1 Timoti 6:4 - Amazwi Yakwe Leza 2013

⁴ ale wene ali ni cilumba nupya atamanyile ningo cintu nanti cimwi. Umuvulungane mano nupya wene akalonda kupazyanya nu kulemanila pa mazwi. Cii cikaleta uzuwa, vikanza, intusi, kutunganya kwipe,

1 Timoti 6:4 交叉參考

2 Timoti 2:23

Lelo wemo fumako ku vikanza vyauwelewele nupya vyaututu. Wamanya ukuti vikanza kwene vii vikaleta kulemanila.

2 Timoti 3:4

Yalaya asomvi, azakantike nupya yalaya na mataki. Yene yalatemwa vyakuizanzya kuluta kutemwa Leza.

1 Timoti 3:6

Wene alinzile kuya umuntu uwalengela mu utailo, pakuti ataitumika aye ni cilumba nu kuvunukwa ndi vino cacitikile Ciwa.

Yuda 1:10

Lelo antu yaa, yakapontela cintu consi cino yatiiluka. Ndi vino inyama zya mpanga zyaya, vintu vino yamanya mu civyalilwa vyaya ivintu vilayonona.

2 Petulo 2:12

Lelo antu yaa yakoline wa nyama, viumbwa vizenzembe, zino zikalemwa nu kukomwa. Yene yakalanda vintu viipe pa vintu vino yatamanyile. Yene yalononwa wa nyama,

2 Timoti 2:14

Iusya antu yako cintu cii, nga nu kuyasoka pa manso yakwe Leza, kuti yataya ni vikanza. Vikanza visyacita cisuma nanti cimwi, lelo vyene vikaonona sile antu yano yakuvwako.

Yuda 1:16

Antu yaa, yakailizyanya lyonsi nu kutwika auze milandu. Yene yakalondela vya lunkumbwa vyao viipe. Yakaitutumula nga nu kucindika auze mwi syente kuti yazanilemo muzano.

2 Petulo 2:18

Yene yakavwanga mazwi ya cilumba nupya akutumpa. Mu mbunu zyao yene yakasomba antu yano afyuka sile pakasi ka antu aipe.

1 Timoti 1:7

Yene yakalonda kuya yakasambilizya ya Masunde yakwe Leza, lelo yatamanya vino yakalandapo nanti cumi pano iimilila.

1 Timoti 1:4

Uyanene kuti yate kulanda vilai ni mitande itali ya mazina ya vikolwe, vivyo vikaleta sile vikanza. Vii visyaazwa kuomba mulimo wakwe Leza, uno ukaombwa mu utailo.

Yakobo 1:19

Mwe inane yakundwe, iusyini cii! Muntu wensi alinzile kuuvwa zuwa, lelo atekele kulanda nu kusoka.

Tito 3:9

Lelo funtuka ku vikanza vyakutumpa, nu ku utantiko wa mazina ya vikolwe, kulemanila, nga nu kuntuvwana pali vino Masunde yakwe Mose yakasambilizya.

Milimo 15:2

Lyene Paulo na Banaba yapusana na antu yaa, yaikana ni vikanza cuze pamulandu uu, alino iuvi lipingula kuti Paulo na Banaba nayauze mwi uvi yaye ku Yelusalemu yakalole atumwa na ikolo pamulandu uu.

Umbwilo 3:17

Wemo ukulanda uti, ‘Nene mukama nupya nikala ningo. Ntulilwa cimwi.’ Lelo utamanya vino wewe mucuzi nupya mulanda! Wewe mupina, wemo wewe mpafu nupya uli tupu.

2 Tesalonika 2:4

Wene alaitumika nu kukatukila camuzilo consi nanti cino antu yakati leza. Wene alikala mu Ng'anda ikulu yakwe Leza nu kuitaka vino wene a Leza.

Kolose 2:18

Mutaleka umuntu umwi amucilime ku cilambu. Wene akaitakola pamulandu wakulola vilolwa mu viloto nu kuilanga ukuti umufuke lino akupepa angeli. Antu amusango uu yakailumba pa kwelenganya kwa untunze.

