1 Timoti 4:12 - Amazwi Yakwe Leza 2013

¹² Utaleka umuntu umwi akusuule pano wewe mwance, lelo uye cilangililo ku ina Klistu mu mivwangile yako, micitile yako, kutemwa kwako, utailo, nga nu usuma wa mwenzo.

1 Timoti 4:12 交叉參考

Tito 2:7

Wemwisikulu ulinzile kucita visuma kuti muli vyonsi uye cilangililo ku antu. Uye uwa cumi nga nu kusumbako mano mu usambilizyo wako.

2 Timoti 2:22

Fumako ku matunko yano ance yakaponelamo, nupya uwalwisya kucita vyawololoke, kuya nu utailo, kutemwa, nga nu mutende. Wacita cii pamwi na yao aswepa myenzo, nupya yano akalenga Mwene kuti ayazwe.

2 Timoti 2:15

Cita cino ungacita kufikapo pakuti uvwangilwe visuma pa manso yakwe Leza, wa muomvi wino asi ni nsonyi pa mulimo wakwe, nupya wino akasambilizya ningo ilandwe lya cumi cakwe Leza.

1 Petulo 5:3

Mutaezya kukulizya yao yano mukasunga, lelo muye cilangililo pakasi ki uvi.

1 Kolinto 11:1

Mulinzile kulondela cilangililo cane mu micitile ndi vino nani nkalondela cilangililo cakwe Klistu mu micitile.

1 Tesalonika 1:6

Acino, lino mwazumile ilandwe, mwemo mwakolinye sweswe nu Mwene mu micitile. Mwacuzile, lelo Mupasi Wamuzilo wamusansamusyanga.

Tito 2:15

Sambilizya vintu vii nu kuomvya maka yako yonsi lino ukukomelezya nu kunenola yano akukuvwa. Utaleka umwi uwa munoyali akusuule.

Mateo 18:10

“Cenjelini mutezya kuti musule wenga uwamu ana yaa anono. Pano nsita zyonsi angeli yao aakayalinda, yene yakaikala pipi na Tata wino ali mwiyulu. [

2 Timoti 2:7

Elenganya pali vino nkulanda pano Mwene akweti maka akukulenga kwiluka vyonsi.

Yakobo 3:13

Uzye munomuli mungaya umwi akweti mano nu kumanyikisya? Ndi amunoli lekini aisininkizye kupitila mu kwikala umi wakucita visuma mukufuka na mano.

Yakobo 3:17

Lelo mano yano yakafuma kwiyulu nkolelo yakatwazwa kuya asanguluke, acuvwano, mutembo nu kuyelezyanya. Yene yakatulenga kukwatisya mizu nga nu kucita vicitwa visuma. Yene yakatulenga kuntakwata vikanza nanti usomvi.

Filipi 4:8

Mukumalila, inane lekini myenzo inu izulemo kwelengenya vintu visuma vilinzile kutasiwa, ivya cumi, ivya mpomvu, visanguluke, viyembe, nga ni vyakucindikwa.

1 Tesalonika 2:10

Mwemo pali pamwi na Leza mwemwe yakambone itu ukuti micitile itu kunomuli yali yamuzilo, yololoke, nupya yaula mulandu.

1 Timoti 1:14

Mwene witu wanguvwilile luse cuze. Nu luse kwene luu lusanda cuze nu kundetela utailo nu kutemwa muli Klistu.

Zakaliya 2:4

Umungeli wankolelo wilya anena umuze ati, “Simula ukanene umulumendo wilya wino akweti umwando wakupimilako uti, ‘Mu musumba wa Yelusalemu mulaya antu avule nga ni viteekwa vivule cakuti utalakwata amalinga.’