1 Timoti 3:3 - Amazwi Yakwe Leza 2013

³ Wene atalinzile kuya mukolesi nanti walwete. Lelo alinzile kuya mufuke nupya asilemanizya antu. Wene atalinzile kutemwa impiya.

1 Timoti 3:3 交叉參考

Tito 1:7

Wikolo wino akatungulula iuvi wene akaangalila mulimo wakwe Leza. Caleka wene atalinzile kuya uwa mpwelo mbi. Wene atalinzile kuya akaitumika nanti musepukilwe, nanti mukolesi nanti uwalwete nanti uwalwiswa lwa mpiya.

Tito 3:2

Uyanene yatavwangila umuntu umwi viipe, lelo yacita vya kuleta mutende nu kuyelezyanya. Nupya lyonsi yalinzile kufukila umuntu ali wensi.

Efeso 5:18

Mutakoleka waini pano wene angamonona. Lelo muzuziwemo na Mupasi Wamuzilo.

1 Timoti 3:8

Yadikoni amwi uvi nao kwene yalinzile kukwata mwata usuma nupya usi nu usomvi. Yene yatalinzile kuya akolesi nanti kuya nu lwiswa lwa mpiya.

Yakobo 4:1

Uzye pacani mukalwisyanya nu kupazyanya? Uzye asi pamulandu wakuti mukweti vilondwa vyakuitemwa vino vikalwisya kutungulula mili inu?

Ezaya 28:7

Na yakasema kwene kumwi na yasimapepo yatiyakoleka cakuti yakupempezyoka sile apa kupita. Yene yatiyamwa wakwe cimwi waini wa matingi, pamwi nu wengwa ukalipisye, cakuti yakuuluunsya sile, caticiyapezya na mano. Yakasema yatiyakolekesya cakuti yakuposiwa nu kwilula ivilolwa vino Leza akuyalanga. Yasimapepo nayo kwene yatiyakoleka cakuti yakuposiwa nu kupingula imilandu ino antu yakuleta kunoyali.

1 Petulo 5:2

kuti musunge ningo mauvi yakwe Leza. Citini cii mu musango uli onga na uno yakacema yakasungilamo mfwele. Mwacita cii ndi vino Leza akalonda kuti mucite, kwaula kupatikiziwa. Ombini mulimo winu asi pamulandu sile wa kulipilwa, lelo pamulandu wa kulondesya kutumikila.

Ayebulai 13:5

Mwaikala umi uwa kuntatemwisya impiya, mwalola ukuti vino mukweti vyamukwana. Pano Leza wati, “Ntalatala imusye nanti kumutazyela.”

Tito 2:3

Mu musango uli onga kwene wakonkomezya anaci aikolo kuti mwata wao waya ndi vino anaci amuzilo yalinzile kuya. Yene yatalinzile kuya nu ukwakwa nanti kutekwa uzya nu ukolesi. Yene yalinzile kusambilizya visuma,

Aina Levi 10:9

“Wewe pamwi na ana yako aonsi mutalinzile kwingila mwi Taalu lya Ukongano pacisila ca kumwa waini nanti cimwi cikakola. Ndi mulacita cii, mulafwa. Isunde lii, lili nu kusungwa na amu mupanda wako onsi.

Umbwilo 1:9

Nene Yoane mwina winu, nupya mulondezi wakwe Yesu. Nkakuma pamwi namwe mu wene wakwe Leza nu kuposya mu macuzi. Nemo nasumvilwe pa cilila ca Patimosi pamulandu wa kukosola mazwi yakwe Leza nga ni cumi cino Yesu waumbwile.

Yuda 1:11

Kalanda kunoyali! Pano yene yalondela musango wakwe Kaini. Mulandu wakutemwisya impiya, yene yaisumba aisikulu mu usomvi wakwe Balamu. Yene yakatukila Leza ndi vino Kola wacisile. Acino yalononwa.

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.

