1 Timoti 4:1 - Amazwi Yakwe Leza 2013

¹ Mupasi Wamuzilo akalanda paswe ukuti mu manda yampela antu yamwi yalafutatila utailo. Yene yalayela mazwi kufuma ku mipasi yantumpu, nga nu kulondela masambilizyo kufuma ku mipasi yankota.

1 Timoti 4:1 交叉參考

2 Petulo 2:1

Ku mpiti kwalolike yakasema yaufi pakasi ka ina Izlaeli. Mu musango uli onga kwene yakasambilizya yaufi yalaloleka munomuli. Mu nkama yene yalaleta usambilizyo uwakonona nupya usi wa cumi. Yene yalakana musambazi wino wayakulwile. Acino yalailetelela kononwa mukupumikizya.

Yuda 1:18

Yalanzile kunomuli yati, “Lino manda ya mpela yaliza, kulaya antu akalondela ivilondwa vyao visi vya upefi, alamuseka.”

2 Petulo 3:3

Cankolelo, mulinzile kumanya ukuti mu manda yaa akusyalikizya antu yamwi yalaloleka yano umi wao ukatungululwa ni nsuna zyao. Yene yalamusoweka

Yuda 1:4

Pano antu yamwi yakaifya, yasokelela munotuli ukwaula kumanyika. Nupya yakasenula ilandwe lya pa cikuku cakwe Leza witu pakuti yaipele insambu pa miyele yao ya winyi. Yene yakana Yesu Klistu, Musambazi nupya Mwene witu wenga sile. Antu yaa yalavunukwa ndi vino calembwa mpiti mu malembelo.

2 Kolinto 11:3

Ndi ni ntete zyakuti mwemo mulasombwa, wakwe vino Eva wasomvilwe ni nzoka ya usomvi. Ndi ni ntete zya kuti limwi mwemo mulata kwelenganya pamulandu wakwe Klistu mu musango usuma uwa cumi.

2 Timoti 3:13

nga antu aipe, nupya asomvi yene yalipisya kuluta, yala yakusomba antu yauze nga na isikulu kwene.

1 Yoane 4:6

Lelo swemo sweswe yakwe Leza. Wino wensi uwamanya Leza wene akauvwa kunotuli. Wino wensi asi wakwe Leza wene asyauvwa kunotuli. Vii avino tungalanda upusano uwaya pakasi ka Mupasi ukalanda icumi nga nu mupasi ukalanda intumpu.

Yoane 16:13

Lelo lino Mupasi wa cumi aliza, wene alamutungulula ku cumi cakwe Leza consi. Pano atalaivwangila. Lelo vintu vyonsi vino alauvwa avino alavwanga, nga alamumanyisya ni vintu ivili nu kwiza.

1 Yoane 2:18

Mwe ana yane impela ili pipi! Mwanenyilwe ukuti mwanisi wakwe Klistu aliza. Ndakai anisi aingi yakwe Klistu yaloleka mpiti. Acino twati tumanya vino impela ili pipi.

Danieli 10:14

Acino lyene natiniza kuti nkulondolwele ivilacitikila antu yako mu manda akwiza. Cilolwa ica manda akwiza.”

Umbwilo 2:11

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya yatalafwa imfwa yakwe ciili.”

2 Timoti 4:4

Yene yalafumako ku kuuvwa cumi nu kusumba mano ku tulai.

Umbwilo 20:10

Lyene Ciwa wino uwayasomvile, wasumvilwe muli yemba wa moto na maluti, amuno alanga yati yasumbilamo cilyanyi pamwi na kasema waufi. Muu, amuno yalapya musanya nu usiku manda pe.

Umbwilo 3:6

“Akweti amatwi yakuuvwa, auvwe cino Mupasi Wamuzilo akulanda ku mauvi!

Umbwilo 2:29

“Akweti amatwi yakuuvwa, auvwe cino Mupasi Wamuzilo akulanda ku mauvi!”

Ezekelo 38:16

Uliza uzanze antu yane aina Izlaeli, ulakolana ni kumbi ilyati livimbilikizya impanga. Amanda kwene yayo, anene ndakuleta we Gogi, ukukwiza lwisya impanga yane, apakuti imitundu ikamanye, lino ndalanga ucindami wane pa manso yao muli wewe, we Gogi.

1 Petulo 1:20

Leza wasolwile Klistu lino uumbo utali uyeko, nupya pakuti atuule mwemwe wene wasokolwile Klistu mu manda yaa akusyalikizya.

