1 Samueli 9:6 - Amazwi Yakwe Leza 2013

⁶ Lelo umuomvi wakwe amunena ati, “Pembela panono! Mu musumba uu mwaya umuntu wakwe Leza wino antu yacindika sana pamulandu wakuti consi cino walanda cikafikiliziwa. Leka tukamulole. Limwi wene angatunena ukungazanwa yapunda.”

1 Samueli 9:6 交叉參考

Malango 33:1

Kuu, kuli kupolelela kuno Mose, umuntu wakwe Leza wapolelile aina Izlaeli lino atacili afwe.

1 Yamwene 13:1

Api lamulo lyakwe Yawe kasema wakwe Leza ukufuma ku mpanga ya Yuda aya ku Betele, nga afika kweneko ala Leoboamu aimi pipi lwapa kavuwa kuti apeele impolelwa.

1 Timoti 6:11

Lelo wemo, we muntu wakwe Leza, utakumako ku vintu vii vyonsi viipe. Uwaezya namaka kucita vyaololoke, ukuya wamuzilo, uwa utailo, kutemwa, kuposya, nga nu kufuka.

1 Tesalonika 5:13

Kunoyali mwalanga mucinzi nga nu kutemwa kukulu kuluta pamulandu wa mulimo uno yakaomba. Mwaikala mutende pakasi kinu.

1 Tesalonika 2:10

Mwemo pali pamwi na Leza mwemwe yakambone itu ukuti micitile itu kunomuli yali yamuzilo, yololoke, nupya yaula mulandu.

Mateo 24:35

Iyulu ni nsi vitalikalilila manda pe, lelo mazwi yane yene yalikalilila manda pe.

Ezaya 44:26

Lelo umuomvi wane wenga ndi wasowela cimwi, lino natuma inkombe yonga uku kukosola vino nateyanya, awe cumi ala lyene vino nateyanya vilacitika. Nene nkalanda vya musumba wa Yelusalemu kuti antu yataca yize yikalemo nupya. Inkavwanga nu kuti imisumba ya mpanga ya Yuda ilatutululwa cipya cipya. Icacumi, imisumba iyo anene ndaikuululula muno yononeka.

2 Yamwene 6:6

Alino kasema Elisya auzya ati, “Uzye impasa iyo isokokile lwapi?” Alino umuntu wilya amulanga apali pasokokela impasa. Elisya nawe pali pakutema akamusambo ka muti, akasumbila mu manzi, lwa pano impasa iyo yaliyaponela. Alino papo kwene impasa iiza ifuma iyaelela pa manzi.

1 Samueli 2:27

Lyene umuntu wakwe Leza aiza kuli Eli nu kumunena ati, “Yawe watavwanga ndi vino wene waisokolwile umu ng'anda yakwe so pa nsita ino so na ang'anda yakwe yatenzi ku Eguputo wa azya mwakwe Falao.

Utandiko 24:42

“Lino nalinafika pa cifula ilelo, nalinapepa nati, ‘We Yawe, Leza wa musambazi wane Abulaamu, napapata ngazwe kuti nzane cino nkulonda mu ulendo wane.

1 Samueli 9:8

Umuomvi wilya aasuka ati, “Lola! Nemo nkweti kakowili kakwe siluva akanono. Namaya nkamupeele pakuti angayalanga kuno yapunda yangazanwa.”

2 Samueli 15:27

Umwene anena na simapepo kwene Zadoki ati, “Lola! Senda umwana wako Aimaazi nga na Yonatani umwana wakwe Abyata nga muswilile ulumi mu musumba.

2 Yamwene 5:8

Lino Elisya, umuntu wakwe Leza uvwa ukuti kasema wilya watalepola ivyakuzwala vyakwe, atuma akuya nena umwene wilya amazwi yaa ati, “Uzye pacani walepula ivyakuzwala vyako? Leka umwenyi wiyo aize kunondi nga amamanya ukuti umu Izlaeli mwaya kasema.”

Masamu 25:12

Yayo akwatila Yawe icoopo, akayalangilila inzila umwakulondela.