Tito 1:11

Cili icalondekwa kulesya mvwango yao, pano yene yakuvulunganya amu ng'anda zyonsi apa kusambilizya vintu vino yatalinzile kusambilizya. Yene yakucita vya nsonyi pamulandu wa kulonda impiya.

1 Tesalonika 5:14

Mwe ina itu, tukumukonkomezya kusokela akasu, kukomelezya yacantete, kwazwa atonte, nga nu kutekelela antu onsi.

Loma 16:18

Pano yao akacita vii yasyatumikila Klistu Mwene witu, lelo yakatumikila vilondwa vyao. Kupitila mu mazwi yao akusyenteka nga ni mvwango zyao zya kutasya mwi syente, yene yakasomba antu akaele yano atakuma ku vintu vii.

Milimo 20:33

Ntakumbwike impiya nanti vyakuzwala vya muntu ali wensi.

Mateo 21:13

Ayanena ati, “Calembwa mu malembelo cati, ‘Ing'anda yane ilaamwa ing'anda ya mapepo.’ Lelo mwemo mwaicita ininga ya iivi.”

Malaki 1:10

“Si cangecizipe wenga uwamuno muli ayale ivisasa vya mu Ng'anda ikulu yakwe Leza, kuti muposiwe ukupemba umoto wasilesile apa kavuwa kane! Nemo ntakuzangila muno muli, nupya ntalapokelela uwila uli onsi ukufuma kuno muli.

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Mika 3:5

Yawe wavwanga wati, “Antu yane yasombwa na yakasema yamwi, yano yakapumbola antu. Ndi umwi wayimula, yene yakamulaya umutende, lelo ndi atacisile vivyo, yene yakamunena amazwi ya misindicila a nkondo.”

Mika 2:11

Umuntu umwi uwantumpu ndi wapita konsi konsi afuma akusema vyantumpu ala akuti, ‘Endi, mulakwata waini nu wengwa nyanya,’ kasema wamusango uu awino antu yatemwa!”

Ezekelo 44:21

Simapepo wensi atalinzile kumwa waini uwanda uno wingila mu musolo wa mukasi.

Yelemiya 8:10

Icaleka indapeela aci yao kuli yauze, ni vyalo vyao kuli yakacimvya ya mpanga. Pano yonsi sile, anono na akalamba, ukutandikila kuli yakasema ukufika kuli yasimapepo yacita ucenjezi uwiipisye.

Yelemiya 6:13

Cila muntu, ukutandikila sile pa munono ukufika napa mukalamba, yonsi kwene yapunuka ku kulondelela ulonsi. Yonsi pyu, ukutandikila kuli kasema mpaka na kuli simapepo, yakacita usomvi umwi uipisye ku antu.

Ezaya 28:1

Kalanda ku ng'anda ya cilumba ya akolesi, aina Efulemu nu kwi luwa lyalokota. Ucindami wakwe uyembe, uno watongomala pa mutwe wa nyika ivunde, ya akolesi yakwe waini, auwo ulambalile papo.

Kasambilizya 7:8

Impelelekezyo ya cintu yazipa ukuluta utandiko wakweco Ukuteeka umwenzo kwaluta ukuya ni cilumba.

Mapinda 15:27

Umuntu wino akakumbwa ivyuma vya lufyengo akaletelela sile ing'anda yakwe, lelo wino wapata amafukakanwa alakwata uumi.

Mapinda 1:19

Ilaya ali mpela yakwe yayo akalondelela ivyuma vyalufyengo, ivikaponzya umi wakwe yayo akavikwata.

1 Samueli 8:3

Lelo yene yatatozile imiyele yakwe isi. Yene yalondelile sile ukupanga ulupiya. Avili vino yapokelelanga amafukakanwa nu kuipingula ukwaula ukulondela icisinka.

2 Timoti 3:2

Antu yalaitemwa, atemwisya impiya, yalaitumika, a cilumba, akanyati, yatalayela akwasi yao, yatalataizya, nupya yatalalonda vyauleza.