1 Timoti 3:16 - Amazwi Yakwe Leza 2013

¹⁶ Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

1 Timoti 3:16 交叉參考

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

Mako 16:19

Pacisila lino Mwene Yesu wavwanga kunoyali, asendwa kwiyulu kupela, aikala kwi kasa lilunji lyakwe Leza.

Loma 16:25

Ka twalumbanya Leza! Wene ali na maka yakumukomya mu utailo winu kulingana ni Landwe Lisuma lino nkakosola pamulandu wakwe Yesu Klistu nga nu kulingana nu kusokoloka kwa nkama ya cumi icali icifiswe kufuma ku mikulo yampiti na mpiti.

Luka 24:4

Lino yacili yakuzunguka cuze pali cii, mukupumikizya, antu yaili aonsi iimilila pa mbali yao ala yazwite vizwalo viyengese cuze.

Kolose 1:23

Mulinzile kutwalilila kuya acumi nupya akomeleke cuze mu utailo winu. Mutalinzile kuta upaalilo uno mwapokelile lino muvwile Ilandwe Lisuma. Lyene lyakosozilwe ku antu yonsi pano nsi, nga nani nemwisikulu nene muomvi wi Ilandwe kwene lii.

1 Yoane 1:2

Umi uu walolike, nga naswe twauweni. Tukapela umboni wa pa umi kwene uu. Nupya tukumunena vya pa umi wape uno wali na Tata. Wene wasokolwilwe kunotuli.

1 Petulo 3:22

Ndakai Klistu waya kwiyulu kuno atenzi kwi kasa lilunji lyakwe Leza, nupya akuteeka pa angeli, na maka yonsi amwiyulu.

1 Petulo 1:12

Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Kolose 2:2

Nkucita cii kuti nkomelezye myenzo yao yalundana pamwi mu kutemwa, yene yalapolelelwa pa kupelwa kumanyikisya. Alino yalamanya Klistu ningo.

Kolose 1:27

Ipange lyakwe Leza ilya kuumbula nkama kwene ii iyalulumbi ku antu yakwe. Nupya nkama ii iyakupeela ku antu onsi. Nkama iyakuti Klistu aikala munomuli, nupya wene ali upaalilo winu uwa kukuma ku lulumbi lwakwe Leza.

Kolose 1:6

Ilandwe Lisuma likutwalilila kuleta upolelelo nupya likusalangana mu nsi yonsi, ndi vino likacita lyonsi pakasi kinu kufuma pa wanda uno mwatandike kuvwa pa cikuku cakwe Leza nu kucimanyikisya vino caya.

Luka 22:43

Mungeli aloleka kunoli kufuma kwiyulu amukomelezya.

Mateo 3:16

Lyene lino Yesu wawatiziwa, lilyo kwene afuma mu manzi. Lyene iyulu lilekuka, nga alola Mupasi Wamuzilo akwika panoli mu musango wa nkunda.

1 Yoane 3:5

Mwamanya ukuti Klistu walolike kuti asende maifyo, nu kuti munoli mutaya iifyo.

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

1 Timoti 3:9

Yene yalinzile kukwata mano asuma nga nu kwemelela kuli vino Leza watusokolwela vya pa utailo witu.

Yoane 20:12

nga alola angeli yaili yazwite vizwalo vitiswe. Angeli yao yatenzi pano icala cakwe Yesu cali lino atali azyukuke, wenga ku mutwe nu muze ku ntambalilo.

Mateo 1:23

“Umukazyana atamanya umonsi alasenda indilwa nupya alavyala umwana umonsi, nga yalamutemela izina yati a Emanueli,” (kuli kuti, “Leza ali naswe”).

Umbwilo 7:9

Pacisila cakwe cii nceleka nga ndola iumba likulu cuze. Kutali nanti wenga uwange apende antu onsi. Antu yaa yafumile mu nko zyonsi, mu mitundu yonsi ya antu, mu misango yonsi ya antu nu mu ndimi zyonsi. Yene yaimi nkolelo ya cilimba ca wene na pa manso ya Mwana wa mfwele, ala yazwite mingila itiswe nupya yalemile makambalala mu minwe yao.

