1 Timoti 4:16 - Amazwi Yakwe Leza 2013

¹⁶ Uisunge nupya ucenjele mu kusambilizya kwako. Utwalilile kucita vintu vii, pano ndi wacita cii, ale lyene ulaituula wemwisikulu nga na yao akukuvwa.

1 Timoti 4:16 交叉參考

Tito 1:9

Wene alinzile kulemelela na maka kwi landwe lino lingatailwa nupya lilingine nu usambilizyo wa cumi. Mu musango uu, amuno usambilizyo wao wa cumi ungakomelezya yauze nupya amuno yene yangasokolola kuluvyanya kwakwe yayo akakana usambilizyo kwene uu.

Tito 2:7

Wemwisikulu ulinzile kucita visuma kuti muli vyonsi uye cilangililo ku antu. Uye uwa cumi nga nu kusumbako mano mu usambilizyo wako.

1 Milandu 28:10

Lyene elenganya ningo apa vintu vii, pasi pano Yawe wakusolola kuti umukuulile ng'anda, umwakuti wene aikalamo ungati umwakwe. Posya kuti uombe umulimo uu.”

2 Timoti 4:2

nkuti kosola ilandwe, komaila penepo mu nsita ino antu yatakulonda na ino yakulonda. Nupya lino ukusambilizya wasinila, wanenola, wakomelezya lelo wacita vii vyonsi mu kuteeka mwenzo.

Efeso 4:14

Alino tutalaya wa ana anono mu micitile. Yene yakasombwa na masambilizyo ya antu asomvi. Masambilizyo yaa yakoline wa miza ino ikasunka maimbi kufuma pa cifulo conga kuya nu ku cuze,

Ayebulai 13:9

Mutaleka usambilizyo nanti umwi uwa musango onsi umupumvyanye nu kumufumya umu nzila isuma. Cili cisuma kuti myenzo inu ikomeleziwe ni cikuku cakwe Leza, lelo asi mukuyela malamulo pamulandu wa vyakulya. Yao akayela malamulo yaa citayazwa foo.

Ayebulai 12:15

Cenjelini kuti mutafutatila cikuku cakwe Leza. Mutaleka umuntu umwi akolane wa cimuti cilule cino cikakula nu kuleta intazi zingi kwi sungwe lyaciko.

2 Timoti 3:14

Lelo wemo twalilila sile kuya uwakutailwa mu cumi consi cino wasambiliziwe nupya cino wataila. Wamanya yano ali yakasambilizya yako,

Luka 21:34

“Cenjelini pakuti imyenzo inu italaukilwa mu kupunuka, mu ukolesi na masakamiko amu umi uu, pano limwi uwanda uwa ungamupumikizya wa citeyo.

Ezaya 55:11

ali vino ni zwi lyane nalyo lisiweluluka kunondi, suka lyatala lyacita vino nkulonda, lyamalila nu mulimo uno nalitumile.

1 Timoti 4:6

Ndi watungulula vii ku ina itu, lyene ulaya muomvi musuma wakwe Klistu Yesu. Lyene ulalanga ukuti wemo wimulwa na mazwi ya utailo nga nu usambilizyo usuma uno walondela.

1 Timoti 1:3

Nkulonda kuti wemo wikale mu Efeso, wakwe vino nakukonkomizye lino nayanga ku Makedoniya. Antu yamwi kuku yakusambilizya masambilizyo yaufi, acino nkulonda kuti uyalesye.

Loma 16:17

Nkumupapata mwe inane, mucenjele kuli yao akapatukanya iuvi nu kuvulunganya utailo wa antu pa kuntacita vintu vino mwensi mwasambiliziwe. Fuminiko kunoyali, muyasoloke.

2 Timoti 2:10

Acino nemo nkaposya muli vyonsi pamulandu wa antu asololwe yakwe Leza. Nemo nkacita cii kuti nao kwene Klistu Yesu ayatuule nu kupokelela lulumbi lwa manda pe.

