1 Timoti 2:9 - Amazwi Yakwe Leza 2013

⁹ Na anaci kwene nkulonda kuti yazwala vizwalo vya mucinzi, vya mano nupya vilingine kuzwala. Yene yatalinzile kuiyemvya ni misango yakuluka inyele nanti kuzwala tuyembelo tuno twapangwa kuli zaabu nanti mbela yamutengo, nanti vizwalo vyamutengo ukome.

1 Timoti 2:9 交叉參考

Yelemiya 4:30

Alino nawe we Yelusalemu, ulazanzwa! Uzye pacani cino ukazwala insalu ziyenzulukile? Uzye pacani cino ukazwala iviyembelo vyakwe zaabu, nu kuipentola apa vipa vyako? Ala ukuicuzya sile apakuiyemvya! Yayo akutemilwe mpiti yatiyakusuula, yene yakulonda kukukoma.

Masamu 149:4

Pano Yawe akazangila mu antu yakwe, aliwe akayacindamika, pakuyapeela ucimvyo.

Ezaya 3:16

Yawe wavwanga wati, “Apamulandu wakuti anaci amu Zioni yakwatisya ivilumba, yakupita ala yati yatongomola utusingo twao, nu kuzyongola amanso yao, yakumeka pakupita intampulo izitali nu kulizya insaawa uku ngazo zyao,

Yelemiya 2:32

Uzye kwene umukazyana angilila iviyembelo vyakwe, nanti nawinga angilila umusipi wakwe? Lelo antu yane yatiyanjilila apa manda asi yakupenda.

2 Yamwene 9:30

Lino Yeu wafika ku Yezileele, Yezebele auvwa ukuti watafika nga apenta ivipa, aluka ni vikuti nga asungamila ukunzi apa nzota.

Mapinda 7:10

awe mukwai umwanaci wilya aiza ku kumukomenkanya, ala azwite ungati acizelele, ala watavimba ni citambala uku manso.

Utandiko 24:53

Lyene afumya zaabu ni viyembelo vyakwe siluva ni vizwalo apeela Labeka. Apela na mawila amutengo kuli kalume wakwe na kuli nyina.

Ezaya 61:4

Yamakuululula cipya cipya ivitotela vya myaka ntanenwa nu kututulula apali ponsi pano pononike, kumwi ni misumba yonsi iyaongolwike, nga ni vitalang'anda vya myaka ni myaka.

Esita 5:1

Pa wanda wakwe citatu uwa kuleka ukulya, Esita azwala umwingila wakwe unamwene. Lyene aya aimilila umukasi ka musolo wakwisano, ala wataikala, asumvile na manso uku mulyango. Umwene Aasuwelo amuno wali, ala atenzi apa cilimba ca wene, watalozya ni cinso lwaku mulyango.

Mapinda 31:22

Akaipikwila sile wenga ivyakuzwala. Akazwala insalu zyakwe pamba uwamutengo, nu kuvimbala amalangeti atikame.

Mateo 11:8

Ndi cisi vivyo uzye mwaile kukulola cani? Uzye umuntu uwazwite insalu ziyembe? Awe! Antu akazwala wakwe vivyo ayao akazanwa mu masano.

Mapinda 31:25

Wene wakalawana nupya wacindama wakwe cimwi, akazanga lyonsi nupya asioopa iviliza inkolelo.

1 Timoti 2:10

Lelo yene yalinzile kucita vintu visuma vilingine ni vicitwa vya anaci akayela Leza.