1 Petulo 1:20

Leza wasolwile Klistu lino uumbo utali uyeko, nupya pakuti atuule mwemwe wene wasokolwile Klistu mu manda yaa akusyalikizya.

Ayebulai 7:7

Muntu wensi atangapazya ukuti wino akapolelela alusile umuntu wino akupolelelwa.

Efeso 6:19

Nani kwene mwampepelako kuti Leza ampeele Landwe navwanga nu kupama apa kuleka kuti nkama i Landwe Lisuma imanyikwe.

Efeso 1:9

nga kupitila muli vino Klistu wacita, Leza watulanga mapange yakwe ankama.

Galatiya 4:4

Lelo lino nsita yafisile Leza watumile Mwana wakwe, uwizile avyalwa ku mwanaci. Mwana kwene wii wayelanga Masunde yakwe Mose

1 Kolinto 15:47

Adamu wakutandika, wene waumvilwe kufuma kwi vu. Adamu wakwe cili wene wafumile kwiyulu.

1 Kolinto 2:7

Mano yano nkukosola ankama ya mano yakwe Leza, yano afiswa ku mitundu ya antu onsi. Lino Leza atali aumbe insi ii, wene wateinye mano kwene yaa kuti yaye akutupela lulumbi.

Loma 10:18

Lelo uzye nimati aina Izlaeli yatuvwile? Awe! Mucumi yene yuvwile. Cili ndi vino calembwa mu malembelo cati, “Ilandwe lino yakosozile lyuvwika konsi muno nsi Mazwi yano yakosozile yasalangine kufika nu ku mpela ya nsi.”

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

Galatiya 2:8

Pano kupitila mu maka yakwe Leza nacisilwe kuya mutumwa ku Akulukuwa, wakwe vino Petulo wacisilwe kuya mutumwa ku Ayuda.

Loma 9:5

Yene ivizikulula vya vikolwe vitu vilumbuke, na Klistu kwene uwamu mupanda wa mutundu wao. Leza, wino waya na maka pali vyonsi, alumbanyiwe manda pe! Ameni.

Milimo 10:34

Petulo atandika ukuvwanga ati, “Ndakai namanya vino ica cumi Leza ataya na kasoozi pa muntu ali wensi.

Loma 8:3

Leza wene watacita vino Masunde yakwe Mose yaposiwe kucita pamulandu wakuti miyele ya untunze yaya itonte. Wene wavunwike iifyo mu untu apa kutuma Mwana wakwe, uwizile mu musango wa untu wakwe sweswe swe yakaifya, pakuti aiize aipeele kuya impolelwa ya kukulula antu ku maifyo yao.

Milimo 14:27

Lino yafika mu Antioki, yakonganika iuvi lyonsi, yayalandila vyonsi vino Leza wayacitile, na vino wapile Akulukuwa isyuko kuti yataile.

Yoane 16:28

Nafumile kuli Tata, nga niza mu nsi. Nupya ndakai namasya insi nu kuya kuli Tata.”

Yoane 13:3

Yesu, wamanyile vino Isi wamupeela maka yonsi, na vino wafumile kuli Leza nga nupya ali nu kuswilila kuli Leza.

Luka 24:51

Lino acili akuyapolelela, ayasya asendwa kwiyulu kupela.

Umbwilo 17:7

Alino mungeli anguzya ati, “Pacani wazunguka?” Namakunena inkama ya mwanaci ni cilyanyi cino akwezilepo. Cilyanyi cii cakwata mitwe cinimbali ni mpembe ikumi.

Umbwilo 17:5

Pa usyu wakwe palemvilwe izina lino lyakwata usenulo wa nkama likati, “Babiloni mukulu nyina wakwe yacizelele ni vya winyi vyonsi mu nsi.”

Ayebulai 8:1

Cikalamba cino tukulanda cakuti tukweti Simapepo Mukulu wino wikala kwi lunji lya cilimba cakwe Leza mwiyulu.

