21 Saulo nawe aasuka ati, “Lelo nemo nene uwa mutundu wakwe Benjamini, umutundu uwasyalikila sana pa mitundu ya ina Izlaeli nga luko lwane ululi luko ulunono ukuluta pa nko zya ina Benjamini. Uzye apacani mwanenela amazwi amusango ndi uu?”
Samueli nawe amunena ati, “Nanti angala mpiti wailolanga wemwisikulu wa muntu umucepesye pa antu, ala wewe uli ntunguluzi ya mitundu yonsi iya ina Izlaeli. Yawe, uwakulasike utesi pa ina Izlaeli.
Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.
Apano yali yakwe Benjamini akaluko kanono, ayano yakolezile nga alino palondelela intunguluzi zya Ayuda, pamwi ni uvi lyao. Nga pali alio napo palondelelela intunguluzi zya ina Zebuluni ni zya ina Nafutali.
Lyene Samueli pali pakusenda Saulo pamwi nu muomvi wakwe, nu kuyasezya umwakuliila. Ayapeela ni ncende icindamisye pa antu yonsi yano yamilwe, yao angafika nu ku mpendwa ya makumi yatatu.
