3 Muntu ali wensi wino asizumila Yesu Klistu ala wene atakwata Mupasi kufuma kuli Leza. Mupasi uno wakwata wene wafuma ku mwanisi wakwe Klistu. Muvwile ukuti wene uliza, nga nu kwiza wiza mpiti nupya uli muno nsi.
Uzye lyene aweni uwa ntumpu? Uwa ntumpu umuntu ali wensi wino akati Yesu asi Katuula uwalavilwe. Uwakana Tata nu Mwana, wene ali mwanisi wakwe Klistu.
Asomvi aingi yasalangana konsi mu nsi. Yene yasyazumila ukuti Yesu Klistu wizile avyalwa wa muntu. Muntu uwaya vivyo wene umusomvi nupya umwanisi wakwe Klistu.
Mwe ana yane impela ili pipi! Mwanenyilwe ukuti mwanisi wakwe Klistu aliza. Ndakai anisi aingi yakwe Klistu yaloleka mpiti. Acino twati tumanya vino impela ili pipi.
Pano antu aingi yalizila mwi zina lyane nu kuti, ‘Nene ndi Katuula uwalavilwe!’ Yene yalaponzya antu aingi.
