1 Timoti 5:3 - Amazwi Yakwe Leza 2013

³ Uwacindika nu kwazwa yamukamfwilwa asi na yakazwilizya.

1 Timoti 5:3 交叉參考

Malango 27:19

“ ‘Katipwe kuli Leza wiyo wensi akafyenga umwinamasi, ana asyale, na yamukamfwilwa.’ “Lyene antu yonsi yalalanda yati, ‘Ee mukwai! Kaciye vivyo kwene!’

Milimo 6:1

Mu manda yalya lino alondezi yavulilangako, Ayuda avwanganga Cigiliki yailizyanya pa Ayuda avwanganga Ciyebulai pano yali na kasoozi pali yamukamfwilwa yao pa kuntayankanyako vino yulilwe cila wanda.

Malango 14:29

Ivyakulya vivyo vilaya ivya ina Levi, yao atakwata impanga wakwe mwemuno mwasyala, na inamasi, na ana asyale, na yamukamfwilwa, yano yakaikala mu misumba inu. Yene yalinzile kwiza tola vyonsi vino yuulilwa. Muce mwacita vivyo pakuti Yawe Leza winu ace amupolelele mu milimo inu yonsi.”

Malango 10:18

Wene akasakamala ukuti ana asyale na yamukamfwilwa yatafyengwa. Wene watemwa ainamasi akaikala na antu itu, nupya akayapeela ivyakulya ni vyakuzwala.

1 Petulo 2:17

Mwacindika antu onsi. Temwini aina Klistu ataila wakwe mwemwe. Oopini Leza nu kucindika Kateeka mukalamba.

Malango 16:14

Muce mwasansamuka pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano yakaikala mu misumba inu.

Malango 16:11

Muce mwasansamuka pa manso yakwe Yawe Leza winu, mwemwe pali pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano mukaikala nayo. Muce mucite cii pa ncende yonga iyakupepela penepo.

Kufuma 20:12

“Cindika so na nyoko kuti amanda ya umi wako yavule mu nsi ino ne Yawe Leza wako nkukupeela.

1 Petulo 3:7

Mu musango uli onga kwene mwe onsi namwe mulinzile kwikala na aci inu nu kumanya ukuti yene antu atonte kuluta mwemwe. Mwayacindika, pano yene pali pamwi namwe mulapelwa umi wape. Uu, uli wila kufuma kuli Leza. Citini cii pakuti kutaya cintu cimwi cakumuvulunganya mu mapepo inu.

Yakobo 1:27

Upefi uno Leza Tata akalola ukuti uwa mpomvu aewu: ukwazwa ana asyale na yamukamfwilwa mu macuzi yao nga nu kuisunga ku ukakasi uwaya mu nsi.

1 Tesalonika 2:6

Swemo tutezizye kulonda lulumbi kufuma kunomuli nanti antu yauze,

Milimo 9:39

Caleka Petulo apita nao. Lino wafika, yamutwala pa muputule uwa papela. Alino yamukamfwilwa yonsi yamulizizya, ala yakulila nu kumulanga amalaya na makoti yano Dokasi wayasumile lino acili umumi.

Luka 7:12

Lino wapalama pa mpongolo ya musumba, akomanya iumba likulu ilya fumangamo ala yasenzile icala. Icala cii cali ca mwana umonsi wenga sile mu mwanaci uwali mukamfwilwa. Iumba likulu kufuma mu musumba nalyo lyamusukilile.

Luka 2:37

Wene wali a mukamfwilwa uwa myaka makumi cinani na ini. Atatazile ataawe kuya ku Ng'anda ikulu yakwe Leza nupya watemilwe kutumikila Leza, nupya lili lingi pa kupepa Leza wapitanga kwaula kulya musanya nu usiku.

Mateo 23:13

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukayalila antu kunzi kuti yatingila mu Wene wa mwiyulu. Mweisikulu musyaingilamo nupya mukayalila yano akalonda kwingilamo. [

Mateo 15:6

Mu nzila ii mukalenga antu kusula masunde yakwe Leza pamulandu wa ntambi zinu.

Yelemiya 49:11

Nsilini ana asyale, indaazwa na yamukamfwilwa yako.”

Masamu 146:9

Yawe akawaka aenyi, akaikala mu mpanga itu. Wene akawaka yamukamfwilwa na ana asyale, lelo akavulunganya inzila zyakwe yakaifya.

Masamu 94:6

Yakakoma yamukamfwilwa na ayenyi, nu kutala akatwe ku ana asyale.

Masamu 68:5

Leza, wiyo akaikala umwi sano lyakwe ilyamuzilo, ali wino akasunga ana asyale, nu kuvwangila yamukamfwilwa.

Yobo 31:16

“Uzye kwene intasakamalanga alanda lino yalondanga uwazwilizyo? Uzye natazile indeka yamukamfwilwa iyatonta muno yakulolela?

Yobo 29:13

Wiyo wensi uwaponelwa nu uzanzo utalangane, wampelanga upolelelo. Alino nasansamusyanga yamukamfwilwa.

1 Timoti 5:2

Vivyo kwene wacitila anaci aikolo ndi vino ungacitila nyoko. Akazyana nao wayacitila kwati a kaci yako, nu mwenzo usuma.

Yoane 1:47

Lino Yesu walola Natanaeli akwiza kunoli, avwanga pamulandu wakwe ati, “Lolini wii ali mwina Izlaeli wa cumi, nupya munoli musi usomvi.”

Milimo 9:41

Petulo amulema pi kasa amukatusya. Alino aama yano onsi ataile, pali pamwi na yamukamfwilwa, amulangizya kunoyali ala umumi.