaizya we Yawe! Wansokile, lelo icipyu cako caticisila. Watumyalalika umwenzo wane.

Yoane 14:26

Lelo kaazwa, Mupasi Wamuzilo, wino Tata alatuma mwi zina lyane, wene alamusambilizya vintu vyonsi nu kumwiusya vyonsi vino namunena.

Ezaya 52:9

Pundini capamwi ni nsansa, mwe vitalang'anda vyamu Yelusalemu, pano lyene Yawe watamyalalika antu yakwe yano yakukuulula Yelusalemu.

Masamu 32:5

Ali vino nasuka nakulongwela amaifyo yane, ukwaula ukukufisa nanti lyonga. Navwanga nati, “Kanje kuli Yawe nkailongwele amaifyo yane,” nawe fwandi ali pa kunjela uluse uku viipe vyane vyonsi.

1 Tesalonika 4:18

Caleka, lyene mwakomelezyanya mu mazwi yaa.

2 Kolinto 7:13

Acino naswe twakomeleziwe cuze. Nu kuluta pa kukomeleziwa, catuzanzizye cuze pakulola vino Tito wali nu luzango pano mwensi mwamupile nsansa lino wali namwe.

Ezaya 51:3

“Icumi cumi nemo nkatezela umusumba wa Zioni. Indatezela nu muntu ali wensi wino wikala umu vitalang'anda vya uko. Nanti angala impanga yao yononeka, nemo ndaisangula wa mpanga ino nacisile umu Edeni. Mulaya sile ukuzanga wakwe cimwi nga nu kwimba inyimbo zya kundumbanya nu kuntaizya.

Masamu 86:17

Ndangilile icakusininkizizya usuma wako we Yawe, Uleke insonyi zileme yao ampata. Yamanye nu kuti awewe sile ukangazwa nu kunsansamusya.

Masamu 66:16

Mwe! Mwemwe mwensi mwe muno mwakwatila Leza icoopo, ndanji muvwe, namamunena vino Leza wancitila.

Ezaya 49:10

Yatalatala yuvwe inzala nanti ulusala nupya, nanti ukucula nupya ku cipuki na kasanya. Pano wiyo wino akayatezela alayatungulula ku tufukoka twa manzi.

Filipi 1:14

Nupya cii cati cilenga kuti aina itu aingi yakule mu utailo yakosola ilandwe insita zyonsi kwaula intete.

2 Kolinto 7:4

Mwemo namutaila cuze. Lyonsi nkaya ni cilumba pamulandu winu, nga nupya nkakomeleka cuze. Mu ntazi zyane zyonsi nemo ncili nu luzango.