Filipi 2:14

Mwacita vyonsi kwaula kuilizyanya nanti vikanza,

Filipi 2:3

Mutacita cimwi mukuitemwa nanti mu cilumba, lelo muicefye nu kulola auzo ukuya acindame kuluta mwemwe.

Filipi 1:15

Yamwi yakakosola Klistu pamulandu wakuti yakweti uzuwa nu muvimbila, lelo yamwi yakacita cii pa kulonda kwazwa yauze.

Galatiya 6:3

Muntu umwi ndi akwelenganya ukuti mucindamisye kuluta auze, na lino asi vivyo ala wene akuitumpoka.

Galatiya 5:26

Tutalinzile kuitutumula nanti kusosyanya nanti kuzuwilana.

Galatiya 5:15

Lelo ndi micitile inu yaya wa micitile yanyama, kulwisyanya nu kucisana, mucenjele pano limwi mungasila kuyonona.

2 Kolinto 11:20

Mukazumilizya antu kuti yamucite uzya nu kumucenjezya nga nu kwiya kufuma kuno muli. Mukaleka kuti yamusule nga nu kumuma impi pa manso.

1 Kolinto 11:18

Nkolelo, nanenwa ukuti mukweti maumba akucita kupaatukana mu kukongana kwinu. Nupya ninsininkizya ukuti vimwi vino nuvwa ivya cumi.

1 Kolinto 11:16

Lelo ndu muntu ali wensi akulonda kupazyanya pamulandu wakwe cii, ale cino nemo ningalanda cakuti swemo nanti mauvi yakwe Leza tutakweti lutambi luze lwa mipepele.

1 Kolinto 3:18

Muntu nanti umwi ataitumpika. Umwi uwa munomuli ndi akwelenganya vino uwa mano kulingana ni vintu vya muno nsi, nkolelo alinzile aye wa muwelewele, pakuti mucumi aye uwa mano.

1 Kolinto 3:3

pano micitile inu icili wa micitile ya antu amu nsi. Pakasi kinu mukuzuwilana nu kulemanila wenga nu muze. Uzye cii cisyakusininkizya vino mwemwe amu nsi, mukucita vintu kulingana ni miyele ya muno nsi?

Loma 14:1

Mwazengela umuntu wino utailo wakwe usi ukome, lelo mutapazyanya nawe pali vino umwisikulu akaelenganya.

Loma 13:13

Caleka twapita ningo ndi vino antu yakacita musanya. Tutaya mu nsaka zya kuwowota nanti kuya akolesi, nanti kucita vya winyi, nanti ukakasi, nanti lwete, nanti uzuwa.

Loma 12:16

Mwasakamalana, mutaitumika lelo mwazumila ukuombela na antu yasilesile. Mutailola kuya a mano.

Loma 2:8

Lelo antu akaitemwa, nu kukana kucita vya cumi akacita vino vitaine, yene yalazombola cipyu nu ukali wakwe Leza.

Milimo 18:15

Lelo apakuti cili sile pa kupazyanya pa mazwi, mazina ni sunde linu, mwemwe mweisikulu mulinzile kupingula. Nemo ntakasi kuya kapingula wa mazwi ya musango ndi uu! Nakana.”

Milimo 8:9

Mu musumba ulya mwikalanga umuntu izina lyakwe a Simoni, wino pa nsita imwi wazungulanga aina Samaliya ku malele yakwe. Wene waitakanga kuya mukulu cuze.

Ezaya 58:4

Lino mwata ukulya kuya ukutintana nu lwete lyonsi. Ale lyene ukuta ukulya cakulya ukwamusango ndi uo, ali kuno mungati kungaleka inuvwe ukupapata kwinu?

Mapinda 26:12

Uzye watala walola umuntu akaitunga ukuya uwa mano? Fwandi umu ciwelewele mwene calusya.

Mapinda 25:14

Wiyo akalaya ivilayo vyampomvu ukwaula kufikilizya, waya wa makumbi nu muza usileta imvula.

Mapinda 13:7

Umuntu umwi akaitunga ukuya umukama lino atakweti nanti acimwi. Muze nawe akaitunga ukuya umupina, lelo ala akweti ni mitumba ya vyuma.