Umbwilo 18:2

Wene apunda ni zwi likulu ati, “Watawa! Babiloni mukulu watawa! Ndakai wene wataya uwikalo wa mipasi yankota, nupya citotela cakupuzamo mipasi yonsi ikowele ni vyunyi vyonsi vikowele ni vyapatikwa.

Kolose 2:18

Mutaleka umuntu umwi amucilime ku cilambu. Wene akaitakola pamulandu wakulola vilolwa mu viloto nu kuilanga ukuti umufuke lino akupepa angeli. Antu amusango uu yakailumba pa kwelenganya kwa untunze.

1 Kolinto 10:20

Awe, cisi viyo! Mucumi vyakulya vivyo vikapelwa impolelwa ku mipasi yankota, asi kuli Leza. Ntakulonda kuti mwemo mwandane ni mipasi yankota.

Mika 4:1

Mu manda akwiza, umwamba apa kuulwa Ng'anda ikulu yakwe Yawe ulaya uutali ukuluta imyamba yonsi, usanzuke ukuluta imilundu yonsi. Antu amu nko zivule yalasimwilila kuno uli.

Yelemiya 49:39

Lelo ukuya kwene, amanda yaliza lino ndawezezya Elamu isyuko,” Ivyalanda ne Yawe.

Yelemiya 48:47

Lelo kwene umu manda aliza ndawezezya Moabu isyuko lino wakweti,” Ivyalanda ne Yawe. Paa, apapelela upinguzi pa ina Moabu.

Ezaya 2:2

“Limwi umu manda akusyalikizya umwamba apa kuulilwa Ng'anda ikulu yakwe Leza iya kumpepelamo, ali lino ulatalimpisya ukuluta imyamba yuze yonsi. Na antu ya mitundu yuze ali kuno yalaomokela.”

Malango 32:29

Yene yaposiwa ukulola icalenzile kuti yayacimvye. Yene yatanga yalooke impela yao vino ilaya.

Malango 4:30

Lino mulaya mu ucuzi nga na lino ivintu vii vyonsi vilamucitikila, lyene ali lino mulaseleukila kuli Yawe Leza winu nu kumuyela.

Mpendwa 24:14

“Fwandi ndakai naswilila ku antu yane. Lelo tale ndanga intale nkusopesye vino umutundu uu uli nu kucitila antu yako mu manda ali nu kwiza.”

Utandiko 3:13

Lyene Yawe Leza auzya umwanaci ati, “Uzye pacani cino wali wacita cii?” Umwanaci aasuka ati, “Inzoka yali yansomba, nga nani nalya viseekwa.”

Umbwilo 20:8

Lyene alapita ku kusomba antu amu nko zyonsi, yano asalangana mu nsi yonsi, kuli kuti Gogi na Magogi. Wene alayakonganika pamwi ku ulwi, nu wingi wao ulaya wa musensenga uwamu nkumba yakwe yemba.

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

Umbwilo 18:23

Munuli mutalatala muloleke luswepo lwi lampi. Munuli mutalatala muvwike izwi lyakwe siwinga na nawinga. Aculuzi yako ayano yali na maka cuze mu nsi yonsi, nu mu malele yako amuno wasombanga antu yonsi amu nsi!”

Umbwilo 13:14

Nupya cisomba antu yonsi akaikala pano pa nsi ku vinjelengwe vino cazumiliziwe kucita pa manso ya cilyanyi ca kutandika. Cilyanyi cinena antu kupanga unkolanya kuti yacindikilemo cilyanyi cino yacisa ku lupanga lelo cili nu umi.

Umbwilo 9:20

Antu yonsi asyala yano atakomilwe ku vilumbelo vii, yatazenzwike ku milimo ya makasa yao. Yene yatatile kupepa mipasi yankota, nanti tuluwi twakwe zaabu, siluva, nanti mukuwa, nanti twa mawe, nanti twa vimuti tuno tutange tulole nanti kuvwa nanti kupita.

Umbwilo 3:22

“Akweti amatwi yakuuvwa, auvwe cino Mupasi Wamuzilo akulanda ku mauvi!”

Umbwilo 3:13

“Akweti amatwi yakuuvwa, auvwe cino Mupasi Wamuzilo akulanda ku mauvi!