2 Tesalonika 2:7

Ndakai umfisolo wankota uno ukucitika utangata kuomba suka wiyo akuulesya ukucitika afumiwepo.

2 Tesalonika 1:10

Cii cilacitika pa wanda ulya lino Mwene aliza kuti apelwe lulumbi ku antu yakwe yonsi nga nu mucinzi kufuma kuli yonsi ataila. Namwe kwene mulapendelwako, pano mwataile vino twamunenyile.

Milimo 1:19

Antu yonsi amu Yelusalemu yuvwile pali cii. Caleka mu lulimi lwao calo cico cikaamwa ukuti Akelidama, kuli kuti “Calo ca Wazi.”)

Yoane 17:5

Tata! Ndakai mpela lulumbi pa manso yako, luno nene nawe twakweti lino insi itali icitwe.

Yoane 15:26

“Lelo kaazwa aliza, ali Mupasi, wino akasokolola cumi ca pali Tata, nupya akafuma kuli Tata. Ndamutumila wii kwene kufuma kuli Tata, nga nawe alapeela umboni pamulandu wane.

Yoane 6:62

Uzye lyene cingaya uli ndi mwaweni Mwana wa Muntu akukwela kwiyulu, kuswilila kuno wafumile?

Luka 2:32

Ufyusi wako ukoline wa luswepo ku Akulukuwa luno lulaleta ululumbi ku antu yako aina Izlaeli.”

Mako 16:5

Lino iingila mwi lindi, yalola umulumendo ala atenzi kwi kasa lilunji, azwite mwingila utiswe, nga yuvwa intete.

Mako 1:13

akuno watenzi manda makumi yani, ala akutunkwa na Ciwa. Mwali ni vilyanyi mu mpanga ilya. Lelo angeli iiza yamutumikila.

Mateo 28:2

Awe lilyo kwene kuya ni cilundumusi cikulu, pano mungeli wa Mwene wika mwiyulu, aiiza akunkulusya iwe, alifumya nga aikalapo.

Mateo 13:11

Yesu nawe aasuka ati, “Mwemo mwapelwa amano ya kumanya nkama zya Wene wa mwiyulu, lelo yene yatapelwa.

Mateo 4:11

Alino Ciwa amusya, na angeli iiza yamutumikila.

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

Loma 10:12

Pano pasi kasoozi pa Muyuda nu Mukulukuwa. Pano Leza wene Mwene wa antu onsi, nupya akapolelela antu yonsi yao akamulenga kuti ayazwe.

Loma 3:4

Mucumi citangaya! Lelo Leza wene akalanda vya cumi. Nanti angala antu yonsi yaya antumpu. Cili wakwe vino calembwa mu malembelo cati, “We Leza, leka antu yamanye ukuti vino ukalanda ivya cumi, nu kuti ukayasinda ndi yakulolwesya mulandu.”

Loma 16:26

Lelo ndakai cumi cico casokololwa apaswe muli vino yakasema yalemvile. Lyene Leza, uwa manda pe nawe wapela ilamulo kuti nkama imanyikwe ku nko zyonsi pakuti antu yonsi yataile nu kuyela.

2 Kolinto 1:19

Cii, cili vivyo pamulandu wakuti Yesu Klistu Mwana wakwe Leza wene lyonsi kwene waya a “Ee” nupya atatala waya a “Awe”. Wene ali wino Siluvano, Timoti, nga nani twamunenyile pali aliwe.

1 Petulo 1:21

Klistu uwalenzile kuti mutaile muli Leza, wino wamuzyukwile kufuma ku afwe. Nupya wamupile lulumbi. Acino utailo nga nu upaalilo winu vyaya muli Leza.

1 Yoane 3:8

Wino wensi akatwalilila kwifya wene uwakwe Ciwa. Pano Ciwa wifizye kufuma ku utandiko kwene. Mwana wakwe Leza walolike pamulandu kwene uu, kuti aonone vino Ciwa wacita.

Luka 20:44

Davidi wamwamile ati, ‘Mwene.’ Uzye lyene, Katuula uwalavilwe angaya uli umwana wakwe Davidi?”