2 Kolinto 1:3 - Amazwi Yakwe Leza 2013

³ Lekini tutaizye Leza nupya Isi wakwe Yesu Klistu Mwene witu. Wene a Tata wa luse, Leza ali ntulo ya kutekeziwa konsi!

2 Kolinto 1:3 交叉參考

1 Petulo 1:3

Lekini tutaizye Leza Isi wa Mwene witu Yesu Klistu! Wene watupeela umi upya pamulandu wa mizu yakwe akulu cuze. Wene wacisile cii lino walenzile kuti Yesu azyukuke kufuma ku afwe. Wene watupeela umi upya nga nu upaalilo uno usyasila.

Efeso 1:3

Lekini tutaizye Leza nupya Isi wa Mwene witu Yesu Klistu! Pano muli Klistu amuno wene watupolelela pa kutupela upolelelo onsi uwa mupasi kufuma mwiyulu.

Mika 7:18

Uzye a Leza cii akoline nawe, wino angelela amaifyo, nu kwelela amaifyo ya antu yakwe asyala? Wemo usisoka mpaka umuyayaya, lelo ukaya nu kutemwa kwa muntaputuka.

Masamu 86:5

We Yawe, wemo wewe musuma, nupya ukayelela uluse, wakwatisya nu luse kuli yonsi akakupepa.

Filipi 2:11

Vyonsi vilazumilizya paswe ukuti Yesu Klistu Umwene, alino vilalumbanya Leza Tata.

Efeso 1:17

nu kuuzya Leza wa Mwene witu Yesu Klistu, Tata uwa lulumbi, kuti amupeele Mupasi Wamuzilo. Wiyo alalenga kuti mwemo muye na mano nupya alasokolola Leza kunomuli, pakuti namwe mungamumanyikisya.

2 Yoane 1:9

Muntu asyakulondela usambilizyo wakwe Klistu, nda kapuzya mwenemo wene asi na Leza. Wino wensi akayela usambilizyo wakwe wene ali na Tata nu Mwana kwene.

Danieli 9:9

Wemo waya na mizu nupya ukatwelela uluse, nanti angala twakusangukila.

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Masamu 86:15

Nga lelo pano we Mwene wakwatisya uluse, nupya wewe Leza wakutemwa wino asisoka zuwa, lyonsi waya nu kutemwa ukwa muntaputuka, nupya wewe wakutailwa lyonsi.

2 Kolinto 11:31

Leza Isi wa Mwene witu Yesu, alumbanyiwe manda pe. Nupya wene amanyile ukuti nsyakutumpoka!

Masamu 72:19

Mwamulumbanya pee pano wacindamisya nu ucindami wakwe, kawalukulimba impanga yonsi! Endita kaciye vivyo kwene! Endita kaciye vivyo kwene!

Masamu 18:46

Yawe umumi. Lumbanyini Ciliwe cane! Landini ukulu wakwe Leza wino akantuula.

Neemiya 9:5

Alino aina Levi yaa, Yesyua, Kadimiyeli, Bani, Hasyabineya, Syelebiya, Hodiya, Syebaniya na Petaya iyavwanga iyati, “Katukini nu kulumbanya Yawe Leza winu. Mulumbanyini amanda pe! Kalicindikwe izina lyakwe lyamuzilo, nanti angala kusi umuntu angaulumbanya icifumaluke.”

2 Yoane 1:4

Nali nu luzango cuze pa kuzana ukuti ana yako yamwi yakayela nu kulondela cumi wakwe vino Tata watupeela ilamulo.

Yoane 10:30

Nemo na Tata twaya wenga.”

Utandiko 14:20

Leza wapapelapela uwakupezile ukucimvya pa anisi yako alumbanyiwe.” Lyene Abulamu apeela Mekisedeki icikumi ca muli vyonsi vino wapokolwile.

Yoane 20:17

Yesu amunena ati, “Utandemamo pano ntali nkwele inje kuli Tata. Lelo yanga ku inane ukayanene vino nkukwela inje kuli Tata, ali So, Leza wane nupya Leza winu.”

Yobo 1:21

Alino avwanga ati, “Owe Mwe! Navilwe ukwaula nanti cimwi, nga nupya indafwa ukwaula nanti cimwi. Yawe aliwe wampile, nupya Yawe aliwe wapoka. Si Yawe sile wenga awino acindikwe!”

1 Milandu 29:10

Davidi alumbanya Yawe apa manso ya antu yonsi akongine. Avwanga ati, “We Yawe Leza wakwe Izlaeli icikolwe citu, si antu yakulumbanye umuyayaya.

Masamu 68:35

Iye mwe! Icumi we Leza walinga ukukukwatila icoopo umwi sano lyako ilyamuzilo. Icacumi Leza wa ina Izlaeli, akapeela amaka nu kukomya antu yakwe! Endita! Kulumbwe we Leza!

Ezaya 66:13

Nemo ndamumyalalika mu Yelusalemu, ndi vino nacivyazi akamyalalika umwana wakwe.

2 Kolinto 7:6

Lelo Leza akakomelezya antu atonte myenzo nupya watukomelizye lino watumile Tito kuno tuli.

Kolose 1:3

Lyonsi lino tukamupepela, swemo tukataizya Leza Isi wa Mwene witu Yesu Klistu.