1 Kolinto 9:27

Nemo nkaomvya mwili wane uluku uluku kuti uye wa muzya wantontela, nkacita vii pakuti ntakasumbwe kunzi pacisila ca kukosola Ilandwe Lisuma kuli yauze, nkaye kwati awiyo watapotwa.

Milimo 6:4

Naswe, sweisikulu lyene, tumaipelesya ku kupepa nga nu mulimo wa kukosola.”

Mako 13:9

“Namwe mulinzile kucenjela. Yalamulema nu kumutwala ku vilye. Yalaamuma mu mang'anda ya mapepo. Pamulandu wakuti mwemwe alondezi yane, mulimilila pa manso ya ntunguluzi na yakateeka, kuti muye yakambone yane kunoyali.

Yelemiya 23:22

Ndi cakuti yamanyile inkama zya melenganyo yane, lyene ngano yalanda ilandwe lyane ku antu yane cakuti antu nayo yange yazenzuke ku nzila zyao iziipe nu ku vicitwa vyao iviipe.

Yakobo 5:20

Iusyini ukuti wino wensi uwawezya kaifya kufuma ku viponge vyakwe ala wene alamutuula kufuma ku mfwa nga nu kuleka kuti aelelwe maifyo yakwe aingi.

Tito 2:15

Sambilizya vintu vii nu kuomvya maka yako yonsi lino ukukomelezya nu kunenola yano akukuvwa. Utaleka umwi uwa munoyali akusuule.

Kolose 4:17

Munene Akipusi muti, “Sininkizya ukuti waomba mulimo uno walasikwa mukutumikila Mwene.”

1 Kolinto 9:22

Lino ndi pakasi ka antu yano utailo wao utonte, nani kwene nkaikala ndi vino yaya, pakuti njalonke. Caleka nkacita consi cingacitwa pakuti ntuule yamwi munoyali.

Loma 11:14

Limwi mungaleka antu amu mutundu wane yuvwe uzuwa pakuti yamwi yatuulwe.

Loma 2:7

Antu aya nu mute wakucita visuma, ayano Leza alapeela umi wape umwaya lulumbi nu mucinzi.

Milimo 26:22

Lelo Leza wangazwa kufika ni lelo kwene. Acino njimi pano kuti mpeele umboni pa manso ya antu onsi, apina na akama. Cino nkavwanga icili cimwi kwene na cino yakasema pamwi na Mose yavwanzile ukuti cili nu kucitika.

2 Milandu 19:6

Alino wapile ilamulo kuli yakapingula ati, “Mwatala imwelenganya ningo pakucita upinguzi pano umulimo uno mukuomba usi wa muntu. Lelo uwakwe Yawe. Lyonsi lino mukapingula ala Yawe ali namwe.

Filimoni 1:19

Nene nalemba kwi kasa lyane nemwisikulu ukuti ne Paulo ndakulipa (lelo utailila ukuti umi wako inkongole kunondi).

1 Tesalonika 2:16

Nupya yakwene yezizye kutulesya kukosola ilandwe ku Akulukuwa, lino lyange liyatungulule ku ufyusi. Ayuda yapitilila mu kwifya. Acino ndakai Leza wasoka nu kuyavunuka.

Kufuma 23:13

Muvwikisye vyonsi vii vino namunena. Mutapepa tuleza tuze, mutalumbula na mazina yatuko.

1 Kolinto 1:21

Pano Leza mu mano yakwe walenzile ukuti citacitika ukuti antu yamumanye kupitila mu mano yao. Lelo camuzipile ukuti antu ataila yatuulwe kupitila mwi Landwe lino tukakosola, ilikauvwika lya uwelewele ku antu yamwi.

1 Timoti 4:15

Waomba incito zii mu kutekela nu kuipelesya mu kuomba kuti antu yonsi yalole vino ukuya nkolelo mu visuma.