Umbwilo 2:17

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya ndayapeela mana uwafiswa. Nupya cila wenga uwa munoyali ndamupeela iwe litiswe pano palembwa izina lipya, ililamanyikwa kuli aliwe asi kuli wensi.

Umbwilo 2:7

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya ndayapeela nsambu yakulya vizao vya ku muti uno ukapeela umi, uwaya ku Paladaise yakwe Leza mwiyulu.”

1 Kolinto 12:11

Lelo a Mupasi Wamuzilo wenga nupya ali umwi kwene wino akacita vii vyonsi. Kuli cila muntu, wene akapeela uwila uiyele ndi vino akasi.

Milimo 28:25

Caleka yapita, ukwaula kuti yazumilizyanye aisikulu, pacisila lino Paulo wavwanga mazwi yaa ati, “Endi! Mupasi Wamuzilo wavwanzile ningo ukupitila muli kasema Ezaya ku vikolwe vinu!

Milimo 17:18

Na antu amano asambilizyanga ivya Epikulio na Sitoiki nao kwene yapazyanya nawe. Yamwi yuzya yati, “Uzye civwangevwange wii umututu amanyile na cino akuvwanga?” Yamwi yazumila yati, “Cikoline kwati akuvwanga pali tuleza twa inamasi.” Yavwanzile cii pano Paulo wakosolanga pamulandu wakwe Yesu na pa kuzyukuka.

Milimo 13:2

Uwanda umwi lino yakongine, ala yakupepa Mwene nu kuizilizya ukulya, Mupasi Wamuzilo ayanena ati, “Mu mpalwile Banaba na Saulo, kuti yakaombe mulimo uno nayamila.”

Ezekelo 1:3

izwi lyakwe Yawe lyafikile Ezekelo, umwana wakwe Buzi, mu mpanga ya ina Babiloni, pa nkumba ya Luzi Kebali. Kuku kwene ali kuno nuvwile amaka yakwe Yawe yiza kunondi.

Umbwilo 16:14

Yene ili mipasi yankota ino ikacita vinjelengwe. Yene ikaya kuli yakateeka yonsi mu nsi, kuti iyakonganike ku ulwi ulacitika pa Wanda wakwe Leza wa maka onsi.

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

1 Yamwene 13:18

Alino kasema wilya umukote amunena ati, “Nani kwene nene kasema wakwe Yawe. Nga api lamulo lyakwe Yawe umungeli waliwanena wati, ‘Uwele nawe nanti iila lyonga ukwako, kuti akalye cakulya nu kumwa amanzi.’ ” Lelo kasema wilya umukote ala akutumpoka sile.

Yelemiya 23:26

Uzye kwene ufi wamusango uu ulatwalilila ukufika lilaci, umu myenzo yakwe yakasema yano yakasema vyaufi, yayo akasema vyausomvi vyamu myenzo yao aeneco?

Mateo 18:7

Kalanda ku antu mu nsi pamulandu wa vintu vino vikalenga antu ukwifya. Pano ukwifya kumayangako lyonsi, lelo kalanda ku muntu wino akulenga kuti antu yaifya.

Luka 17:1

Yesu anena alondezi yakwe ati, “Ivintu vikalenga antu kuponela mu maifyo vilinzile kucitika, lelo kalanda ku muntu wino akulenga kuti vicitike.

Milimo 20:23

Namanya sile ukuti mu misumba yonsi Mupasi Wamuzilo wansoka ukuti ukunyepwa mu mang'anda yaminyololo ni ntazi vikundolela.

Milimo 21:11

Alino aiiza kunotuli, asapula musipi wakwe Paulo, umwisikulu ainyepa maulu na makasa, nga avwanga ati, “Avino Mupasi Wamuzilo wavwanga ati vii avino Ayuda aku Yelusalemu yalanyepa umwine musipi uu, nga yamupele mu makasa ya Akulukuwa.”

1 Kolinto 2:10

Lelo Leza wasokolola nkama yakwe kunotuli kupitila muli Mupasi Wamuzilo. Mupasi Wamuzilo wamanya vyonsi, vizike vya mapange yakwe Leza.

1 Kolinto 11:19

Tutangazunguka ukuti kupaatukana kulinzile kuye munomuli pakuti yao akucita vya wololoke yangaloleka paswe.

Yakobo 3:15

Mano amusango uu yasyafuma kuli Leza. Yene amano yamu nsi auntunze nupya yakwe Ciwa umwisikulu.